"აგვისტოს შემდეგ დრო გაიყინა. როგორ მინდოდა ჩოხელის ან და ინანიშვილისეული დედა ვყოფილიყავი..." - რას წერს შოვის ტრაგედიის დროს გარდაცვლილი ახალგაზრდის დედა
შოვში დაღუპული დავით ბერიაშვილის დედა, ია მერებაშვილი სოციალურ ქსელში ემოციურ პოსტს აქვეყნებს. ის დედებს დედის დღეს ულოცავს.
"აგვისტოს შემდეგ დრო გაიყინა... წელიწადის დროთა ცვლილებას და დღესასწაულებს განსაკუთრებულად დიდი შიშით თუ გაუბედაობით ვხვდები.როგორ მინდოდა ჩოხელის ან და ინანიშვილისეული დედა ვყოფილიყავი, მაგრამ...დედის დღეს Და გაზაფხულის მოსვლას ერთად გილოცავთ და იმედს ვიტოვებ, რომ ერთხელ მართლაც გაზაფხულდება" - წერს ია მერებაშვილი.
შეგახსენებთ, გასული წლის 3 აგვისტოს შოვიში ნეწყერი ჩამოწვა. მდინარე ბუბისწყლის ხეობაში წარმოქმნილმა ღვარცოფმა 35 ადამიანის სიცოცხლე შეიწირა.