მნიშვნელოვანი ინფორმაცია
4
აპრილიდღის ზოგადი ასტროლოგიური პროგნოზი
პარასკევი, მთვარის მეშვიდე დღე დაიწყება 09:24-ზე, მთვარე კირჩხიბში გადავა 02:51-ზე
ისეთი საქმეები წამოიწყეთ, რომლებსაც დღესვე დაასრულებთ და სხვა დროისთვის არ გადადებთ. მნიშვნელოვანი გადაწყვეტილებების მიღება სხვა დროისთვის გადადეთ. ფინანსური ოპერაციების დაგეგმვასა და უძრავი ქონების ყიდვა-გაყიდვას არ გირჩევთ. კარგი დღეა მსხვილი საყიდლებისთვის; შემოქმედებითი საქმიანობისთვის, სწავლისა და გამოცდების ჩასაბარებლად. უფროსთან და თანამდებობის პირებთან ნებისმიერ საქმეს მარტივად მოაგვარებთ. კარგი დღეა ფიზიკური ვარჯიშებისა და საოჯახო საქმეების შესასრულებლად. ზომიერება გმართებთ საკვებსა და სასმელში. კარგია ორგანიზმის გაწმენდა მარილებისა და წიდებისაგან. ნუ მიირთმევთ მძიმე საკვებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
გახდი ბესტსელერის ავტორის განაცხადების მიღება გრძელდება
16:16 / 31-10-2023
გამომცემლობა „პალიტრა L-ის“ ლიტერატურულ კონკურსში - „გახდი ბესტსელერის ავტორი 2024“ პირველადი განაცხადების მიღება 16 ოქტომბრიდან დაიწყო 6 ნოემბრის ჩათვლით გრძელდება.
პროექტში მონაწილეობის მისაღებად კონკურსანტებმა გამომცემლობას უნდა გაუგზავნონ მანამდე გამოუქვეყნებელი რომანი ან მოთხრობების კრებული. ჟანრი და თემატიკა თავისუფალია. განაცხადის გამოგზავნა შეუძლია ნებისმიერ მსურველს, 21 წლის ასაკიდან ზევით.
„გახდი ბესტსელერის ავტორი“ საქართველოში ერთ-ერთი ყველაზე მასშტაბური ლიტერატურული კონკურსია, რომელმაც მკითხველს უკვე არაერთი საინტერესო და ნიჭიერი ავტორი გააცნო. მათი რომანები და მოთხრობები ხშირად ხვდება გამომცემლობის ბესტსელერთა შორის. კონკურსის მთავარი მიზანია ახალი ნიჭიერი ავტორების აღმოჩენა და ქართველი მწერლების ხელშეწყობა, მათი შემოქმედების მკითხველთა ფართო წრეებისთვის გაცნობა.
კონკურსში - „გახდი ბესტსელერის ავტორი“ მონაწილეობის მიღების მსურველის განაცხადი უნდა შეიცავდეს შემდეგ ინფორმაციას:
- გვარი, სახელი, ასაკი, საცხოვრებელი ადგილი, მოკლე ბიოგრაფია. გამოუქვეყნებია თუ არა ნამუშევრები კონკურსამდე (ასეთის არსებობის შემთხვევაში, საჭიროა მიუთითოს წყარო: წიგნი, პერიოდული გამოცემა, საიტი და სხვ.). ინფორმაცია უნდა გამოიგზავნოს WORD დოკუმენტით
- კონკურსანტის ფოტო (JPG ფორმატი);
- საკონკურსო ნაწარმოების მოკლე აღწერა/სინოპსისი (WORD დოკუმენტი,);
- რომანის შემთხვევაში: ნაწარმოების დასაწყისი: 20-30 გვერდი, პროზაული კრებულის შემთხვევაში - 2-3 მოთხრობა, WORD დოკუმენტი, შრიფტი - Sylfaen, ზომა 11, ხაზებს შორის დაშორება - სტანდარტული (Multiple)
განცხადების რეგისტრაციის პროცედურების სანახავად მიჰყევით ბმულს.
აღსანიშნავია, რომ კონკურსი ორ ეტაპად ჩატარდება და გამარჯვებულებს გამოავლენს როგორც „პალიტრა L-ის“ ჟიური, ისე თავად მკითხველი. კონკურსზე დაშვებული ნაწარმოებები აიტვირთება გამომცემლობის ვებგვერდზე და მკითხველს მათი გაცნობისა და ხმის მიცემის შესაძლებლობა ექნება 13 ნოემბრიდან 4 დეკემბრის ჩათვლით.
ლიტერატურულ კონკურსს „გახდი ბესტსელერის ავტორი“ გამომცემლობა “პალიტრა L-ი“ 2017 წლიდან მართავს. მისი მეშვეობით მკითხველმა არაერთი ნიჭიერი თანამედროვე ავტორი აღმოაჩინა და შეიყვარა. გამარჯვებულებმა აღიარება მოიპოვეს სხვადასხვა ლიტერატურულ კონკურსშიც და სამწერლო საქმიანობას აქტიურად აგრძელებენ.
R
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
