მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ადგილი, სადაც ინოვაციები, ტექნოლოგიები და ხელოვნება ერთმანეთს ხვდება - KIU კაპელა და ზურა კაჭარავას ისტორია
12:50 / 09-07-2024
ზურა კაჭარავა ქუთაისის საერთაშორისო უნივერსიტეტის მენეჯმენტის პროგრამის მეორე კურსის სტუდენტია. იგი თბილისის ცენტრალური სამუსიკო სასწავლებლის საგუნდო დირიჟორობის კურსდამთავრებული, ეროვნული საგუნდო კონკურსის სამ გზის ოქროს მედალოსანი და KIU კაპელას ხელმძღვანელი და პროექტის კოორდინატორია.
ქუთაისის საერთაშორისო უნივერსიტეტში სწავლისევროპულმა სტანდარტებმა, ინოვაციურმა სივრცემ და კამპუსზე დამოუკიდებლად ცხოვრების შესაძლებლობამ ზურას მოტივაცია გაუჩინა სწავლა საქართველოს ერთ-ერთ ყველაზე რეიტინგულ უნივერსიტეტში გაეგრძელებინა და ხელოვნების შემდეგ ახალ პროფესიასაც დაუფლებოდა. „KIU მართლაც უნიკალური სივრცე აღმოჩნდა. აკადემიური სწავლების დატვირთულმა რეჟიმმა, ყოველდღიურმა რუტინამ, კამპუსზე ცხოვრების გამრავალფეროვნების სურვილმა და უნივერსიტეტში გაცნობილი ადამიანების სხვადასხვა სფეროში წარმატებამ შთამაგონა მეც ჩემი პატარა წარმატების ისტორია შემექმნა”- ასე ჩაეყარა საფუძველი „KIU კაპელას”.
ამბობს, რომ KIU-ში საკმაოდ დატვირთული სწავლის დაწყების შემდეგ განსაკუთრებითენატრებოდა თავისი ცხოვრების განუყოფელი ნაწილი - მუსიკა. უნივერსიტეტის ახალმა გარემომ, სტუდენტურმა პროექტებმა, იმ შესაძლებლობამ რასაც ქუთაისის საერთაშორისო უნივერსიტეტი ყველა სტუდენტს სთავაზობს, სტიმული მისცა კაპელას პროექტზე დაეწყო მუშაობა და თავდაპირველად იდეა „პოდკასტის ჩემპიონატზე” სტუდენტებთან და ჟიურისთან გააჟღერა.
პოდკასტის ჩემპიონატი KIU-ს მენეჯმენტის სკოლის ყოველსემესტრული ღონისძიებაა, რომლის ფარგლებშიც სტუდენტ სპიკერებს შესაძლებლობა აქვთ პოდკასტების, ანუ 10 წუთიანი მოხსენებების საშუალებით თავიანთი გამოცდილება, შეხედულებები დამსწრეებს წარუდგინონ და გაუზიარონ, ესაუბრონ ღირებულებებზე, პირად წარმატებებსა თუ წარუმატებლობებზე. სწორედ პოდკასტის ჩემპიონატზე გადაწყვიტა ზურამ იდეის პრეზენტაცია. კონკურსზე ჟიური და სტუმრებიც აამღერა და სტუდენტების ინტერესიც მაშინვე გამოიწვია. შემდეგ კი დაინტერესებულ ახალგაზრდებთან ერთად შეარჩია სარეპეტიციო სივრცე, შესასრულებელი ნაწარმოები და დირიჟორობაც გაიხსენა.
კაპელაში ამ ეტაპზე 35 სტუდენტია გაწევრიანებული სხვადასხვა გამოცდილებისა და ინტერესების ადამიანს კვირაში ორჯერ, რამდენიმე საათით მუსიკის სიყვარული აერთიანებს. „ნახევარმა გუნდმა სიმღერა ყოველგვარი გამოცდილების გარეშე დაიწყო, თუმცა შრომამ და პასუხისმგებლიანმა დამოკიდებულებამ უკვე პირველი შედეგიც გამოიღო“-, ამბობს ზურა.
იმისათვის, რომ კაპელა განვითარებულიყო, რეპეტიციები კი უფრო მრავალფეროვანი და საინტერესო გამხდარიყო, ზურამ თავის გუნდთან ერთად „KIU კაპელას“ სტუდენტურ პროექტზე დაიწყო მუშაობა. მიზანსწრაფულმა ახალგაზრდამ იდეის განვითარებისთვის დაფინანსება სტუდენტური პროექტების დაფინანსების პროგრამიდან მიიღო და ხელოვნების სიყვარული სტუდენტურ პროექტად აქცია.
კაპელას ფარგლებში, აკადემიური პროცესის პარალელურად, ახალგაზრდები სხვადასხვა შეხვედრებსა და ღონისძიებებსაც აორგანიზებენ. სასწავლო წლის განმავლობაში, არაერთი ცნობილი მუსიკოსი და დირიჟორი სტუმრობს უნივერსიტეტს და სტუდენტებისთვის მასტერკლასებს ატარებს. კაპელამ პირველ წარმატებასაც მიაღწია, „საქართველოს საგუნდო საზოგადოების” მიერ ჩატარებულ ეროვნულ საგუნდო კონკურსში მონაწილეობა მიიღეს და მაღალი ქულებით მეორე ტურში გადავიდნენ. შემოდგომით ახალგაზრდებს უკვე ფინალი ელოდებათ.
„კაპელას რეპეტიცია არ არის მხოლოდ სწავლა და სიმღერა. კაპელას წევრების ჯანსაღი ურთიერთობები კამპუსზე სამაგალითოა. ხშირად მეკითხებიან, რას ვაკეთებთ ასეთს კაპელაზე, რომ რეპეტიციიდან ყველა ამაღლებული განწყობით და გაღიმებული გამოვდივართ“, ამბობს ზურა. მისთვის მიზანი, რომ ტექნოლოგიურ სივრცეში კაპელა ყოფილიყო მუსიკის მოყვარული ადამიანების ჯადოსნურ სამყაროში გადასვლის შესაძლებლობა - შესრულებულია.
კაპელას პროექტის მსგავსად, KIU საკუთარი იდეის განხორციელების საშუალებას აძლევს უნივერსიტეტის ყველა სტუდენტს და საუნივერსიტეტო ცხოვრებისა და საგანმანათლებლო გარემოს განვითარების მიზნით, სტუდენტური პროექტების დაფინანსების პროგრამას ახორციელებს. KIU-ს დაფინანსებით 2020 წლიდან, პროგრამის ფარგლებში, 135000-მდე ლარით 20-მდე სტუდენტური პროექტი დაფინანსდა. უნივერსიტეტში ფუნქციონირებს მუსიკალური ოთახი, სპორტული კლუბები, ელექტროინჟინერიის კლუბი; ტარდება ინტელექტუალური ჩემპიონატები, ჰაკათონები, ფესტივალები და სხვა.
NS
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
