9
აპრილიდღის ზოგადი ასტროლოგიური პროგნოზი
ევროპის "ევკლიდეს ტელესკოპი" სამყაროს უდიდესი საიდუმლოებების შეცნობის მისიას იწყებს. კოსმოსური ობსერვატორიის გავრცელებული ახალი ფოტოები კი ამ ტელესკოპის განსაკუთრებულ შესაძლებლობებს გვიჩვენებს.
- "ევკლიდეს" მისია ასეთია: გამოიკვლიოს გალაქტიკების კონტურები, მანძილები და მოძრაობები.
მომდევნო ექვსი წლის განმავლობაში "ევკლიდე" ცის მესამედს გამოიკვლევს, რათა ბნელი მატერიის და ბნელი ენერგიის შესახებ ინფორმაცია შეაგროვოს. როგორც ჩანს, კოსმოსში ყველაფრის ფორმას და გაფართოებას ეს ამოუცნობი მატერიები აკონტროლებენ. მეცნიერები აღიარებენ, რომ ბნელი მატერიისა და ენერგიის შესახებ პრაქტიკულად არაფერი იციან, იმის მიუხედავად, რომ ისინი კოსმოსის 95%-ს შეადგენენ.
ევროპის კოსმოსური სააგენტოს მეცნიერების დოქტორი, პროფესორი კაროლ მუნდელი ამტკიცებს, რომ ევკლიდეს კვლევა ყველაზე ფუნდამენტური იქნება: "როგორც ადამიანებს, გვსურს, ჩვენს ირგვლივ არსებულ გარემოზე ყველაფერი ვიცოდეთ. ძველ დროში ადამიანები ღამის ცას უყურებდნენ და თანავარსკვლავედებს გამოქვაბულის კედლებზე ხატავდნენ. ჩვენც ასე ვართ, რაც შეიძლება მეტის გარკვევას ვცდილობთ",- განუცხადა მან BBC-ს. "ამჟამად, იმ სამყაროს შესახებ, რომელიც 13.8 მილიარდი წლისაა, ჩვენ მხოლოდ 5% ვიცით. ადამიანები უსუსური არსებები ვართ, რომლებმაც ამ დროის ძალიან მცირე ნაწილი გავატარეთ აქ. ამის მიუხედავად, შესაძლოა, სწორედ ჩვენ ვიქცეთ იმ არსებებად, რომლებმაც მის შესახებ ყველაფერი შეიტყვეს",- დასძენს მუნდელი.
- ბნელი მატერია და ბნელი ენერგია თანამედროვე ასტროფიზიკის ყველაზე დიდ თავსატეხებს შორისაა.
1.4 მილიარდი ევროს ღირებულების "ევკლიდეს ტელესკოპი" კოსმოსში ივლისში გაუშვეს. მას შემდეგ მეცნიერები მის გამართვას ცდილობდნენ. ევკლიდე რომ მისიის დასაწყებად მზადაა, ამას ხუთი ნიმუშის გამოსახულება ადასტურებს. "ფოტოები საბოლოო რეზოლუციით (გარჩევადობით) რომ ვიხილე, ნამდვილად გავოგნდი. ევკლიდემ ყველა მოლოდინი გაამართლა. ეს დიდი შვებაა და მართლაც საოცარი სანახავია",- აცხადებს ასტრონომი ლანკასტერის უნივერსიტეტიდან.
მანამდე ვერც ერთმა კოსმოსურმა ტელესკოპმა ვერ შეძლო მხედველობის სიგანის, სიღრმის და სიმკვეთრის ისე გაერთიანება, როგორც ევკლიდეს შეუძლია. მაგალითად, ჯეიმს უების ტელესკოპს გაცილებით მაღალი რეზოლუცია აქვს, მაგრამ ცის იმხელა პერიმეტრს ვერ გვიჩვენებს, რამხელასაც ევკლიდე ერთ კადრში ატევს. "ეს გიგანტური კამერა ასობით მილიონი პიქსელით უკვე მზადაა შორეული სამყაროს გამოსაკვლევად",- აცხადებს პროფესორი მარკ მაკკორინი.
წყარო: bbc
მოამზადა: ანა სიბოშვილმა
იფ იფ კაი მარსი
რამ აქცია ცხოველი ადამიანად? ცნობისმოყვარეობამ! აი ეს არის ადამიანის საწყისი.
, რა იქნება დამთავრება? ან მივაღწევთ იქამდე? მიუხედავად იმისა, რომ ქალი ადამიანის მეგობარია, ამის პასუხი მაინც არ არსებობს,
, უბრალოდ არ არ სე ბობ სსს!!!!!