"fuck Russia... საქართველო ევროპაა" - როგორ ეხმიანება ილია თოფურიას დედა რუსთაველზე გუშინ განვითარებულ მოვლენებს

UFC-ის ქართველი ჩემპიონის, ილია თოფურიას დედა ეხმიანება ქვეყანაში მიმდინარე პროცესებს. "ინსტაგრამში" ის გუშინდელი აქციის დარბევის კადრებს აქვეყნებს და წერს: "fuck Russia. Georgia is Europe"

ცნობისთვის რუსთაველის გამზირზე დარჩენილ აქციის მონაწილეებსა და პოლიციას შორის დაპირისპირება იყო. დაპირისპირების მიზეზი გახდა სამართალდამცავების მოთხოვნა, რომ აქციის მონაწილეებს გზის სავალი ნაწილი გაეთავისუფლებინათ. პოლიციამ აქციის ზოგიერთი მონაწილე დააკავა.

პარლამენტთან "უცხოური გავლენის გამჭვირვალობის შესახებ" კანონპროექტის საწინააღმდეგო აქციის მონაწილეების დაშლა დაახლოებით 21:30 საათიდან დაიწყო. სპეცრაზმმა აქციის მონაწილეების წინააღმდეგ 6 საათის განმავლობაში ე.წ. წიწაკის სპრეი, წყლის ჭავლი და ცრემლსადენი გაზი არაერთხელ გამოიყენა. დაშავდა ათეულობით ადამიანი, რომელთაც პირველადი დახმარება სასწრაფოს ბრიგადებმა ადგილზევე აღმოუჩინეს.