4
აპრილიდღის ზოგადი ასტროლოგიური პროგნოზი
რუსეთის საოკუპაციო ძალებსა და უკრაინის თავდაცვის ძალებს შორის, ბოლო 24 საათის განმავლობაში, 91 სამხედრო შეტაკება მოხდა, მათგან 34 ავდეევკის მიმართულებით, - ამის შესახებ უკრაინის შეიარაღებული ძალების გენერალური შტაბის ანგარიშშია აღნიშნული.
გენშტაბის ცნობით, კუპიანსკის მიმართულებით, ხარკოვის ოლქის სინკოვკას რაიონში უკრაინელმა დამცველებმა მოწინააღმდეგის 7 თავდასხმა მოიგერიეს, ლიმანის მიმართულებით, დონეცკის ოლქის ტერნოვის, ვესელესა და რაზდოლევკას რაიონებში კი - 6 შეტევა.
"ბახმუტის მიმართულებით, ჩვენმა ჯარისკაცებმა მოიგერიეს მტრის 12 შეტევა დონეცკის ოლქის ბოგდანოვკას, კლეშჩევკასა და ანდრეევკას რაიონებში. უკრაინის თავდაცვის ძალები აგრძელებენ თავდასხმის ოპერაციებს ბახმუტის სამხრეთით, მტერს ცოცხალი ძალისა და აღჭურვილობის დიდ დანაკარგებს აყენებენ და მიღწეულ ხაზებზე მაგრდებიან“, - აცხადებენ გენშტაბში.
გენშტაბის ცნობით, ავდეევკას მიმართულებით უკრაინელი დამცველები აგრძელებენ მოწინააღმდეგის შეკავებას, რომელიც არ წყვეტს ავდეევკას ალყაში მოქცევის მცდელობებს.
"ჩვენი ჯარისკაცები მტკიცედ იცავენ თავდაცვის ხაზებს და მტერს მნიშვნელოვან ზარალს აყენებენ. თავდაცვის ძალებმა წარმატებით მოიგერიეს მტრის 34 შეტევა ნოვობახმუტოვკას, სტეფნოის, ავდეევკას, სევერნის, ტონენკისა და პერვომაისკის აღმოსავლეთით მდებარე რაიონებში“, - აცხადებენ გენშტაბში.
მათივე ცნობით, მარინკას მიმართულებით თავდაცვის ძალები აგრძელებენ მოწინააღმდეგის შეკავებას კრასნოგოროვკას, მარინკასა და ნოვომიხაილოვკას რაიონებში, სადაც მათ 17 შეტევა მოიგერიეს.
გენშტაბში აცხადებენ, რომ უკრაინის თავდაცვის ძალებმა ზაპოროჟიეს მიმართულებით მტრის 6 თავდასხმა მოიგერიეს.
ამასთან, მელიტოპოლის მიმართულებით, უკრაინის თავდაცვის ძალები მტერს ცოცხალი ძალისა და აღჭურვილობის მნიშვნელოვან დანაკარგებს აყენებენ.
უკრაინის გენერალური შტაბის ცნობით, უკრაინაში შეჭრის შემდეგ რუსეთის საერთო დანაკარგები მოიცავს 336 230-მდე ჯარისკაცს, 5 618 ტანკს, 10 482 ჯავშანტექნიკას, 8 045 ერთეულ საარტილერიო სისტემას, 324 საბრძოლო თვითმფრინავს და ამდენივე ვერტმფრენს, 10 561 ავტომობილსა და საწვავის ავზს, 22 გემს/ნავს, 6 116 უპილოტო საფრენ აპარატს, 1 156 ერთეულ სპეცტექნიკას და 1 571 ფრთოსან რაკეტას.
უკრაინა აუცილებლად გაიმარჯვებს!პუტინი კიევში კი არა და ჯანდაბას წავა
ვინ მოიგო და ვინ წააგო,ამაზე ლაპარაკი ჯერ ძალიან ძალიან ადრეა,ნუ განვსაზღვრავთ ამ ომს წარსული ომებით,ეს სრულიად ახალი მოვლენაა,როგორც სამხედრო ტაქტიკურ-სტრატეგიული მხრივ ასევე პოლიტიკური. დასარული იქნება სრულიად ახლებური და აქამდე არარსებული,რა დროსაც ჩვენ დავინახავთ ახლებული ომისა და პოლიტიკის შეჯახებათა გადაწყვეტის ახლებულ მეთოდებსა და შედეგებს.... ასე რომ ჯერ-ჯერობით დაშოშმინდით,მოიმარაგეთ პოპკორნი და უცქირეთ თანამედროვეობის ყველაზე დიდ სპექტაკლს,რომლის დასპოილერებაც შეუძლებელია !...