უახლოესი რამდენიმე საათის განმავლობაში აღმოსავლეთ საქართველოში ძლიერი ნალექი, სეტყვა და ძლიერი ქარია მოსალოდნელი  - გარემოს ეროვნული სააგენტო

უახლოესი რამდენიმე საათის განმავლობაში აღმოსავლეთ საქართველოში მოსალოდნელია ძლიერი ნალექი, ელჭექი, სეტყვა და ქარის გაძლიერება. ინფორმაციას ამის შესახებ გარემოს ეროვნული სააგენტო ავრცელებს.

'უახლოესი რამდენიმე საათის განმავლობაში აღმოსავლეთ საქართველოში: თბილისში, შიდა ქართლში , ქვემო ქართლში, მცხეთა მთიანეთში, კახეთის ცალკეულ რაიონებში მოსალოდნელია ძლიერი ნალექი, ელჭექი, სეტყვა და ქარის გაძლიერება.

მოსალოდნელმა ძლიერმა ნალექმა შესაძლებელია მდინარეებზე წყლის დონის მატება, პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ- ღვარცოფული პროცესების ჩასახვა- გააქტიურება გამოიწვიოს”, - წერია განცხადებაში.

იხილეთ ასევე:

• ძლიერი წვიმა თბილისში - ზოგიერთ უბანს კი თავს სეტყვა და ქარიც დაატყდა (ფოტო, ვიდეო)