უმძიმესი კადრები ბაღდათიდან: მიწაში მოყოლილი სახლები და ადგილზე მობილიზებული 200-მდე მეხანძრე-მაშველი

ბაღდათის მუნიციპალიტეტის სოფელ ნერგეეთში, შინაგან საქმეთა სამინისტროს საგანგებო სიტუაციების მართვის სამსახურის 200-ზე მეტი მეხანძრე-მაშველი ძებნა-შველის ღონისძიებას უწყვეტ რეჟიმში ახორციელებს.

ადგილზე სამაშველო სამსახურმა 3 ადამიანის ცხედარი იპოვა, კიდევ 6 ადამიანს ამ დრომდე ეძებენ. როგორც ერთ-ერთი ოჯახის ახლობელი აცხადებს, შემთხვევა ღამით მოხდა, გამოსწრება ვერავინ მოასწრო. ადგილობრივის ინფორმაციით, ერთ-ერთ სახლში მამა და სამი შვილია მოყოლილი.

• როგორც იმერეთში სახელმწიფო რწმუნებულმა, ზვიად შალამბერიძემ ჟურნალისტებთან საუბრისას განაცხადა, ძალიან დიდი მიწის მასა მოწყდა, რომელმაც ოთხი საცხოვრებელი სახლი მოიქცია.

„ძალიან დიდი ტრაგედია მოხდა და პირველ რიგში, მინდა დაღუპულების ოჯახის წევრებს მივუსამძიმრო. ფაქტია, რომ ძალიან დიდი მიწის მასა მოწყდა და მოიქცია 4 საცხოვრებელი სახლი. თავიდანვე ვეძებდით 10 ადამიანს. ამ წუთის მონაცემებით, 1 ადამიანი ცოცხალია, სამწუხაროდ, 3-ის ცხედარი ვიპოვეთ და დანარჩენი 6 ადამიანის სამძებრო სამუშაოები მიმდინარეობს. მობილიზებულია ყველა საჭირო ტექნიკა, რომელსაც შეუძლია ამ ლოკაციაზე იმუშაოს, ცოცხალი ძალა და რა თქმა უნდა, ვაგრძელებთ სამუშაოებს,“ - აცხადებს შალამბერიძე.

წაიკითხეთ ასევე:

• "ძალიან ცუდად ვართ, სამი საუკეთესო მოსწავლე მოყოლილია მეწყერში... არ ვიცით მათი მდგომარეობა" - ბოლო ცნობები სტიქიის ადგილიდან
• "ერთ სახლში მამა და სამი შვილია მოყოლილი... მეწყერი ღამე ჩამოწვა და ვერავინ გამოასწრო" - რას ჰყვებიან ადგილობრივები ბაღდათის ტრაგედიაზე

ნახეთ კადრები სტიქიის ადგილიდან