მნიშვნელოვანი ინფორმაცია
2
აპრილიდღის ზოგადი ასტროლოგიური პროგნოზი
ხუთშაბათი, მთვარის მეექვსე დღე დაიწყება 08:28-ზე, მთვარე ტყუპშია
მოაგვარეთ წვრილ-წვრილი საქმეები. სერიოზულები სხვა დროისთვის გადადეთ. კარგი დღეა კოლექტიური მუშაობისთვის, ბიზნესისთვის. მოაგვარეთ ფინანსური საკითხები. თუ არ გეჩქარებათ, უძრავ ქონებასთან დაკავშირებული საკითხები სხვა დღისთვის გადადეთ. ნეიტრალური დღეა ვაჭრობისა და სასამართლო საქმეებისთვის. კარგი დღეა სწავლისა და გამოცდების ჩასაბარებლად; ურთიერთობის გარჩევისათვის. ნეიტრალურია სამსახურის, საქმიანობის, საცხოვრებლის შეცვლა. კარგი დღეა ქორწინების, ნიშნობისა და სექსუალურისთვის. დაღლილობას სუფთა ჰაერზე გასეირნება, მსუბუქი ვარჯიში მოგიხსნით. მსუბუქად იკვებეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
კილომეტრებზე გადაჭიმული ნაგვის გორები და ჰაერი, რომლის სუნთქვაც სულ უფრო ჭირს - რა ხდება მსოფლიოს ყველაზე ბინძურ ქალაქში (ფოტოები)
22:16 / 17-05-2024
ქალაქი, რომელიც მსოფლიოში ყველაზე ბინძურად მიიჩნევა და სადაც რამდენიმე მეტრიანი ნაგვის გორები კილომეტრებზეა გადაჭიმული, ინდოეთში მდებარეობს.
ინდოეთის დედაქალაქ დელიში, რომელიც ყველაზე დაბინძურებულად მიიჩნევა, ჰაერის ხარისხმა უკვე საგანგაშო დონეს მიაღწია. მთელ ქალაქს სქელი ტოქსიკური სმოგი აკრავს და კანალიზაციის სუნი იგრძნობა. პირობები აქ იმდენადაა გაუარესებული, რომ მაცხოვრებლები, რომლებიც მსოფლიოში ყველაზე ჭუჭყიან ჰაერს სუნთქავენ, ახლა ფილტვების დაბინძურების გამო სხვადასხვა დაავადებების რისკის ქვეშ არიან.
დელის დაბინძურებაში ყველაზე დიდი წვლილი ქალაქის სამ სხვადასხვა უბანში მდებარე ნაგავსაყრელებს მიუძღვის, სადაც ყოველდღიურად 10 000 ტონაზე მეტი ნარჩენები ხვდება. ნაგვის გორები კი იმსიმაღლეა, რომ მათი დანახვა ქალაქის სხვადასხვა ადგილებიდანაც არის შესაძლებელი.
ბოლოდროინდელი სატელიტური მონაცემები აჩვენებს, რომ დელის ნაგავსაყრელებზე მეთანის ემისიების უსაშველოდ დიდი რაოდენობა ფიქსირდება. მეთანი ძლიერი სათბურის აირია, რომელიც 20 წლის განმავლობაში ნახშირორჟანგზე 82-ჯერ მეტ სითბოს იჭერს.
დელიში ვითარება ზაფხულის თვეებში კიდევ უფრო მწვავდება. ინდოეთის დედაქალაქის მცხუნვარე სიცხე ნაგავსაყრელებზე ხანძრის გაჩენას იწვევს და აქაურობა "დამწვარ ჯოჯოხეთად" იქცევა ხოლმე, რაც ქალაქის ისედაც დაბინძურებული ჰაერის სუნთქვას კიდევ უფრო გაუსაძლისს ხდის.
მიუხედავად იმისა, რომ ნაგავსაყრელებთან მისვლა კანონითაა აკრძალული, დელის ბევრ მაცხოვრებელს, მათ შორის ბავშვებს, აქ ნაპოვნი ნარჩენებით გააქვთ თავი. ისინი ნაგავსაყრელზე შეგროვებული პლასტმასის, მინის, მეტალის ნივთებს აგროვებენ და ყიდიან, რომ საკვების ფული ჰქონდეთ.
ადგილობრივი მამაკაცის თქმით, აქ ხალხი ჯანმრთელობის პრობლემების გამო ნაადრევად იხოცება:
"ვიცით, რომ ამ ნაგავსაყრელზე ვიწამლებით, მაგრამ ხელისუფლება არაფერს აკეთებს, ნაგავი კი იმატებს."
- ჰაერის ტოქსიკურობის გამო შარშან ხელისუფლება იძულებულიც კი გახდა, რომ სკოლები და სასწავლებლები რამდენიმე დღით დაეკეტა.
ბოლო ვარაუდით, დელიში სიტუაცია ისეა დამძიმებული, რომ ქალაქის მაცხოვრებლებს (დაახლ. 33 მილიონი) დაბინძურებული ჰაერის ჩასუნთქვის გამო სიცოცხლის ხანგრძლივობა 11.9 წლით შეუმცირდებათ.
წყარო: thesun
მოამზადა: ანა სიბოშვილმა
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მიანმარში მიწისძვრის შედეგად დაღუპულთა რაოდენობა 2 886-ს აღწევს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
