3
მაისიდღის ზოგადი ასტროლოგიური პროგნოზი
მოგზაურობა ბევრი ჩვენგანისთვის განტვირთვის, დასვენებისა და ახალი აღმოჩენების გაკეთების საუკეთესო საშუალებაა, თუმცა ფრენის პროცესი ცოტა დამღლელი და მოსაწყენია ხოლმე, განსაკუთრებით თუ 4 საათს და მეტ ხანს გრძელდება.
როგორ გავიყვანოთ დრო ფრენისას, განსაკუთრებით მაშინ, თუ თვითმფრინავში დაძინება გვიჭირს?
გთავაზობთ 5 პრაქტიკულ რეკომენდაციას:
1. ფრენის წინ განაახლეთ თქვენი Play list-ი
როცა ფრენა დიდხანს გრძელდება, ერთი და იგივე მუსიკის მოსმენა შეიძლება, მოსაბეზრებელი იყოს, განსაკუთრებით მაშინ, თუ თან სხვა თავშესაქცევი საშუალებები არ გაქვთ, იქნება ეს წიგნი, თამაში და სხვა არ არ იცით, დრო როგორ გაიყვანოთ. სწორედ ამიტომ გირჩევთ, წინასწარ დაიჭიროთ თადარიგი და გადახედოთ თქვენი საყვარელი შემსრულებლების კომპოზიციებს, ჩამოტვირთოთ თქვენთვის აქამდე უცნობი მუსიკოსების ალბომები და გზაში ასე შეიქციოთ თავი.
მაგალითისთვის, გთავაზობთ რამდენიმე შემსრულებელს:
მისი ფრანგულენოვანი შემოქმედება დროს სასიამოვნოდ გაგატარებინებთ, იქნებ შემდეგ ენის შესწავლაც გადაწყვიტოთ?
Iron and Wine ამერიკელი ფოლკ-როკის შემსრულებელია, რომლის რომელიმე სიმღერა აუცილებლად გექნებათ მოსმენილი ან ყურმოკრული მაინც. ახლა კი გირჩევთ, ფრენამდე მისი 6 ალბომიდან რომელიმე მაინც ჩამოტვირთოთ.
თუ კლუბური მუსიკის მოყვარული ხართ, Folamour-ი თქვენი აღმოჩენა გახდება.
ფრანგი DJ-ისა პროდიუსერის საუცხოო მუსიკა დაგეხმარებათ, მოგზაურობის წინ სასიამოვნო განწყობა შეიქმნათ და ემოციებით შეივსოთ.
თუ მაინც თვითმფრინავში გამოძინებას, რაიმე სასიამოვნოზე ფიქრს ან უბრალოდ მშვიდი განწყობის შექმნას აპირებთ, გირჩევთ, ამ შემსრულებლებს მოუსმინოთ.
2. თან წაიღეთ რომანი/მოთხრობა, რომლის წაკითხვაც დიდი ხანია გსურთ, მაგრამ ვერ ახერხებთ
თუ ყველა სასურველი რომანი უკვე წაკითხული გაქვთ, მაშინ ჩვენ შემოგთავაზებთ რამდენიმე წიგნს, რომელიც ერთგვარად სამოგზაურო, თხელყდიან ფორმატშიცაა გამოცემული და ჯიბითაც კომფორტულად წაიღებთ თან:
სერია აერთიანებს სხვადასხვა დროს მოღვაწე კლასიკოსების მოთხრობებს, რომელთა წაკითხვაც არასდროსაა გვიან. ავტორებს შორისაა რიუნოსკე აკუტაგავა, ლავკრაფტი, ლევ ტოლსტოი, ფიოდორ დოსტოევსკი, გი დე მოპასანი, ო. ჰენრი, ოსკარ უაილდი, მიხეილ ჯავახიშვილი, ნიკო ლორთქიფანიძე და სხვა.
გირჩევთ, ამ ფორმატის წიგნებიდან ორი მაინც შეარჩიოთ და ერთი გაფრენის, მეორე კი - ჩამოფრენისთვის ძალიან გამოგადგებათ. დროს საინტერესოდ და ინტელექტუალურადაც გაიყვანთ.
გრძელ გზაზე მგზავრობისას თან გაიყოლეთ კოლინ ჰუვერის რომანი „ყველაფერი იწყება ჩვენით“ ან მეთ ჰაიგის „შუაღამის ბიბლიოთეკა“.
