სტადიონი 350 მეტრის სიმაღლეზე, საოცარი ხედი უდაბნოზე, ფუტურისტული მოედნები - როგორ სტადიონებს აშენებს 2034 წლის მსოფლიო ჩემპიონატისთვის საუდის არაბეთი?

2034 წელს მსოფლიოს ჩემპიონატი ფეხბურთში საუდის არაბეთში გაიმართება. რა თქმა უნდა, ამისთვის განსაკუთრებულად ემზადებიან. ქვეყანაში 11 ახალ სტადიონს ააშენებენ. რაც, სავარაუდოდ, ყველაზე ძვირად ღირებული სპორტული პროექტი იქნება რომელიც ოდესმე განხორციელებულა.

• ყველაზე გასაოცარი დიზაინი 45,000 ადამიანზე გათვლილი ფუტურისტული, ლედ პანელებით გაფორმებული სტადიონს აქვს, რომელიც საუდის არაბეთის დედაქალაქში, ერ - რიადში აიგება

• კიდევ ერთი შთამბეჭდავი ნაგებობა ნეომში აიგება - ეს არის ქალაქი, რომლის მშენებლობაც ჯერ არ დასრულებულა. ნეომი უდაბნოში მშენებარე ქალაქია და მისი სიგრძე 106 მილი იქნება.

ფუტურისტულ ნეომში სტადიონის მშენებლობაზე საუდის არაბეთის 2034 წლის გეგმები ასეა აღწერილი:

“ეს იქნება ყველაზე უნიკალური სტადიონი მსოფლიოში. მიწიდან 350 მეტრზე მეტ სიმაღლეზე განლაგებული მოედანი, განსაცვიფრებელი ხედები. ქალაქთან შერწყმულ სტადიონს მსოფლიოში ანალოგი არ ექნება. ჩართული იქნება ტრამვაის მსგავსი სწრაფი სატრანზიტო მანქანების ქსელი და პერსონალური სწრაფი ტრანზიტი, რომლებიც ხუთ ძირითად ჰორიზონტალურ სატრანსპორტო დერეფნებზე იმუშავებენ.

მიწისზედა დერეფნები განთავსდება 30, 150, 250, 350 და 450 მეტრზე და უზრუნველყოფს სწრაფ და ეფექტიან გადაადგილებას.

• ყველაზე დიდი ტევადობის იქნება King Salman სტადიონი, რომელიც უმასპინძლებს როგორც გახსნის თამაშს, ასევე ფინალს - ის 92000 გულშემატკივარზეა გათვლილი.

King Salman -ს ექნება არა მხოლოდ VIP ტერიტორიები, არამედ VVIP ტერიტორიები, რომლებიც სავარაუდოდ, გამოიყენება სახელმწიფოს მეთაურებისთვის.

სულ 15 ქალაქში იქნება 132 სავარჯიშო ადგილი 48 გუნდისთვის".

11 სრულიად ახალი სტადიონის გარდა, ასევე განახლდება ოთხი ამჟამინდელი მოედანი, რომელიც გამოიყენება საუდის არაბეთის პრო ლიგაში.

წყარო