გორგიას ხელოსანთა აკადემიაში მიღება დაიწყო

„გორგიას ხელოსანთა აკადემია“ საქართველოს ისტორიაში პირველი სტრატეგიული მნიშვნელობის პროექტია, რომელიც ხელოსნების სერტიფიცირების შესაძლებლობას იძლევა.

„გორგიას ხელოსანთა აკადემია“ გორგიასა და USAID-ის პარტნიორობის ფარგლებში დაარსდა. აკადემია ორი წლის განმავლობაში 700-მდე ადამიანს შეასწავლის პროფესიულ საქმიანობას. პროექტი ითვალისწინებს 2-თვიანი მოსამზადებელი სასწავლო კურსების შექმნას, რომლებიც შემუშავდა ევროპელ მომწოდებლებთან, ადგილობრივ პარტნიორ კომპანიებთან და დარგის ექსპერტებთან თანამშრომლობით „გორგიას ხელოსანთა აკადემიისთვის“.

გორგიას ხელოსანთა აკადემიაში მიღება უკვე დაიწყო. თბილისსა და ბათუმში სტუდენტების რეგისტრაცია 22 აგვისტომდე გაგრძელდება, სწავლა კი 26 აგვისტოდან დაიწყება ეტაპობრივად.

USAID-ისა და გორგიას პარტნიორობით შექმნილ ყველა პროგრამას სსიპ განათლების ხარისხის განვითარების ეროვნული ცენტრის მიერ აქვს ავტორიზაცია მინიჭებული. „გორგიას ხელოსანთა აკადემიაში“ დაინტერესებული პირები შეისწავლიან შემდეგ კურსებს:

1. თაბაშირ-მუყაოს კონსტრუქციების მოწყობა
2. კარ-ფანჯრის მონტაჟი
3. სანტექნიკის სისტემების მონტაჟი
4. სხვადასხვა სახის იატაკის ინსტალაცია
5. ფილებით მოპირკეთება
6. სახურავის მოწყობა

გორგიას ხელოსანთა აკადემია ხელს შეუწყობს კვალიფიციური კადრების მომზადებას. აკადემიის ტრენინგ ცენტრის პედაგოგების გადამზადებაზე და კვალიფიკაციის ამაღლებაზე დარგის ევროპელმა სპეციალისტებმა იზრუნეს. კურსის წარმატებით დასრულების შემდეგ კურსდამთავრებულებს გადაეცემათ სახელმწიფოს მიერ აღიარებული სერტიფიკატები და მომავალში დასაქმდებიან „გორგიას“ პარტნიორ კომპანიებში.

ტრენინგ ცენტრის გახსნა იგეგმება ასევე ზუგდიდში, ქუთაისსა და თელავში.

რეგისტრაციისთვის შეგიძლიათ დარეკოთ- 032 2 960 960.

ასევე შეგიძლიათ მოგვწეროთ გორგიას ხელოსანთა აკადემიის FACEBOOK გვერდზე ან შეავსოთ სააპლიკაციო ფორმა: https://bit.ly/3YtvVxJ

R