მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
თეა წულუკიანს სასამართლო ეროვნული მუზეუმიდან გათავისუფლებულმა კიდევ ერთმა თანამშრომელმა მოუგო
15:45 / 28-02-2024
წულუკიანს სასამართლო დავა საქართველოს ეროვნული მუზეუმიდან გათავისუფლებულმა კიდევ ერთმა მოსარჩელემ მოუგო. ამის შესახებ ინფორმაციას მეცნიერების, განათლებისა და კულტურის პროფკავშირი ავრცელებს.
თბილისის საქალაქო სასამართლომ უკანონოდ მიიჩნია და ბათილად ცნო მაია პატარიძის სამსახურიდან გათავისუფლება და ეროვნულ მუზეუმს განაცდურისა და კომპენსაციის გადახდა დააკისრა.
"გვინდა სიხარულით გაცნობოთ, რომ ჩვენმა მეცნიერების, განათლებისა და კულტურის პროფკავშირი - SEC Workers Union მორიგი სასამართლო პროცესი მოუგო საქართველოს ეროვნული მუზეუმის ახალ ხელმძღვანელობას და საქართველოს კულტურისა და სპორტის სამინისტრო და პირადად თეა წულუკიანს.
გაცნობებთ, რომ თბილისის საქალაქო სასამართლოს სამოქალაქო საქმეთა კოლეგიის მოსამართლე სოსო ღურწკაიამ 2024 წლის 28 თებერვალს გამოაცხადა გადაწყვეტილება საქმეზე მაია პატარიძის სსიპ საქართველოს ეროვნული მუზეუმის წინააღმდეგ, რომლითაც ძირითადად დაკმაყოფილდა მაია პატარიძის სარჩელი. სასამართლომ უკანონოდ მიიჩნია მაია პატარიძის სამსახურიდან გათავისუფლება და ბათილად ცნო ბრძანება, რომლითაც მაია პატარიძე სამსახურიდან გათავისუფლდა, ასევე ეროვნულ მუზეუმს დაეკისრა განაცდურის ანაზღაურება გათავისუფლების დღიდან სასამართლო გადაწყვეტილების აღსრულებამდე, ამასთან ეროვნულ მუზეუმს მაია პატარიძის სასარგებლოდ დაეკისრა კომპენსაციის სახით 2000 ლარის ანაზღაურება, ვინაიდან სასამართლო, საქართველოს ეროვნულ მუზეუმში ჩატარებული მავნებლური რეორგანიზაციის შემდეგ, საქართველოს ეროვნულ მუზეუმს ვერ დაავალდებულებს დასაქმებული აღადგინოს დაკავებულ თანამდებობაზე, რაც მუზეუმისთვის დიდი დანაკლისი იქნება." წერს მეცნიერების, განათლებისა და კულტურის პროფკავშირი." - ნათქვამია განცხადებაში.
პროფკავშირების ინფორაციით, აღნიშნული საქმე მე-15 სასამართლო პროცესია, რომელიც კულტურის სამინისტროს სისტემიდან უკანონოდ და რეპრესიულად გათავისუფლებულმა ადამიანებმა მოიგეს კულტურის, სპორტისა და ახალგაზრდობის სამინისტროს წინააღმდეგ. სასამართლოში კიდევ 70 სარჩელია შესული.
მკითხველის კომენტარები /
33 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
კი მარა, ამ თეა წულუკიანს ყველა უგებს სასამართლოს, იუსტიციის სამინისტროში მისი მუშაობისას 87(!)-მა ადამიანმა მოუგო სასამართლო! მათგან უმეტესობა აღადგინეს სამსახურში და სახელმწიფომ მათი კომპენსაციენიც გადაიხადა! იქნებ ვინმემ თქვას, რა არის ამ ქალბატონში ასეთი შეუცვლელი?
ჯერ ერთი წულუკიანს კი არა, სამინისტროს წარმომადგენელთან დავა მოიგეს. მეორე, რატომ გგონიათ, რომ სასამართლომ სწორი გადაწყვეტილება მიიღო? თუ მოსამართლეები არაკომპეტენტურები და ხელისუფლების დავალების შემსრულებლები არიან, გამოდის, თავად წულუკიანს ეგრე სურდა. აბა, სხვა რა ლოგიკაა? თუ მოსამართლის გადაწყვეტილება სწორია, ე.ი. ხელისუფლების დავლებებს არ ასრულებენ და დამოუკიდებლები ყოფილან. ან ასეა, ან ისე. სხვაგვარად ვერ იქნება:).