10
აპრილიდღის ზოგადი ასტროლოგიური პროგნოზი
პარიზის 2024 წლის ოლიმპიადა გახსნისთანავე მსოფლიოს ყურადღების ცენტრში მოექცა. სკანდალების, დაპირისპირების, აღფრთოვანების, სხვადასხვაგვარი ემოციებისა და მღელვარების ფონზე, ოლიმპიადა ყოველდღე გვთავაზობს ჯადოსნურ ისტორიებს.
გამარჯვების შეძახილებს, მომენტალურად მწუხარების ოხვრა ანაცვლებს და ეს ყველაფერი საერთო ჯამში, ულამაზეს სურათს ქმნის. ამ ჯადოსნურ ამბებს შორის გამორჩეულია ერთ- ერთი სპორტსმენის ისტორია - 28 ივლისს ძიუდოში მოქმედი ოლიმპიური ჩემპიონი, უალტერნატივო ლიდერი და მილიონობით ადამიანის კერპი, 4-გზის მსოფლიოს ჩემპიონი უტა აბე (52 კგ) მერვედფინალში უზბეკ დიორა კელდიოროვასთან სენსაციურად დამარცხდა.
თავდაპირველად უტა ვაზარით იგებდა, თუმცა კელდიოროვამ მისი იპონით დამარცხება მოახერხა. ფინალი თავად აბესთვისაც მოულოდნელი იყო. მწარე რეალობის გააზრების შემდეგ სპორტსმენმა ემოციები ვერ შეიკავა და ხმამაღლა აქვითინდა.
გულშემატკივრებმა სპორტსმენი, რომელიც მის მწვრთნელს მიჰყავდა, მხურვალე აპლოდისმენტებისა და შეძახილების ფონზე გააცილეს. ეს იყო ყველაზე ემოციური წაგება ოლიმპიადების ისტორიაში. თუმცა, 24 წლის ძიუდოისტმა მაინც მოიგო მსოფლიოს გული და მასზე მთელი მსოფლიოს პრესა წერს.
“ქალი სუპერშესაძლებლობებით“, - ასეთი ზედმეტსახელიც კი შეარქვეს მას.
მოგვიანებით, ძოუდოში ოქროს მედლის მოპოვება შეძლო უტას აბეს ძმამ - ასევე მოქმედმა ოლიმპიურმა ჩემპიონმა ჰიფუმი აბემ (66 კგ).
"ჩემი დის წაგების გამო თავს ცუდად ვგრძნობდი, ძალიან გულდაწყვეტილი ვიყავი, მაგრამ უნდა მებრძოლა. მიხარია, რომ უტასთვის ოქროს მედლის მოგება მოვახერხე", - განაცხადა ჰიფუმი აბემ მედიასთან, რომელმაც მედალი დას მიუძღვნა.
როგორც ტაბლოიდები წერენ, უტა აბე პოპულარულ თმის სტილისტთან გეგმავს ქორწინებას
“შეყვარებულის თვალწინ ძიუდოს კერპს ღიმილით სახე გაუბრწყინდა, რომელსაც ტატამზე არასდროს აჩენს. უფროს ძმას, კაზუმის მისი შეყვარებული მოსწონს“, - წერს ყვითელი პრესის ჟურნალის friday.news იაპონურ მედიაზე დაყრდნობით და პაპარაცების მიერ გადაღებულ ფოტოებს აქვეყნებს, სადაც უტა აბე მის რჩეულთან ერთად ქუჩაში დასეირნობს.
სამაგალითო და - ძმობა
და-ძმები ერთ უბრალო იაპონურ ოჯახში გაიზარდნენ. უფროსი ძმა თავადაც ძიუდოთი იყო გატაცებული, თუმცა ერთხელ წყალბურთი ნახა და იმის შემდეგ სპორტის ამ სახეობაში გადავიდა.
უმცროს დას ძიუდოზე სიარული ძმებმა შთააგონეს. გოგონას თქმით, მამას უნდოდა, რომ მუსიკალურ სკოლაში ევლო, ფორტეპიანოზე დაკვრა ესწავლა. მიუხედავად გადატვირთული გრაფიკისა, მამის სურვილი შეასრულა, თუმცა ძიუდოს სიყვარული უზარმაზარი აღმოჩნდა.
უტა ხედავდა, რომ მისი ძმის, ხიფუმის შრომა ფასდებოდა და პატარ-პატარა, მაგრამ რეგულარულ წარმატებებს აღწევდა. საინტერესოა, რომ გარკვეული პერიოდის განმავლობაში სპორტის მიმართ ინტერესი დაკარგა, მაგრამ თანატოლ ნამე ნაბეკრუისთან მარცხმა უსასრულო მოტივაცია მისცა.
ტოკიოს 2020 წლის ოლიმპიადაზე და-ძმამ, ძიუდოში ოქროს მედლები 30 წუთის სხვაობით მოიგეს.
"ჩემმა დამ პირველმა მოიგო ოქრო, მაგრამ ამის გამო არანაირი წნეხი არ მიგრძვნია. ჩემს გამარჯვებაში დარწმუნებული ვიყავი!“, - თქვა მაშინ ხიფუმი აბემ ბრძოლის შემდეგ გამართულ პრესკონფერენციაზე.
“ჩემი ბრძოლის სტილი 70%-ით ძმის გავლენით ჩამოყალიბდა. ჩემს ძმას უნდა ვუმადლოდე. ის რომ არა, არც ვიცი, როდესმე ძიუდოთი თუ დავკავდებოდი“, - ამბობდა უტა აბე მედიასთან 2020 წელს.
ასევე იხილეთ:
- "ამას ჩემს ძმას უნდა ვუმადლოდე" - ტოკიოს ოლიმპიადის ტრიუმფატორი ძიუდოისტი და-ძმა და მათი წარმატების გზა
- გამაოგნებელი ბრძოლის უნარი და თავგანწირვა - სიმსივნის დიაგნოზით ოლიმპიადაზე: მოფარიკავე ნატალი მოელჰაუზენის ისტორია, რომელიც გულგრილს არავის დატოვებს
მე უზბეკს ვბალეშიკობდი 🇸🇧