1
აპრილიდღის ზოგადი ასტროლოგიური პროგნოზი
სპეციალურმა საგამოძიებო სამსახურმა, პირადი ცხოვრების საიდუმლოს ხელყოფის ფაქტები გამოავლინა. ამის შესახებ ინფორმაციას სპეციალური საგამოძიებო სამსახური ავრცელებს.
- სპეციალური საგამოძიებო სამსახურის თანამშრომლების მიერ, პირადი ცხოვრების საიდუმლოს ხელყოფის ფაქტზე, დაკავებულია 20 წლის მამაკაცი. უწყების ცნობით, გამოძიებით დადგინდა, რომ 2003 წელს დაბადებულმა მამაკაცმა, მისი მეგობრის ყოფილი შეყვარებულის ინტიმური შინაარსის ფოტოსურათები და ვიდეოჩანაწერები უკანონოდ მოიპოვა.
"მიმდინარე წლის იანვარ-თებერვლის პერიოდში, ბრალდებული სოციალურ ქსელ "Facebook”-ის ყალბი გვერდის გამოყენებით დაუკავშირდა დაზარალებულს და ინტიმური შინაარსის ფოტოსურათებისა და ვიდეო ჩანაწერების გავრცელების მუქარით, უსიტყვო მორჩილება და კონკრეტული ქმედებების შესრულება, მათ შორის, ინტიმური შინაარსის ფოტოსურათების გადაგზავნა და დაზარალებულის სოციალურ ქსელ "Facebook”-ის პაროლის გადაცემა მოსთხოვა. გარდა ამისა, იგი პირადად უკავშირდებოდა დაზარალებულს და სთხოვდა ჰქონოდათ სასიყვარულო ურთიერთობა, ხოლო უარის მიღების შემდეგ, დაზარალებული ქალის დაკნინების მიზნით, სოციალურ ქსელ "Facebook”-ის ყალბ გვერდზე ინტიმური შინაარსის ვიდეოჩანაწერები საჯაროდ განათავსა.
დაზარალებულის მომართვის შემდეგ, სპეციალურმა საგამოძიებო სამსახურმა საგამოძიებო მოქმედებები მოკლე დროში წარმართა. პირადი ჩხრეკისას მობილურ ტელეფონში, ნანახი და ამოღებული იქნა დაზარალებული ქალის ამსახველი ინტიმური შინაარსის მასალა, რის შემდეგაც დაკავებული იქნა ბრალდებული.
- სპეციალური საგამოძიებო სამსახურის მიერ პირადი ცხოვრების საიდუმლოს ხელყოფის ფაქტზე ასევე, მხილებულია 2000 წელს დაბადებული ქალი.
გამოძიებით დადგინდა, რომ 2023 წელს, სოციალურ ქსელ "ინსტაგრამის“ ყალბი პროფილის გამოყენებით, 2000 წელს დაბადებული ქალი, შურისძიების მოტივით მამაკაცის სახელით მისი ყოფილი მეუღლის დას გაეცნო და ნდობა მოიპოვა. დაზარალებულმა მითითებულ ყალბ პროფილზე ყოფილ რძალს, რომელიც მამაკაცის სახელით, ყალბი პროფილით ესაუბრებოდა, თავისი შიშველი სხეულის ამსახველი ფოტოები და ვიდეოები გადაუგზავნა. ბრალდებულმა, ამ გზით, მოტყუებით, უკანონოდ მოიპოვა და შეინახა დაზარალებულის პირადი ცხოვრების საიდუმლოს ამსახველი ფოტო-ვიდეო მასალა, რომლებიც შემდგომ სახელის გატეხის მიზნით დაზარალებულის ნათესავებთან გაავრცელა. სასამართლოს განჩინების საფუძველზე ჩატარებული ბრალდებული ქალის პირადი ჩხრეკისას, მობილურ ტელეფონიდან ამოღებულ იქნა დაზარალებულის შიშველი სხეულის ამსახველი ფოტო-ვიდეო მასალა.
დანაშაულში მხილებულ ქალს ბრალდება პირადი ცხოვრების საიდუმლოს ხელყოფის ფაქტზე წარედგინა.
დანაშაული 7 წლამდე თავისუფლების აღკვეთას ითვალისწინებს.
სპეციალური საგამოძიებო სამსახური ორივე ფაქტზე აგრძელებს გამოძიებას“,- აღნიშნულია უწყების მიერ გავრცელებულ ინფორმაციაში.
პატივცემული ყოფილი რძალი უცხო მამაკაცს (თურმე ქალი ყოფილა, მაგრამ თვითონ კაცად ხომ თვლიდა) თავისი შიშველი სხეულის სურათებს რატომ უგზავნიდა, ეს არავის აინტერესებს?
მთავარია ქალბმა კაცებს უძახონ არაკაცები და კაცებმა ქალებს?
არცერთი რომ არაა დასანდობი, ამას რა ვუყოთ. იტყვიან ახლა მსხვერპლს ადანაშაულებო ანუ თავიშემომაკლას პრინციპს იყენებო.
არა პატივცემულებო ერთმა სისულელით თუ შეგნებით ცოტა დააშავა მეორემ შეგნებულად და მეტი და სასჯელიც შესაბამისი უნდა იყოს ორივე მხარისათვის. ოღონდ ორივესათვის აუცილებლად სინამდვილეში ორივე უზნეოა და სინამდვილეში არც განათლება აქვთ ზნეობის რაობას რომ ჩასწვდნენ და არც ღვთის შიში (ტაძრებში მოდისათვის დადიან.
ვიცი ბევრი ვერ გაიგებს, მაგრამ ამოვიდა ყელში ეს ვიღაცის სასარგებლოდ მსჯელობა. ბოლომდე, ღრმად ჩახედეთ საკითხს.
საქართველო!!!არაკაცების ქვეყანა!!