მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ამ ომს ვერ მოიგებ წინა თაობის იარაღითა და მოძველებული მეთოდებით" - ვალერი ზალუჟნის აღიარება უკრაინის შეცდომებსა და ფრონტის ხაზზე არსებულ ვითარებაზე?
14:19 / 04-11-2023
უკრაინის სამხედრო მეთაური, გენერალი ვალერი ზალუჟნი Economist-თან ინტერვიუში ამბობს, რომ ბრძოლა ჩიხში შევიდა.
"ისევე, როგორც პირველ მსოფლიო ომში, ჩვენ მივაღწიეთ ტექნოლოგიის იმ დონეს, რომელსაც ჩიხში შევყავართ. დიდი ალბათობით, ღრმა და ლამაზი გარღვევა არ იქნება“, - აღნიშნა ზალუჟნიმ და დასძინა, რომ ჩიხიდან გამოსასვლელად მასიური ტექნოლოგიური ნახტომია საჭირო.
ზალუჟნის განცხადებით, იმის იმედი, რომ რუსეთს საკუთარი ჯარისკაცების სისხლის დაღვარა შეაჩერებდა, დიდი შეცდომა იყო:
"ეს იყო ჩემი შეცდომა. რუსეთმა დაკარგა სულ მცირე 150 000 ადამიანი. ნებისმიერ სხვა ქვეყანაში ასეთი მსხვერპლი ომს შეაჩერებდა“, - აღნიშნა ზალუჟნიმ. მისივე თქმით, კრემლს რუსული არმიის უზარმაზარი დანაკარგები არ აინტერესებს - უახლოესი მონაცემებით, დაღუპულია 100 000-ზე მეტი სამხედრო. უკრაინის თავდაცვის მინისტრის, რუსტემ უმეროვის განცხადებით, რუსეთმა მხოლოდ ავდვიივკას გარშემო 4000 ჯარისკაცი დაკარგა.
- უკრაინის ძალებმა, ზაფხულის შემდეგ, მხოლოდ მცირე ტერიტორიის დაბრუნება მოახერხეს. რუსეთი კვლავ იკავებს ქვეყნის თითქმის მეხუთედს. ზალუჟნი ინტერვიუში იმ ძირითად მოთხოვნებზე საუბრობს, რომლებიც უკრაინას ომში პროგრესისთვის სჭირდება: საჰაერო უპირატესობის მოპოვება სახმელეთო ოპერაციების მხარდასაჭერად; რუსული ნაღმების ბარიერების დარღვევა; საპირისპირო საბრძოლო ეფექტურობის გაზრდა; საჭირო რეზერვების შექმნა და მომზადება; ელექტრონული ომის შესაძლებლობების შექმნა.
ზალუჟნი გულწრფელად აღიარებს, რომ რუსეთი „გარკვეული დროით შეინარჩუნებს უპირატესობას შეიარაღებაში, აღჭურვილობაში, რაკეტებსა და საბრძოლო მასალაში“.
"ჩვენ ასევე გვჭირდება ელექტრონული საომარი სისტემები, რომლებიც მთავარია უპილოტო ომში გამარჯვებისთვის. ამ ომს ვერ მოიგებ წინა თაობის იარაღითა და მოძველებული მეთოდებით, ადრე თუ გვიან აღმოვაჩენთ, რომ უბრალოდ, არ გვყავს საკმარისი ხალხი საბრძოლველად“, - განუცხადა ზალუჟნიმ Economist-ს.
ზალუჟნის ინტერვიუს პარალელურად, TIME-მა გამოაქვეყნა სტატია, რომლის მიხედვითაც, უკრაინის პრეზიდენტი ვოლოდიმირ ზელენსკი თავის მოკავშირეებზე გაბრაზებულია და "გამარჯვებაზე საუბრით იტყუებს თავს." სტატიის ავტორი ცნობილი ჟურნალისტი საიმონ შუსტერია.
სტატიის ერთ-ერთი მთავარი თემა იყო უკრაინის ომისგან დასავლეთის დაღლა. ზელენსკის განცხადებით, თუ დასავლეთი ასე მოქცევას გააგრძელებს, მაშინ უკრაინა „ომს წააგებს“.
"ომის დაღლილობა ტალღასავით მოდის. თქვენ ხედავთ მას აშშ-ში, ევროპაში. და ჩვენ ვხედავთ, რომ საკმარისია ისინი [დასავლეთის ქვეყნების მცხოვრებლები] ცოტათი დაიღალონ, რომ მათთვის ყველაფერი ისე ჩანს, თითქოს ეს სერიალში ხდებოდეს: "მეათედ ამის ყურება აღარ შემიძლია", - უთქვამს უკრაინის პრეზიდენტს Time-თან საუბარში. გარდა ამისა, ვოლოდიმირ ზელენსკი მოლაპარაკებების დაწყების წინააღმდეგია და ომის მოგება უკრაინული პირობებით სურს.
სტატიაში ასევე აღნიშნულია, რომ აშშ-ში უკრაინის მხარდამჭერთა რიცხვი თანდათან კლებულობს - Reuters-ის გამოკითხვის თანახმად, ამერიკელთა 41% მხარს უჭერს უკრაინისთვის უფრო მეტი იარაღის მიწოდებას, ივნისში ეს რიცხვი 65% იყო.
მკითხველის კომენტარები /
51 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რუსეთი უნდა დაიშალოს თუ უნდა მსოფლიოს ხალხმა მშვიდად დაისვენოს!
რაც დრო გადის, უფრო ნაკლებად მჯერა უკრაინის გამარჯვების. თუმცა, ჩვენთვის ეს არაა მთავარი, უფრო მნიშვნელოვანია, რუსებს მეეხნათ ყოფის დღე.