მნიშვნელოვანი ინფორმაცია
2
აპრილიდღის ზოგადი ასტროლოგიური პროგნოზი
ხუთშაბათი, მთვარის მეექვსე დღე დაიწყება 08:28-ზე, მთვარე ტყუპშია
მოაგვარეთ წვრილ-წვრილი საქმეები. სერიოზულები სხვა დროისთვის გადადეთ. კარგი დღეა კოლექტიური მუშაობისთვის, ბიზნესისთვის. მოაგვარეთ ფინანსური საკითხები. თუ არ გეჩქარებათ, უძრავ ქონებასთან დაკავშირებული საკითხები სხვა დღისთვის გადადეთ. ნეიტრალური დღეა ვაჭრობისა და სასამართლო საქმეებისთვის. კარგი დღეა სწავლისა და გამოცდების ჩასაბარებლად; ურთიერთობის გარჩევისათვის. ნეიტრალურია სამსახურის, საქმიანობის, საცხოვრებლის შეცვლა. კარგი დღეა ქორწინების, ნიშნობისა და სექსუალურისთვის. დაღლილობას სუფთა ჰაერზე გასეირნება, მსუბუქი ვარჯიში მოგიხსნით. მსუბუქად იკვებეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ბიძინა ივანიშვილი მოსკოვთანაც ინარჩუნებს ურთიერთობას და ხალხს ევროკავშირშიც ჰპირდება მომავალს" - როგორ ეხმიანებიან უცხოური გამოცემები გუშინდელ საპროტესტო აქციას
14:08 / 12-05-2024
თბილისის ქუჩებში გუშინ გამართულ გრანდიოზულ საპროტესტო აქციას უცხოური მედია კვლავ აქტიურად აშუქებს. მის შესახებ ისეთი წამყვანი გამოცემები წერენ, როგორიცაა BBC, CNN, The Guardian, Sky News, France24 და სხვ.
" ქართველი მომიტინგეები თავსხმა წვიმაში თბილისის ცენტრში შეიკრიბნენ და სკანდირებდნენ: " არა რუსულ კანონს", "არა რუსულ დიქტატურას". ისინი ქალაქის მოედანზე ქოლგების ზღვაში საქართველოს და ევროკავშირის დროშებს აფრიალებდნენ",- წერს The Guardian.
გამოცემა 30 აპრილის საპროტესტო აქციის დარბევაზეც წერს: "ევროკავშირმა, აშშ-მ და გაერომ ერთხმად აღნიშნეს, რომ კანონპროექტს ეწინააღმდეგებოდნენ. პოლიციის მომიტინგეებზე ძალადობის შემდეგ შეშფოთება გამოხატა გაეროს ადამიანთა უფლებების დაცვის უფროსმა, ვოლკერ თურქმაც. პოლიციამ 30 აპრილს ხალხის დასარბევად ცრემლსადენი გაზი, წყლის ჭავლი და რეზინის ტყვიები გამოიყენა. მათ ასევე სცემეს და დააკავეს უამრავი ადამიანი."- წერს ბრიტანული გამოცემა.
"საქართველო წლების განმავლობაში ცდილობდა დასავლეთთან ურთიერთობების გაღრმავებას, მაგრამ "ქართულ ოცნებას" ქვეყნის რუსეთთან დაახლოებაში ადანაშაულებენ. პარტიის საპატიო თავმჯდომარე, ყოფილი პრემიერ-მინისტრი ბიძინა ივანიშვილი მოსკოვთანაც ინარჩუნებს ურთიერთობას და ხალხს ევროკავშირის შიგნითაც ჰპირდება მომავალს",- წერს Guardian-ი.
CNN-ს თეთრი სახლის მრჩევლის, ჯეიკ სალივანის მოსაზრებას აფიქსირებს: "სალივანმა ივარაუდა, რომ "ქართული ოცნება" შეგნებულად ცდილობს საქართველოს დასავლეთთან ჩამოშორებას, მაშინაც კი, როცა ქართველი ხალხი ქვეყნის ევროკავშირსა და ნატოს ალიანსს უჭერს მხარს."
"ქართული ოცნების" ბოლო რიტორიკა, შემოთავაზებული საკანონმდებლო ცვლილებები და ქმედებები ქართველი ხალხის მისწრაფებებს ეწინააღმდეგება და შეერთებული შტატებისა და ევროპისგან მათ იზოლირებას ისახავს მიზნად",- წერდა სალივანი მიმდინარე მოვლენების შესახებ.
თეთრი სახლის მრჩეველმა ეროვნული უსაფრთხოების საკითხებში, დღესაც გამოაქვეყნა X-ზე პოსტი და გუშინდელ აქციას გამოეხმაურა: " ქართველი ხალხი თავიანთ შეხედულებებს ღიად გამოთქვამს. დაშინების ტაქტიკა მათზე არ მოქმედებს, ათიათასობით მშვიდობიანი მომიტინგე დღეს თბილისში წვიმიან ამინდში გამოვიდა და "ქართულ ოცნებას" კანონმდებლობის გაწვევა მოსთხოვა",- წერს სალივანი.
The Georgian people are making their views known. Undeterred by intimidation tactics, tens of thousands of peaceful protestors turned out in rainy Tbilisi today to demand Georgian Dream withdraw the legislation.
— Jake Sullivan (@JakeSullivan46) May 12, 2024
Sky News-მა კი ასე შეაფასა გუშინდელი ღამე: "საღამომ მშვიდობიანად ჩაიარა, განსხვავებით სხვა ბოლოდროინდელი საპროტესტო აქციებისგან, როცა პოლიციელებმა და სამოქალაქო ტანსაცმელში გადაცმულმა მამაკაცებმა დემონსტრანტები სცემეს. სამოქალაქო უფლებების აქტივისტები აცხადებენ, რომ ისინი თავდამსხმელების სამიზნეები გახდნენ, რომლებიც მათ თავიანთ სახლებთან უსაფრდებოდნენ, სავარაუდოდ, დასაშინებლად."
წყარო: bbc
მოამზადა: ანა სიბოშვილმა
ასევე იხილეთ:
მკითხველის კომენტარები /
16 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მიანმარში მიწისძვრის შედეგად დაღუპულთა რაოდენობა 2 886-ს აღწევს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
თავისუფლებაზე და სუვერენიტეტზე საამური არაფერია. ეს კანონიც იმ ხალხის საწინააღმდეგოა ვინც ამას უშლის ხელს. საქართველო ღირსეული ქვეყანაა და ღვთისმშობელი დედა სამშვიდობოს გადაიყვანს!
კომენტარის გაკეთება ყველგან დაბლოკილია და მიხდება აქ დავაკომენტარო: პირდაპირ ეთერში ჩანდა, რომ გრიგორიადისი კიდევ ერთ მისნაირთან ერთად მომარჯვებული მეტალის ლომიკებით არღვევდა პარლამენტის კარის დამცავ რკინის ჯებირს, საიდანაც მოცდა კიდევაც პარლამენტში შეჭრა! ანუ სახეზეა სახელმწიფო ობიექტზე ძალადობრივი შეჭრა (ან ამაში დახმარება)