„ყველაფერი იწყება ჩვენით“ მოგვითხრობს ძალადობის მსხვერპლი ქალის შესახებ, რომელმაც თავიდან უნდა დაიწყოს ცხოვრება. წიგნში ბევრ პარალელს იპოვით ჩვენს ქვეყანაში არსებულ პრობლემებთან დაკავშირებითაც და აქ დასმული სწორი აქცენტები თქვენს ინტერესს აუცილებლად გამოიწვევს.
მეთ ჰაიგის „შუაღამის ბიბლიოთეკა“ კი დაგაფიქრებთ იმაზე, რომ მცირე სიკეთესაც კი შეიძლება, დიდი შედეგი მოჰყვეს. რომანში აღწერილია 35 წლის ხელმოცარული ბედფორდელი მუსიკის მასწავლებლის ნორას ამბავი, რომელიც ემოციებითა და მოულოდნელობებით არის სავსე.
ცნობილი ავტორის ეს წიგნი ეხება ცვლილებებს, რომელიც ასე ძალიან გვჭირდება ხოლმე განვითარებისთვის. მიუხედავად იმისა, რომ პროფესიული ლიტერატურის კითხვა ზოგიერთი ჩვენგანისთვის დასვენებასთან ნაკლებად ასოცირდება, ამ წიგნს ორ საათში მარტივად წაიკითხავთ და საინტერესო დასკვნებსაც გამოიტანთ.
დეტექტივების კითხვა ხომ გართობის ერთ-ერთი საუკეთესო საშუალებაა, ამიტომ ფრენამდე თადარიგი დაიჭირეთ და სპეციალურად სამგზავროდ გამოცემული ჯიბის წიგნები შეიძინეთ.
ჯიბის დეტექტივის სერია აერთიანებს შემდეგ წიგნებს: გილბერტ კით ჩესტერტონი - „მამა ბრაუნის სკანდალური ამბავი“; რეიმონ ჩენდლერი - „მშვიდობით ჩემო საყვარელო“; დოროთი ლ. სეიერსი - „არაბუნებრივი სიკვდილი“; ნაიო მარში - „მკვლელო, სცენაზე!“ და სხვა.
თუ თანამედროვე ქართველი ავტორების შემოქმედებას აქტიურად ადევნებთ თვალს, მაშინ ამ საინტერესო რომანსაც უნდა გაეცნოთ. წიგნი მოგვითხრობს ძველი კარადის უჯრებში აღმოჩენილი 12 ნივთის შესახებ, რომელიც მთავარი გმირის ცხოვრების მნიშვნელოვან მომენტებს აღნიშნავს.
სალომე ბენიძე კიდევ ერთი თანამედროვე ავტორია, რომლის სადებიუტო წიგნი „ქალაქი წყალზე“ წარმატებული აღმოჩნდა. წიგნში აღწერილი ისტორია ეხება შვიდ ქალს, რომელსაც ერთმანეთთან არაფერი აქვს საერთო, თუმცა მაინც უამრავი რამ აკავშირებთ. მათი სიყვარულის ისტორიები კი შთამაგონებელია.
3. მოუსმინე აუდიო წიგნებს
ქართულ ენაზე არაერთი აუდიო წიგნია გახმოვანებული, რომელთა მოსმენაც რამდენიმე საათიანი მგზავრობისას შეგიძლიათ.
მაგალითისთვის, მიჰყევით ბმულს და გაეცანით მათ ჩამონათვალს.
4. ჩამოტვირთეთ საყვარელი გადაცემის უცნობი ეპიზოდები
როგორც წესი, თითქმის ყველა ქართული გადაცემა Youtube პლატფორმაზე თავსდება და შემდეგ მისი ჩამოტვირთვისა და უინტერნეტოდ ყურების შესაძლებლობა გვაქვს, ამიტომ შეგიძლია, წინასწარ დაიჭიროთ თადარიგი და დრო მხიარულად გაატაროთ. მაგალითისთვის შეგიძლიათ, კულინარიულ გადაცემებს უყუროთ.
5. უყურეთ ქართულ სერიალებს
ასევე Youtube პლატფორმაზე შეგიძლიათ, ჩამოტვირთოთ თქვენთვის საინტერესო ქართული სერიალები და ფრენისას დრო მათ ყურებაში გაატაროთ. აღსანიშნავია, რომ პლატფორმაზე ძველი ქართული ფილმების ნაწილიც არის განთავსებული.
R
