2
აპრილიდღის ზოგადი ასტროლოგიური პროგნოზი
გერმანიის პოლიციამ ე.წ. "წითელი არმიის ფრაქციის" წევრი დანიელა კლეტი დააკავა, რომელიც მართლმსაჯულებას 30 წელი ემალებოდა. 65 წლის კლეტი ბერლინის რაიონში, კრეიცბერგში დააკავეს. ეს ადგილი ტრადიციულად მემარცხენეების ძირითადი დასაყრდენია.
ქალს ბრალად ედება გერმანიის მემარცხენე შეიარაღებული ორგანიზაციის წევრობა, რომელიც ათწლეულების განმავლობაში ატერორებდა გერმანიასა და დასავლეთ ბერლინს. ორგანიზაცია მონაწილეობდა მკვლელობების მცდელობასა და ძარცვის სერიაში.
კლეტი ვერტმფრენით გადაიყვანეს ბრემენში, სადაც, როგორც ვარაუდობენ, დანაშაულს ჩადიოდა. ამჟამად ქალი ვერდენის ციხეში სასამართლოს ელოდება.
პოლიციამ ინფორმაცია დანიელას ადგილსამყოფელის შესახებ ჯერ კიდევ 2023 წლის ნოემბერში მიიღო და მისი იდენტიფიცირება თითის ანაბეჭდებით შეძლო, მან პოლიციას წინააღმდეგობა გაუწია დაკავებისას.
ხელისუფლებამ ჯერ კიდევ ვერ ახსნა, როგორ მოახერხა ქალმა 30 წლის განმავლობაში დამალვა, იყო თუ არა მთელი ამ ხნის განმავლობაში გერმანიაში და ვინ დაეხმარა მას. ბინის ჩხრეკისას, სადაც კლეტი ცხოვრობდა, იპოვეს ბოქლომები და იარაღის ვაზნები, მაგრამ ადგილზე არ აღმოჩნდა იარაღი.
პოლიციამ კლეტის დაკავებას უწოდა მნიშვნელოვანი ნაბიჯი „ტერორიზმთან“ ბრძოლაში, მათი თქმით, „ტერორისტები“ ვერასოდეს იგრძნობენ თავს უსაფრთხოდ, მიუხედავად იმისა, თუ როდის ჩაიდინეს დანაშაული.
"მესამე თაობა"
გერმანული ტაბლოიდების სათაურებიდან შეიძლება შეგექმნათ შთაბეჭდილება, რომ ეს არის ერთგვარი სატელევიზიო კომედია ძველ მძარცველებზე. თუმცა, ფაქტობრივად, RAF-ს ეძახდნენ Baader-Meinhof ჯგუფს, რომელიც სისტემატურად ჩადიოდა ძალადობას.
1971-1993 წლებში ბოევიკებმა მოკლეს 34 ადამიანი. მათი მსხვერპლი იყვნენ პოლიტიკოსები და ცნობილი ბიზნესმენები, მათ შორის გენერალური პროკურორი და Deutsche Bank-ის გამგეობის თავმჯდომარე. დაშავდა კიდევ 200-ზე მეტი ადამიანი.
გერმანიის ხელისუფლება ამტკიცებს, რომ დანიელა ეკუთვნოდა RAF-ის მესამე თაობას, რომელიც მოქმედებდა 1980-იან და 90-იანი წლების დასაწყისში.
ეს თაობა იყო პასუხისმგებელი Deutsche Bank-ის ხელმძღვანელის მკვლელობაზე, რომელიც ააფეთქეს, და მემარცხენე ცენტრისტული პოლიტიკოსის, რომელიც პასუხისმგებელი იყო აღმოსავლეთ გერმანიის საწარმოების პრივატიზაციაზე. კაცი საკუთარ სახლში დახვრიტეს.
1991 წელს ჯგუფი ბონში აშშ-ს საელჩოს დაესხა თავს. მართალია, არავინ დაშავებულა, მაგრამ კლეტის დნმ-ის ნიმუშები დანაშაულის ადგილზე აღმოაჩინეს. ორი წლის შემდეგ RAF-ის ბოევიკებმა ააფეთქეს და ნაწილობრივ გაანადგურეს ახალი ციხე, რომელიც ცოტა ხნის გახსნილი იყო.
როგორ შეიქმნა დაჯგუფება
RAF წარმოშობის ისტორია 1960-იანი წლებიდან მოდის, რომელსაც საფუძველი ჩაუყარა რადიკალურმა სტუდენტურმა მოძრაობამ. მოძრაობას ჰქონდა კავშირი ახლო აღმოსავლეთის გასამხედროებულ ჯგუფებთან და გდრ-ის ხელისუფლებასთან.
ზოგიერთ რადიკალ მემარცხენეს ახლაც დიდი პატივისცემით ეპყრობიან. ჯგუფის სიმბოლოები ხანდახან ჩნდება მისი აპოლოგეტების ტანსაცმელზე, რაც ხშიარდ ხდება გერმანიაში დებატების საგანი, რამდენად სერიოზულად უნდა იყოს აღქმული ეს სიმბოლოები ულტრამემარცხენე ექსტრემიზმისა და ძალადობის პოპულარიზაციად.
RAF 1998 წელს დაიშალა და მისი წევრების ნაწილი, მათ შორის დანიელა კლეტი დღემდე მიმალვაში იყო. გავრცელებული ინფორმაციით, მან ორ თანამზრახველთან ერთად მარკეტებისა და მანქანების ძარცვით დიდძალი ფული გამოიმუშავა (საუბარია მილიონ ევროზე).
თავდაპირველად, პოლიციამ გამოაქვეყნა 1980-იანი წლების სამი სტუდენტის ფოტოები წარწერით „ეს ხალხი შეიძლება იყვნენ შენი მეზობლები“. თუმცა, მოგვიანებით გამოჩნდა ფოტოები, სადაც ტრიო რეალური ასაკის ადამიანებად გამოიყურებოდნენ.
დანიელამ მოახერხა სიცოცხლის ნახევარი პოლიციას ისე დამალვოდა, ერთხელ არ აღმოჩენილიყო ყურადღების ცენტრში, მაგრამ ყველაფერი მთავრდება და დამნაშავე 30 წლის შემდეგ დაიჭირეს.
ტყვიები და ბოქლომები ჩაუდეს უეჭველი :) აბა ჩვენ მაგარი პოლიცია გვყოლია ჩადენილი არა დანაშაული და უკვე დაჭერილიცა და მისჯილიც :) დნმ ს დაელოდონ არა ის :)
რაიო?!