10
აპრილიდღის ზოგადი ასტროლოგიური პროგნოზი
წუხელ, სოციალურ ქსელში გავრცელდა ლეონიძის ქუჩაზე გადაღებული კადრები, სადაც ჩანდა როგორ უსწორდებოდნენ სამართალდამცველები მანქანაში მოქალაქეს. მალევე გაირკვა, რომ ინციდენტის შემდეგ ახალგაზრდა კაცი დააკავეს, თუმცა რამდენიმე საათში გაათავისუფლეს.
თვითმხილველები წერენ, რომ ახალგაზრდამ სპეცრაზმის ავტობუსს, რომელიც ე.წ. "პროწივზე" მოდიოდა, გზა არ დაუთმო, რასაც ინციდენტი მოჰყვა. ახალგაზრდა, რომელიც კადრებზეა ასახული, ირაკლი წიგნაძეა.
გათავისუფლების შემდეგ, მოქალაქე სოციალურ ქსელში ვრცელ სტატუსს წერს და ღამით მომხდარს დეტალურად აღწერს. მისი თქმით, სამართალდამცავი უწყებიდან ერთ-ერთმა შეაგინა, რასაც საპასუხო რეაქცია და შემდგომ კონფლიქტი მოყვა.
ირაკლი წიგნაძე:
- მეგობრებო კარგად ვარ, საშიში არაფერი არ მჭირს იმდენი ადამიანისგან ისეთი მაგარი თანადგომა მივიღე, რომ ამ რეალობიდანაც 100% ვარ დარწმუნებული ყველაფერი კარგად იქნება. მართლა!
ამბავი იყო ასე: ლეონიძეზე ავდიოდი და წინ მომადგა მათი ავტობუსი. მე გავჩერდი რომ გაევლოთ. ყოველგვარი გაწევ-გამოწევის გარეშე თავისუფლად შეეძლოთ გავლა გვერდიდან, მაგრამ აიჩემეს შენ გაიწიეო. ანუ მე უნდა წავსულიყავი „ზადნით,“ იმიტომ რომ ამათ გვერდიდან მოვლა არ უნდოდათ. ხან ერთი მოვარდა, ხან მეორე, მე ძალიან წყნარად და მშვიდად ვეუბნებოდი რომ შეეძლოთ გაევლოთ გვერდიდან.
ბოლოს ალბათ მიხვდნენ რომ სრულ სიდებილეს ჩალიჩობდნენ და რომ მე არ გავიწეოდი, ამიტომ დააპირეს მოვლა, მაგრამ ამ ოცმეთაურს გამჩენი არ ასვენებდა მაინც ალბათ - ჩემკენ გამოიშვირა ხელი და თავის „პაძელნიკს“ ეუბნება "ეს დედამო...ი თუ არ გაიწევა რა ვქნათ გავიდეთ ჩვენო". დიდად არ გავბრაზებულვარ მაგ კაცუნას გინებაზე მართალი რომ ვთქვა, უბრალოდ არ მინდა ეგონოთ მაგათი მუსკულების და ნიღბების ვინმეს ეშინია, ამიტომ მეც შევაგინე.
ეგ იყო და გადმოხტა მთელი ჯგრო და დამიწყეს რტყმა. არც ხელი შემიბრუნებია და მე მგონი, მეტი აღარც შემიგინებია, მეცინებოდა ისეთი სახეებით და ისეთი შემართებით იბრძოდნენ ერთი ავტობუსი განრისხებული მამაკაცები ერთი ბიჭის და ორი გოგოს წინააღმდეგ და ასჯერ რომ მცემეს მერე ავტობუსთან რომ დავდექი, კიდევ ერთმანეთს ახტებოდნენ ვინ უფრო მაგრად მაგინებდა შიგნიდან. მაგაზე დავცინი ვიდეოში.
ოღონდ საერთოდ არ ვარ გაბრაზებული ამათზე, თვითონ არ იციან სად არიან და რას ემსახურებიან და ჰგონიათ რომ კაცობენ რაღაცას. მთავარი პრობლემა არის ის ვინც ესენი აუშვა. ვერც რუსეთი და ვერც ვერანაირი კანონი ვერ დაგვაზიანებს ისე როგორც ეს ერთმანეთის ჯიჯგნა. უდიდესი სიბოროტეა ახლა რის კეთებაზეც გადავიდნენ, ძალიან დიდი იმედი მაქვს რომ არ გამოუვათ და ვერ გადაგვკიდებენ საბოლოოდ ერთმანეთს.
ამ კანონს კიდევ ვერ გაიტანენ!
წაიკითხეთ ასევე:
