მნიშვნელოვანი ინფორმაცია
4
მაისიდღის ზოგადი ასტროლოგიური პროგნოზი
კვირა, მთვარის მერვე დღე დაიწყება 11:21-ზე, მთვარე ლომშია
ახალი საქმეების დასაწყებად ნეიტრალური დღეა. დიდ დროსა და ენერგიას ითხოვს ადრე დაწყებული საქმეები. მნიშვნელოვანი გადაწყვეტილებების მიღება სხვა დღისთვის გადადეთ. კარგი დღეა უძრავ ქონებასთან დაკავშირებული საქმეების მოსაგვარებლად. კარგია მივლინების, მოგზაურობის დასაწყებად. ხშირად იმოძრავეთ, გადააადგილეთ ავეჯი, განაახლეთ ინტერიერი. სხვა დღისთვის გადადეთ ქორწინება და ნიშნობა. მოერიდეთ კუჭის გადატვირთვას, მოწევას, სმას. უმჯობესდება ფსიქოემოციური ფონი. ადამიანი უფრო ხალისიანი ხდება. კარგად გამოიძინეთ, მიიღეთ მზის აბაზანები და დიდხანს ისეირნეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რაზე ისაუბრა კობახიძემ ბიზნესმენებთან?
20:42 / 10-05-2024
ირაკლი კობახიძისა და ბიზნესმენების შეხვედრა მთავრობის ადმინისტრაციაში დასრულდა.
მთავრობის ადმინისტრაციის ინფორმაციით, პრემიერ-მინისტრი ირაკლი კობახიძე ბიზნესსექტორის წარმომადგენლებს ქვეყანაში არსებულ ეკონომიკურ და პოლიტიკურ ვითარებაზე ესაუბრა.
"შეხვედრაზე საუბარი შეეხო ბიზნესისთვის აქტუალურ საკითხებსა და ეკონომიკური ზრდის მაჩვენებლებს. პრემიერმა ხაზი გაუსვა მშვიდობისა და სტაბილურობის მნიშვნელობას ბიზნესის განვითარებისთვის.
პრემიერ-მინისტრისა და ბიზნესის შეხვედრა გაფართოებულ ფორმატში კითხვა-პასუხის რეჟიმში წარიმართა. შეხვედრას ბიზნესის სხვადასხვა სფეროს 80-მდე წარმომადგენელი ესწრებოდა”, - ნათქვამია ინფორმაციაში.
"ისეთი დასკვნა გამომაქვს, რომ შინაარსობრივად ცვლილებები მოხდება", - ამის შესახებ ბიზნესმენმა თემურ ჭყონიამ პრემიერ-მინისტრთან შეხვედრის შემდეგ "უცხოური გავლენის გამჭვირვალობის შესახებ" კანონზე კომენტირებისას განაცხადა.
მანვე აღნიშნა, რომ შეხვედრაზე დარჩა შთაბეჭდილება, რომ მმართველი პარტია კანონპროექტს უკან არ გაიწვევს.
"ჩემი პოზიცია არის ისეთი, როგორც ნებისმიერი მოქალაქის, მე ისეთი დასკვნა გამომაქვს რომ შინაარსობრივად რაღაც ცვლილებები მოხდება. გაწვევის შთაბეჭდილება არ დამრჩა იმიტომ, რომ პრობლემა არის სახელშივე, რომ რუსული კანონია. ეს კი საზოგადოებისთვის პრობლემაა და ეს დავაფიქსირე. უშველებელი ბიზნეს საზოგადოება იყო შეხვედრაზე, სერიოზული საუბარი იყო. ცვლილების რესურსი არსებობს, რომ ეს კანონი სხვანაირი იყოს, მაგრამ მე მგონია, რომ რაც არ უნდა იყოს, რუსული კანონი არის პრობლემა. ბიზნესზე ზეწოლის მოხდენის მცდელობა არ ყოფილა, ბიზნესზე ზეწოლა როგორ უნდა მოახდინოს. ყველა ბიზნესმენს თავისი ცხოვრების სტილი აქვს. ის რომ ევროპისკენ არის ჩვენი გზა გარდაუვალად, კობახიძემ გამოაცხადა ჩვენს წინაშე, რაღაც ცვლილებები შეიძლება დისკუსიის შემდეგ მოხდეს და შერბილდეს. ჩემი პოზიციაა, რომ რუსული კანონის სახელი რომ ჰქვია, ეს თემა მარტივად არ დამთავრდება. ძირითადი საუბარი დაეთმო იმას, რომ ბიზნესი უნდა იყოს სტაბილური, მოთხოვნა სერიოზული არ მქონია, იმიტომ რომ ბიზნესმა თავის თავს თვითონ უნდა მოუაროს და გაძლიერდეს. განწყობა იყო ისეთი, რომ ბიზნესი უნდა მუშაობდეს წყნარად", - განაცხადა თემურ ჭყონიამ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
