მნიშვნელოვანი ინფორმაცია
4
აპრილიდღის ზოგადი ასტროლოგიური პროგნოზი
პარასკევი, მთვარის მეშვიდე დღე დაიწყება 09:24-ზე, მთვარე კირჩხიბში გადავა 02:51-ზე
ისეთი საქმეები წამოიწყეთ, რომლებსაც დღესვე დაასრულებთ და სხვა დროისთვის არ გადადებთ. მნიშვნელოვანი გადაწყვეტილებების მიღება სხვა დროისთვის გადადეთ. ფინანსური ოპერაციების დაგეგმვასა და უძრავი ქონების ყიდვა-გაყიდვას არ გირჩევთ. კარგი დღეა მსხვილი საყიდლებისთვის; შემოქმედებითი საქმიანობისთვის, სწავლისა და გამოცდების ჩასაბარებლად. უფროსთან და თანამდებობის პირებთან ნებისმიერ საქმეს მარტივად მოაგვარებთ. კარგი დღეა ფიზიკური ვარჯიშებისა და საოჯახო საქმეების შესასრულებლად. ზომიერება გმართებთ საკვებსა და სასმელში. კარგია ორგანიზმის გაწმენდა მარილებისა და წიდებისაგან. ნუ მიირთმევთ მძიმე საკვებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
წაგრძელებული თავები და ხელებზე სამი თითი - პერუს გამოქვაბულში აღმოჩენილი გასაოცარი არტეფაქტები, რომლებიც შავ ბაზარზე ძვირად ფასობს: "ფიქრობენ, რომ ნეშტები უცხოპლანეტელებს ეკუთვნის"
20:06 / 07-04-2024
პერუს გამოქვაბულში აღმოაჩინეს ასობით პრე-ესპანური არტეფაქტი, რომლებიც ბევრი უცნაური თეორიის დასაბამი გახდა. ზოგიერთ ადამიანს სჯერა, რომ აღმოჩენილი ნეშტები უცხოპლანეტელებს ეკუთვნის, რაც მძარცველებს უბიძგებს, რომ მუმიები და სხვა ისტორიული ნივთები მოიპარონ და შავ ბაზარზე გაყიდონ.
გამოქვაბული ლეანდრო რივერამ იმავე ტერიტორიაზე აღმოაჩინა, სადაც ნასკას უზარმაზარი გეომეტრიული და ფიგურული გეოგლიფების ჯგუფია გამოსახული. გამოსახულებებს შორის ფრინველები და სხვადასხვა ცხოველები გვხვდება.
უძველესი გეოგლიფები უკვე დიდი ხანია მნახველებს აოცებს და ზოგიერთს იმისაც კი სჯერა, რომ ეს უცხოპლანეტელების ნახელავია. ასე რომ, როცა რივერამ გამოქვაბული იპოვა, რომელშიც ადამიანის ძვლებს წაგრძელებული თავები და თითოეულ ხელზე სამი თითი ჰქონდათ, მათი ამოთხრა დაიწყო. ის აღმოჩენილ ნივთებსა და ძვლებს კონტრაბანდულად საზღვარგარეთ ყიდდა.
რივერა "საჯარო ძეგლებზე თავდასხმის დანაშაულისთვის" უკვე ციხეშია და სასჯელს იხდის.
მექსიკელმა ჟურნალისტმა და უცხოპლანეტელებით დაინტერესებულმა ხაიმე მაუსანმა განაცხადა, რომ გამოქვაბულში აღმოჩენილი მუმიები დედამიწის მიღმა სიცოცხლის არსებობაზე მიუთითებდნენ, თუმცა ეს თეორია მეცნიერებმა უარყვეს.
რივერას თქმით, მან გამოქვაბულიდან 200-მდე ნაშთის ამოთხრა მოასწრო, სანამ დააკავებდნენ. მათი ნაწილი ლეონარდო რივერამ საფრანგეთში, ესპანეთსა და რუსეთში კონტრაბანდულად გადაიტანა. ექსპერტები აღნიშნავენ, რომ მუმიებსა და სხვა წინა-ესპანურ არტეფაქტებს შავ ბაზარზე მაღალი ფასები აქვთ და ასეთი ძვირფასი ნივთების გაყიდვის ფართო მასშტაბების გამო ძალიან ღელავენ.
წყარო: nypost
მოამზადა: ანა სიბოშვილმა
მკითხველის კომენტარები /
8 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რაც შეეხება „აღმოჩენილ“ უცხოპლანეტელების ნეშტებს ეს საკენკია გულუბრიყვო ადამიანებისაგან თანხის გამოძალვის მიზნით, ვინაიდან მართლაც ასე რომ ყოფილიყო - დიდი ხანია რაც გვეცოდინებოდა (და არა ამ სტატიით)!
ზოგადად რომ ვიმსჯელოთ, დარვინის თეორიით ადამიანის წინაპრები მაიმუნები ყოფილან!
პირადად ჩემი მოსაზრებით მაგარი სულელური თეორიაა ისევე, როგორც თითქოსდა სამყარო დიდი აფეთქების შედეგად წარმოიშვა!
ვიზიარებ დარვინის მოძღვრებას ბუნებრივი გადარჩევის გზით (ანუ ევოლუციით) ორგანიზმთა განვითარების შესახებ, მაგრამ რაც შეეხება მათ წარმოშობას-არავითარ შემთხვევაში!
ძალიან დიდი სხვაობაა შექმნასა და ევოლუციას შორის!
ყოველნაირი მატერია, რომელიც არსებობს სამყაროში, დაწყებული მილიარდობითა და ტრილიონობით გალაქტიკებითა თუ სხვა ციური სხეულებით, დამთავრებული მოლეკულებითა და ატომებით ყველაფერი შექმნილია უზენაესი გონების მიერ, რომელსაც ჩვენ ღმერთს ვუწოდებთ!
პ.ს. ადამიანის გონება ვერასოდეს ჩაწვდება სამყაროს შექმნის საიდუმლოებას, ვინაიდან ეს ჩვენში ჩადებულ გონებრივ პოტენციალს უსასრულოდ ბევრად აღემატება!
ექსპერტიზამ დაადასტურა,რომ მუმიები კი არა,ახლადგამოძერწილი ნივთებია ნაწილი,ნაწილი კი ცხოველების ძვლებით შეკოწიწებული ,,არტეფაქტები".შარლატანებმა დიდი ფული გააკეთეს ამ აფიორით