"ესეც ჩემი 90-ინების სკოლის დამთავრება...  მჯეროდა, მთებს გადავდგამდი, ვერაფერი მომერეოდა, შეყვარებული არასდროს მაწყენინებდა, მიზანს მივაღწევდი..." - რა ფოტოს აქვეყნებს ხათუნა სამნიძე

პარლამენტარი ხათუნა სამნიძე "ფეისბუქში" ფოტოს აქვეყნებს და წერს:

"ბოლო ზარის ლამაზმა ფოტოებმა გამახსენა…ეს ჩემი ოთხმოცდაათიანების სკოლის დამთავრებაა მჯეროდა, მთებს გადავდგამდი, ვერაფერი მომერეოდა, შეყვარებული არასდროს მაწყენინებდა, ყველაფერს ავაწყობდი, მიზანს მივაღწევდი, ყველაფერს...

არა, რაღაცები კარგად გადავდგი-გადმოვდგი, აღმართზე სიარულიც ვისწავლე, მაგრამ იმდროინდელი თავდაჯერება და სილაღე რა მაგარია, მერე მიზნებსაც რაღაც ემართება, დინებას მიყოლა ჩვეულებრივი რამ ხდება, ბარიერის წინ შეყოვნებაც გიწევს და შიშებიც იცოცხლე, ისეთი ბევრი და მრავალფეროვანია.

ჰოდა, მინდა ჩვენი მაგარი გოგოები და ბიჭები, დღეს რომ ხელმოწერებით აჭრელებულები გულს გვიხარებენ, სულ ასე ლაღები, მაგრები, მიზანდასახულები, ძლიერები და რწმენით სავსენი იყვნენ მერეც, სულ!

ჩვენც, ჩვენც, ისეთი დრო გამოვიარეთ, სულ უნდა გვქონდეს თვითრწმენა და ცხოვრების სიყვარული სხვანაირად არ შეიძლება. Life is beautiful..."

შეგახსენებთ, ხათუნა სამნიძე მძიმე სენს ებრძვის. ამის შესახებ მან პირდაპირ ეთერში განაცხადა და აღნიშნა, რომ სწორედ ეს არის მიზეზი, რის გამოც ქვეყანაში მიმდინარე პოლიტიკურ პროცესებში ჩართული არ არის.

იხილეთ ასევე:

• "ვარ ქიმიოთერაპიის პროცესში... ვერაგი დაავადებაა, ამ შოკისმომგვრელი ინფორმაციის მერე პირველი ნაბიჯები მეგობრების და ოჯახის თანადგომამ გადამადგმევინა" - ხათუნა სამნიძე