მნიშვნელოვანი ინფორმაცია
24
მარტიდღის ზოგადი ასტროლოგიური პროგნოზი
ორშაბათი, მთვარის ოცდამეხუთე დღე დაიწყება 06:11-ზე, მთვარე მერწყულში იქნება 19-19-დან
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ დაძაბოთ და გადაღალოთ თვალები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ჟურნალისტის ერთი დღე "კორიდას" საწარმოში
13:06 / 15-04-2024
წლების წინ, Discovery channel-ზე ერთ დოკუმენტურ გადაცემას ვუყურებდი - How Do They Do It? („როგორ აკეთებენ ამას“) ერქვა. თითოეულ სერიაში ნაჩვენები იყო, თუ როგორ მზადდებოდა ყველასთვის ცნობილი შოკოლადები, სხვადასხვა საკვები პროდუქტები, ავტომობილები, საყოფაცხოვრებო ნივთები და სხვა ბევრი რამ, ქარხნებსა და საწარმოებში. შოუს სლოგანი იყო: „ჩვეულებრივის მიღმა არაჩვეულებრივი იმალება“.
ხშირად მიფიქრია იმაზე, თუ როგორ მიმდინარეობს პროდუქტების შექმნის პროცესი ჩვენთან, საქართველოში არსებულ საწარმოებში და რა იმალება ჩვეულებრივი პროდუქტების მიღმა. ცუდია, რომ საწარმოების სიმრავლით არ ვართ განებივრებული. მცირე მოკვლევის შემდეგ არჩევანი „კორიდას“ ხორცპროდუქტების საწარმოზე გავაკეთე და გადავწყვიტე დამეთვალიერებინა, როგორც ჟურნალისტს და საკუთარი თვალით მენახა ძეხვებისა და სოსისების დამზადების პროცესი. ყველაზე ხშირად ხო, ჩვენი ინტერესის საგანს სწორედაც, რომ წარმოადგენს თუ როგორ, რა პირობებში მზადდება პროდუქტი.
„კორიდას“ საწარმო ქალაქ ფოთში მდებარეობს, სადაც ძირითადად ადგილობრივი მოსახლეობაა დასაქმებული. საწარმოს ნახვამ ჩემზე ძალიან დიდი შთაბეჭდილება დატოვა.
„კორიდა“ არ არის უბრალოდ საწარმო, ეს არის დიდი კომპლექსი, რომელიც 10 000 კვადრატულ მეტრ ფართობზეა განთავსებული: მოვლილი ტერიტორია, პავილიონები, საწყობები, ულამაზესი ადმინისტრაციული შენობა, საკონფერენციო დარბაზი, გამწვანებული ეზო - პალმებით, უფასო კვება ყველა დასაქმებულისთვის, ორი ავტობუსი, რომელიც თანამშრომლებს ყოველდღიურად ემსახურება - აქ ყველაფერი ბიზნესისადმი სერიოზულ მიდგომაზე მეტყველებს.
პირველი შთაბეჭდილება
როგორც კი გალავანს მიღმა აღმოვჩნდი, პირველი, რაც დავინახე, ძალიან ლამაზი ადმინისტრაციული შენობა და გამწვანებული ეზო იყო. ძველად, ამ ადგილას თევზის საწარმო ყოფილა, შემდგომში ყველაფერი გავერანებულა და განადგურებულა. ეს ლამაზი შენობაც თითქმის დანგრეული იყო, რომელიც კომპანიამ თავიდან აღადგინა და ამ ადგილს ახალი სიცოცხლე აჩუქა.
ადგილზე „კორიდას“ წარმომადგენელი დამხვდა და წარმოების ყველა ეტაპი მაჩვენა: ნედლეულის მიღებიდან მზა პროდუქტის შეფუთვამდე.
საწარმოს ტური
ბახილები, ხელთათმანი, პირბადე და ერთჯერადი ხალათი ჩავიცვი, დეზინფექციის პროცესიც გავიარე და საწარმოში შევედი.
რაც გამიხარდა იყო ის, რომ ხარისხის კონტროლი მკაცრად მოწესრიგებულია. ყველა ნედლეული გადის ლაბორატორიულ შემოწმებას, წარმოება შეესაბამება ISO 9001, ISO 22000 სტანდარტს და HACCP საერთაშორისო სისტემას.
„კორიდას“ საწარმო აღჭურვილია თანამედროვე ტექნოლოგიებით. დიდ დანადგარში ტარდება ხორცი.
შემდეგ, გატარებული ფარში იგზავნება სხვა დანადგარზე, სადაც ხდება მისი შესუნელება და მიმდინარეობს მორევის პროცესი.
შემდგომ, ხდება მზა ფარშის გარსაცმში ფორმირება. ამ პროცესში მეც მივიღე მონაწილეობა.
ეს დანადგარი, როგორც შინაურულად მოიხსენიებენ ე.წ. „სოსისების ამკრეფი“, ძალიან ლამაზად ალაგებს ერთ მწკრივად სოსისებს, რომ ჩარჩო კონსტრუქციაზე გადაიტანონ და შემდეგ თერმულ კამერებში მოათავსონ.
ცალკე გამოყოფილ სივრცეშია შესაბოლი კამერები, სადაც ხდება ძეხვეულის შებოლვა. როგორც ამიხსნეს, გამოყენებული ნახერხი ექსკლუზიურად გერმანული წარმოშობისაა და არომატი და კვამლის კონცენტრაცია საგულდაგულოდ კონტროლდება.
არომატული ხორცპროდუქტები სპეციალისტების მეთვალყურეობის ქვეშ იღებს საბოლოო სახეს.
ბოლო პავილიონი პროდუქციის დაფასოება-შეფუთვისთვისაა განკუთვნილი. აქ ხდება სოსისების, ძეხვეულის შეფუთვა, აწონვა, დასტიკერება და საქართველოს ყველა რეგიონის მიმართულებით გაგზავნა.
როგორც გავიგე, ამჟამად, „კორიდა“ ორმოცამდე დასახელების მზა ხორცპროდუქტს აწარმოებს და 400-ზე მეტ კადრს ასაქმებს.
თბილისში კმაყოფილი დავბრუნდი, რადგან იშვიათად მინახავს ასე ერთად შეკრული გუნდი, საქმისადმი ასეთი მაღალი პროფესიონალიზმი და სიყვარული. როგორც „კორიდას“ დირექტორმა, ბატონმა რეზო ნარმანიამ მითხრა, საწარმო ახლო მომავალში გაფართოებას იწყებს და ენერგო ეფექტურობისა და ეკოლოგიურობის მიმართულებით, მზის პანელების დამონტაჟებას გეგმავს. ასევე, უკვე ელოდებიან ახალ დანადგარებს, რაც ხელს შეუწყობს წარმოების გაზრდას და ახალი სამუშაო ადგილების გაჩენას რეგიონში.
NS
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
