მნიშვნელოვანი ინფორმაცია
1
აპრილიდღის ზოგადი ასტროლოგიური პროგნოზი
სამშაბათი, მთვარის მეოთხე დღე დაიწყება 07:33-ზე, მთვარე კუროშია
კარგი დღეა ახალი საქმეების დასაწყებად. აგრეთვე დაკარგული ნივთების, ადამიანების მოსაძებნად. გააფართოეთ ბიზნესი, დაარეგულირეთ ურთიერთობა ბიზნესპარტნიორებთან. მოაგვარეთ ფინანსური საკითხები. არასასურველია უძრავი ქონებით ვაჭრობა. მოერიდეთ კამათს, საქმეების გარჩევას. კარგი დღეა სწავლისთვის, სამეცნიერო სამუშაოსთვის, გამოცდის ჩაბარება სხვა დღისთვის გადადეთ. ცუდი დღეა მოგზაურობის დასაწყებად, შორ მანძილზე მგზავრობისთვის. შეძლებისდაგვარად მოუარეთ ყვავილებს, დარგეთ ხეები, გაისეირნეთ ბუნებაში. მოერიდეთ ალკოჰოლს, სიგარეტს, კუჭის გადატვირთვას; ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"იოლი არც თამაში იქნება და არც გულშემატკივრობა" - რას ამბობენ ბერძნები და რას წერს იქაური პრესა: ვისი ეშინიათ ყველაზე მეტად და რატომ ადარებენ "დინამო არენას" გავარვარებულ ღუმელს?
10:44 / 25-03-2024
26 მარტს საქართველოს ნაკრები საბერძნეთს ევროპის ჩემპიონატზე გასასვლელი პლეი-ოფის ფინალში უმასპინძლებს. სტუმარი გუნდი უკვე თბილისშია, საქართველოშია ბერძენი გულშემატკივრების ნაწილიც.
"საქართველოს კარგი ნაკრები ჰყავს, მაგრამ ჩვენ გამარჯვების დიდი იმედი გვაქვს. ჩვენთვის იოლი არც თამაში იქნება და არც გულშემატკივრობა, ვიცით, რა ძალიან გიყვართ საქართველოში ფეხბურთი და როგორ გიჟურად გულშემატკივრობთ ნაკრებს. ვფიქრობთ, რომ სამშაბათს თბილისში, სტადიონზე ბევრად მაღალი ტემპერატურა იქნება, ვიდრე გარეთ. ჩვენ ამისთვის მზად ვართ..." - გვეუბნება სიცილით ნიკოლაი, რომელიც მეგობრებთან ერთად ათენი-ქუთაისის რეისით ორი დღით ადრე ჩამოვიდა საქართველოში და მატჩამდე გეგმავს ქართული ღირსშესანიშნაობების ნახვაც მოასწროს.
მომავალ დაპირისპირებას ბერძნული მედია ფართოდ აშუქებს. ისინიც აღნიშნავენ, რომ მძიმე პირობებში მოუწევთ თამაში.
ყველა გამოცემამ გაავრცელა nakrebi.ge-ზე გამოქვეყნებული ინფორმაცია, რომ 54 ათასი ბილეთი 5 საათსა და 35 წუთში "გაქრა" და სამშაბათს თამაში სტადიონზე მოუწევთ, რომელიც "გავარვარებული ღუმელის" მსგავსი იქნება.
"დინამო არენაზე" ანშლაგს გამოცემა sdna.gr ასე გამოეხმაურა:
"ჩვენი ეროვნული გუნდი წლის მატჩისთვის ემზადება, რომელმაც უნდა გადაწყვიტოს, რომელი გუნდი გაემგზავრება ევროპის ჩემპიონატზე გერმანიაში. შეხვედრაზე ყველა ბილეთის რეალიზაცია უმალ მოხდა, ბევრი გულშემატკივარი ვერ შეძლებს სტადიონზე შესვლას, "შავ ბაზარზე" კი "ჯადოსნური ქაღალდის" ფასი 450 ევროს აღწევს! საბერძნეთის ფეხბურთის ფედერაციამ თბილისში 2 300 ქომაგის გამგზავრება უზრუნველყო, მაგრამ მსურველი გაცილებით მეტია".
Sport24 მომავალი ფინალის შესახებ წერს:
"საბერძნეთის ნაკრების ამოცანა ერთია: ევრო 2024-ზე გერმანიაში ყოფნა. ის ამას იმსახურებს და თბილისში შეუძლია მიზანს მიაღწიოს. ყაზახეთის ბარიერი ძალიან მარტივად დავძლიეთ, იმაზე ადვილად, ვიდრე ველოდით და ახლა თბილისში, ევრო 2024-ის საგზურისთვის მივდივართ.
ჩვენ ვიმსახურებთ ზაფხულში ფინალურ ეტაპზე ყოფნას, იმ ჩემპიონატზე, რომელიც 20 წლის წინ მოვიგეთ და ყველაფერი იმაზე მეტყველებს, რომ შეგვიძლია ეს საგზური მოვიპოვოთ."
