23
აპრილიდღის ზოგადი ასტროლოგიური პროგნოზი
რა ხდება მაშინ, თუ გაგიმართლა და ცნობილი ფეხბურთელის, მესის ასლი დაიბადე. ირანელი რეზასთვის ეს ფულის გამომუშავების საუკეთესო წყარო აღმოჩნდა, მაგრამ შედეგები - არც ისე სახარბიელო. ირანული სასამართლო რეზა პარასტეშის დასჯას ითხოვდა, რომელიც ეჭვმიტანილი იყო 23 თანამემამულე ქალის შეცდენაში. მკაცრი ისლამური კანონების მქონე ქვეყნისთვის მსგავსი ბრალდებები ძალიან სერიოზულია. და "ყალბი მესის" ამბავი კომიკურიც და ჭკუის სასწავლიც.
"იდეა მამამ მომაწოდა..."
ეს ამბავი 2017 წელს ქალაქ ჰამადანში დაიწყო, როცა მამამ 26 წლის შვილს "ბარსელონას" კაპიტნის მაისურით პოზირება სთხოვა. ფოტო ვირუსულად გავრცელდა ინტერნეტში. მსგავსება იმდენად გასაოცარი იყო, რომ პარასტეშს ხუმრობით მეტსახელად "ყალბი მესი" და ასევე "ირანელი მესი" შეარქვეს.
თავიდან ახალგაზრდა კაცს მოსწონდა პოპულარობა, ამისთვის თმა შეიჭრა და წვერიც კი გაიზარდა, როგორც ცნობილი ფეხბურთელი ატარებდა. ამის შემდეგ მსგავსება კიდევ უფრო საოცარი გახდა.
ადგილობრივი მედიის ინფორმაციით, როდესაც რეზა ქუჩაში გამოდიოდა ფეხბურთელის მაისურით, "მესის" დანახვისას აღფრთოვანებული თანამემამულეები მის გარშემო იკრიბებოდნენ, ყველას სურდა ფოტო გადაეღო თავის "კერპთან". ხშირად პოლიციის ჩარევაც კი ხდებოდა საჭირო.
ერთ დღესაც რეზამ გადაწყვიტა მსგავსება საკუთარი მიზნებისთვის გამოეყენებინა. სოციალურ ქსელში პირადი ანგარიში შექმნა და მალე მისმა გამომწერების რიცხვა 700 ათასს მიაღწია, რეკლამებში გადაღება შესთავაზეს.
ირანელმა მესიმ სხვისი ცხოვრებით ტკბობა დაიწყო - ფეხბურთელის სახელით არიგებდა ავტოგრაფებს, მართავდა პრესკონფერენციებს, აძლევდა ინტერვიუებს. ამავე დროს სოციალურ ქსელში საკუთარი ფოტოების გარდა, ნამდვილი მესის ფოტოების გამოქვეყნება დაიწყო, რამაც კიდევ უფრო არია სიტუაცია. ირანელის გულშემატკივრები ვეღარ იგებდნენ სად იყო მათი "მესი", რადგან პოსტებზე ითხოვდა, რომ გამოეცნოთ მისი ადგილსამყოფელი.
მაცდური ირანელი
ერთ დღესაც ერთ-ერთმა ესპანურმა გამოცემამ გადაწყვიტა ეს ისტორია სენსაციად ექცია და დაწერა, რომ ირანელმა მესიმ მოახერხა და 23 ქალთან სექსუალური კავშირი დაამყარა. ისინი ფეხბურთის კერპთან მისმა მსგავსებამ აცდუნა. თუმცა, თავად სტატიის გმირმა უარყო მსგავსი ბრალდებები.
რეზამ ინტერნეტში გამოაქვეყნა ვიდეო, სადაც ამბობდა: "გამარჯობა მეგობრებო, მედიაში ჩემს შესახებ ცრუ ამბავი გავრცელდა - თითქოს 23 ქალთან მეძინა, რადგან მათ ლიონელ მესი ვეგონე. გთხოვთ, ნუ ეთამაშებით ჩემს რეპუტაციას და ნდობას. არ დაიჯეროთ, ეს არ არის სიმართლე."
"ინფორმაცია ვრცელდება მუსულმანურ ქვეყნებში და ეს კატასტროფაა. ჩემს ოჯახთან ურთიერთობა დამეძაბა, ახლობლები ახლა ცუდ ადამიანად მთვლიან. თავს მესხმიან სრულიად უცხო ადამიანები“, - წუხდა ის.
- მან ინტერნეტით მიმართა მესის და დაარწმუნა თავისი კერპი, რომ პატივს სცემდა მის ავტორიტეტს, უყვარდა და საერთოდ არ სურდა მისი შეურაცხყოფა. ბიჭი დაჰპირდა, რომ ყველა ღონეს გამოიყენებდა, რომ ფეხბურთის ვარსკვლავის სახელი არ იყოს დისკრედიტირებული ამ სულელურ ამბით.
მას შემდეგ, რაც რეზა პარასტეშმა ინტერნეტმომხმარებლებს მიმართა, ვნებები ჩაცხრა. მისი თანამემამულეები მიხვდნენ, რომ არც ერთი ირანელი ქალი არ დაიჯერებდა მსგავს ტყუილს. ბოლოს და ბოლოს, ყალბი მესი ესპანურად არ საუბრობს და არც ნამდვილმა მესიმ იცის ირანული. თუმცა, ის ფაქტი, რომ რეზა სასჯელს გადაურჩა, იმას არ ნიშნავს, რომ ისეთ ქვეყანაში, როგორიც ირანია, „მესი“ გაესამართლებინათ.
პარასტეშის წინააღმდეგ ბრალდებების შეწყვეტის შემდეგ მისმა გულშემატკივრებმა ამოისუნთქეს. ცნობილი ინგლისელი ფეხბურთელი გარი ლინეკერი ძალიან წუხდა, რომ "ყალბ მესის" სამშობლოში სისხლის სამართლის პასუხისმგებლობა ემუქრებოდა და როცა საშიშროებამ გაიარა, ძალიან გაუხარდა.
ახლა რეზა პარასტეში სოციალურ ქსელში ისევ აქვეყნებს გულშემატკივრებისთვის სასაცილო ვიდეოებს, ფოტოებს და კოლაჟებს, სადაც ვარსკვლავს ჰგავს, მაგრამ რეკლამებში აღარ იღებენ და ამით ფულსაც ვეღარ შოულობს.
