"შემოვედი გაცეცხლებული და მთელი საქართველო აქ დამხვდა…" - რა არის ცნობილი "დისნეის" ახალ ანიმაციაზე, რომელმაც ქართველები გაანაწყენა: "This Wish"-მა შემოსავლის სახით უკვე 100 მილიონი მიიღო
"This Wish" - ასე ჰქვია დისნეის ახალ ანიმაციაში გაჟღერებულ სიმღერას, რომლის ტექტსმაც ქართველების დიდი ნაწილი გაანაწყენა.
Walt Disney Animation Studios წელს 100 წლის იუბილეს აღნიშნავს. სპეციალურად მაყურებლისათვის შექმნილ ანიმაციაში მთავარი გმირი სიმღერას 29 სხვადასხვა ენაზე ასრულებს. მათ შორის კი, ქართულად. ჩვენს მშობლიურ ენაზე წარმოთქმული სიტყვები ასე ჟღერს "ჰეი, ჰო, ჰო, ჰო, ჰეი, ჰო, ჰო, ჰო, აჰ-აჰ". მას შემდეგ რაც, ვიდეო სოციალურ ქსელში გამოქვეყნდა, ქართველი მომხმარებლების უკმაყოფილო კომენტარები მოჰყვა.
"Ayayayay და ჯანდაბა“
"რა შარშია დისნეი ნეტა თუ იცის“
"რაც ჩვენ ინგლისური სიმღერები გვაქვს ასე ნამღერი, დაგვიბრუნდა უკან.“
"რომ დაწერონ ეხლა, ბოდიში კომპიუტერთან ბავშვი იჯდაო. ხომ ვართ ღირსები“
"ეს ფილმი ამ შეცდომით გავა კინოში და მე სახლში ცოცხალი არ წავალ!“„აქ ვერ ვისხდებით მთელი დღე. ან შეცვალეთ ან რაღაცა ქენით Disney“
"შეიძლება შინამანაკენა ჰქონდათ მხოლოდ მოსმენილი და ეგ ეგონათ ქართული. სხვა ახსნას ვერ ვპოულობ“
"შემოვედი გაცეცხლებული კომენტარის დასაწერად და მთელი საქართველო აქ დამხვდა… თქვეს ყველაფერი, ვეღარ დავამატებ ვერაფერს...“
დისნეის მიერ გადაღებულმა ანიმაციამ, სადაც "ქართულად" ნამღერმა „ჰეი ჰეიმ“ მომხმარებლები გააბრაზა, სამი კვირის განმავლობაში შემოსავლის სახით 100 მილიონი დოლარი მიიღო. სპეციალურად 100 წლის იუბილესთვის შექმნილი ანიმაცია მოგვითხრობს ახალგაზრდა გოგონას აშას ისტორიას, რომელსა სურვილი აქვს გადაარჩინოს თავისი სამეფო ბოროტი მეფე მაგნიფიკოსგან.
ანიმაციის კონკურენტები არიან The Hunger Games: The Ballad of Songbirds & Snakes და Napoleon. ამ ორმა ფილმმა უკვე აჯობა Wish-ს გაყიდვებით, თუმცა, ანიმაცია წარმატებულია საფრანგეთში, შვეიცარიაში, გერმანიასა და ავსტრიაში, სადაც ის საუკეთესო ფილმებს შორის მოხვდა.
მიუხედავად იმისა, რომ მისი ბიუჯეტი 175 მილიონი დოლარიდან 200 მილიონ დოლარამდეა, Wish მაინც საკმაოდ შორს არის სანამ მოგებაზე გავა. თუმცა, ეს არის მნიშვნელოვანი მიღწევა დისნეისთვის, რადგან ეს ფილმი პირველი ორიგინალური ანიმაციური ფილმია 2017 წელს გამოსული Coco-ს შემდეგ, რომელის შემოსავალმაც 100 მილიონ დოლარს გადააჭარბა.