ცხადია, ყველაზე დიდი ყურადღების ქვეშ ხვიჩა კვარაცხელიაა.
"ნაპოლის" ქართველი სუპერვარსკვლავი საუკეთესოა, მაგრამ "კვარადონა" მარტო არ არის. ქართველებს კარგი გუნდი ჰყავთ და "კვარა", უბრალოდ, ტორტზე ალუბალია. ეს არის გუნდი, რომელსაც მსოფლიო დონის მოთამაშე ჰყავს და მას დაეყრდნობა, რათა უახლოეს წლებში დიდ ტურნირზე გავიდეს. საქართველოს ნაკრებს კარგი ფეხბურთელების თაობა ჰყავს, ლუქსემბურგთანაც დაამტკიცეს, რომ კვარაცხელიას გარეშეც შეუძლიათ გამარჯვება. გუსტავო პოიეტის არჩევანმა ყაზახეთთან 100%-ით გაამართლა. ურუგვაელმა კარგად იცის, რა უნდა გააკეთოს თბილისში, სადაც განსხვავებული სიტუაცია იქნება", - წერს გამოცემა.
sdna.gr აღნიშნავს, რომ ელადელთა ეროვნული გუნდი თავდაჯერებული და ღიმილიანი გაემგზავრა საქართველოში, ურუგვაელი მწვრთნელის, გუსტავო პოიეტის მიერ გამოძახებული ყველა მოთამაშე ჯანმრთელი დაა და ბრძოლისათვის მზადაა.
"საქართველო ყაზახეთი არაა, თანაც საკუთარ სტადიონზე ითამაშებს, რომლის ტრიბუნებზე ნემსიც ვერ ჩავარდება. ჩვენ მათზე უკეთესი ნაკრები გვყავს, ეს უდავოა, მაგრამ ყაზახეთის ადვილად ძლევით ეიფორიაში არ უნდა ჩავვარდეთ...მოგვენატრა დიდ ტურნირზე ასპარეზობა და მონაწილეობის მიღების დროც დადგა! მთელ ჩვენს პოზიტიურ ენერგიას და განწყობას პოიეტის ბიჭებს გადავცემთ, რათა სამშაბათს თბილისიდან გამარჯვებულები დაბრუნდნენ. ისინი ამას იმსახურებენ, ისინი ვალში არიან პირველ რიგში საკუთარი თავის წინაშე. ჩვენ ეს ყველას გვსურს. წინ, საბერძნეთო..." - ვკითხულობთ Fosonline-ს წერილში.
ხვიჩა კვარაცხელიამ კი თამაშის წინ შემდეგი განაცხადა:
"რა თქმა უნდა, დადებითი ემოციით ვხვდებით ამ თამაშს, იმიტომ რომ ასეთი მნიშვნელოვანი მატჩის თამაში გვიწევს, რაც ასევე პასუხისმგებლობაა. ვემზადებით, მოლოდინში ვართ, როცა მოვა მოედანზე გასვლის წამი და მაქსიმუმს გავაკეთებთ. ვფიქრობ, კარგ კონდიციაში ვარ, ნაკრებს ჩემს მაქსიმუმს დავახმარ და იმედი მაქვს, რომ გამარჯვებაში დავეხმარები. არ აქვს მნიშვნელობა გოლს ვინ გაიტანს, მთავარია, რომ ვიბრძოლოთ და გავიმარჯვოთ. ძლიერი მოიგებს და იმედი მაქვს, რომ თამაშის დღეს ჩვენ ვიქნებით ძლიერი ნაკრები. მათ პატივს ვცემთ, ვიცით მათი სიძლიერე, მაგრამ არ ვფიქრობ, რომ ვინმეს (მეტოქეს - რედ) უხარია ამდენი გულშემატკივრის წინაშე ფინალის საქართველოში თამაში".
- ევროპის ჩემპიონატზე გასვლის შემთხვევაში, საქართველოს ნაკრები F ჯგუფში ითამაშებს, სადაც მისი მეტოქეები თურქეთის, პორტუგალიის და ჩეხეთის ნაკრებები იქნებიან. ევრო 2024 14 ივნისიდან 14 ივლისის ჩათვლით გერმანიაში გაიმართება.
სტატიაში გამოყენებულია SPORTALL.GE - ს სტატიები
იხილეთ ასევე:
:
მკითხველის კომენტარები /
40 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვლადიმირ პუტინმა სამხედრო სამსახურში საგაზაფხულო გაწვევის შესახებ ბრძანებას ხელი მოაწერა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მკაცრ პრესინგს შემოგვთავაზებენ, ამიტომ დროულად უნდა მოვახდინოთ ბურთის ამოტანა, ბურთი არ უნდა" ვათრიოთ", დროული გადაცემები ვაწარმოოთ თავისუფალ ფეხბურთელებზე, მოვამარაგოთ თავდამსხმელები დროულად და აუცილებლად მოვიგებთ.
დაცვას მიხედე ხვედელიძე, დაცვას.