"ოპერაცია თითქმის 15 საათი გაგრძელდა და ცოტა ხნის წინ დასრულდა" - როგორია დათი ქოქრაშვილის მდგომარეობა?

8 წლის დათი ქოქრაშვილი, რომელსაც მძიმე ავარიის შემდეგ მთელი საქართველო გულშემატკივრობს, უკვე თვეებია ამერიკაშია და რეაბილიტაციის კურსს გადის. გუშინ მან ურთულესი ოპერაცია გადაიტანა, ეს იყო რეკონსტრუქციული პლასტიკური ოპერაციის პირველი ეტაპი.

ოპერაცია 15 საათის განმავლობაში მიმდინარეობდა და ცოტა ხნის წინ დასრულდა. დათის მდგომარეობა სტაბილურია. ინფორმაციას ოჯახის წევრები და ახლობლები ამერიკიდან ავრცელებენ.

"მეგობრებო სათითაოდ პასუხს ვერ გწერთ, მაპატიეთ. ოპერაცია თითქმის 15 საათი გაგრძელდა და ცოტა ხნის წინ დასრულდა. დათის მდგომარეობა ამ ეტაპზე სტაბილურია. დიდი მადლობა ყველა გულშემატკივარს. ეს ოპერაცია რამოდენიმე ეტაპად არის დაყოფილი და აუცილებლად შეგატყობინებთ" - წერს თეა ცხადაძე.

ცნობისთვის, გასული წლის 31 მარტს, თბილისში, შარტავას ქუჩაზე, ავარიის დროს 8 წლის დათი ქოქაშვილი უმძიმესად დაშავდა. ბავშვი ერთი კვირის განმავლობაში მრავლობითი მოტეხილობით იაშვილის კლინიკაში იბრძოდა სიცოცხლისთვის, შემდეგ კი ოჯახმა ისრაელში გადაიყვანა, რის მერეც გერმანიაში გაფრინდენ, სადაც ბავშვმა რეაბილიტაციის კურსი გაიარა. დათი საქართველოში რამდენიმე კვირის წინ დაბრუნდა.