მნიშვნელოვანი ინფორმაცია
22
აპრილიდღის ზოგადი ასტროლოგიური პროგნოზი
ოთხშაბათი, მთვარის ოცდამეხუთე დღე დაიწყება 04:59-ზე, მთვარე 09:03-ზე გადავა თევზების ზოდიაქოში
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. ამ დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. არ გირჩევთ ოპერაციის ჩატარებას ღვიძლზე, ფეხებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ჰამასის" მძევლები - ვინ არიან ადამიანები, რომლებიც ისრაელიდან გაიტაცეს და ღაზაში წაიყვანეს: რა ვიცით მათ შესახებ
10:57 / 19-10-2023
ტერორისტული ორგანიზაცია "ჰამასი" ისრაელს 7 ოქტომბერს დაესხა თავს. ისრაელის სამხედრო სპიკერის ცნობით, დაჯგუფების წევრებმა ისრაელიდან 200-მდე ტყვე წაიყვანეს.
ტყვეების უმეტესობა ებრაელია, თუმცა ასევე არიან ამერიკელი, ევროპელი და ტაილანდელებიც. "ჰამასი" აცხადებს, რომ ტყვეები მათ ღაზის "უსაფრთხო ადგილებსა და გვირაბებში" ჰყავთ და იმუქრებიან, რომ თუ ისრაელი ღაზაში სახლებს გაუფრთხილებლად დაბომბავს, ტყვეებს მოკლავენ.
BBC-ის გამოძიებამ დაადგინა, რომ ტყვეებს შორის მინიმუმ თექვსმეტი ბავშვი და 60 წელს გადაცილებული 13 ადამიანია. თითოეულ მათგანს, განურჩევლად ასაკისა და ეროვნებისა, საკუთარი ისტორია აქვს.
- 21 წლის მია სემი
"ჰამასმა" გატაცებული გოგონას ვიდეო გამოაქვეყნა. ვიდეოში ნათქვამია, რომ ის ფესტივალიდან გაიტაცეს.
- 21 წლის მაია რეგევი და მისი 18 წლის ძმა, იტაი
და-ძმა მუსიკალური ფესტივალიდან გაიტაცეს. თავდასხმის დღეს მაიამ მამას, ილანს დაურეკა. გოგონა განწირული ყვიროდა: "მამა, მესვრიან, მომკლავენ." ამის გაგონებაზე, ილანმა სთხოვა გაეგზავნა მისთვის ინფორმაცია ადგილსამყოფელის შესახებ, სასწრაფოდ მანქანაში ჩაჯდა და ფესტივალისკენ აიღო გეზი. როცა ადგილზე მივიდა, ტერიტორიაზე არ შეუშვეს. მოგვიანებით, ოჯახმა "ჰამასის" მიერ გავრცელებული ვიდეო ნახა, რომელშიც მათი ვაჟი, იტაი ხელბორკილებით იჯდა დაჯგუფების მანქანაში. ორი დღის შემდეგ კი ისრაელის არმიამ ოჯახს შეატყობინა, რომ მაიაც და იტაიც ტყვეებს შორის იყვნენ.
- 15 წლის დაფნა ელიაკიმი და მისი 8 წლის და - ელა
ისინი "ჰამასის" მიერ გავრცელებულ ვიდეოში ჩანან. გოგონები ნათესავებმა ამოიცნეს. სამწუხაროდ, გატაცებულების მამა, მისი პარტნიორი და მათი 17 წლის ვაჟი, მოკლულები არიან.
- 19 წლის რონი ეშელი "ჰამასის" თავდასხმამდე ისრაელის თავდაცვის ძალებში მსახურობდა
გოგონა ღაზის საზღვართან, სამხედრო ბაზაზე იყო გამწესებული, როცა ტერორისტები შეიჭრნენ. დედისთვის მიწერილი რონის ბოლო ტექსტური შეტყობინება ასეთია: "ძალიან მიყვარხარ". მას შემდეგ, მშობლებს მისგან აღარაფერი სმენიათ. რონის მამა, ეიალ ეშელი ამბობს, რომ სიახლეების ლოდინი ჯოჯოხეთურია:
"არ ვიცი რა გავაკეთო. არც ის ვიცი, რა ვიფიქრო. სადაა? რას ჭამს? სცივა? სცხელა? საერთოდ არაფერი ვიცი".
გოგონა, თავდასხმამდე, 2-წლიან სავალდებულო სამხედრო სამსახურში იყო. "მას ძალიან უხაროდა ქვეყნის სამსახურში ყოფნა",- ყვება რონის მამა. "დახმარების თხოვნა არ მრცხვენია. გთხოვთ, დაგვეხმარეთ",- ამბობს სასოწარკვეთილი ეიალი.
- 46 წლის ომრი მირანი
მაშინ გაიტაცეს, როცა მისმა ოჯახმა შეშინებულ ებრაელ ბავშვს კარი გაუღო. ბიჭი მათ ეუბნებოდა, რომ თუ კარს არ გაუღებდნენ, ტერორისტები მოკლავდნენ. ომრის ცოლმა, ლისეი ლავიმ მოგვიანებით დაინახა, როგორ მიჰყავდათ მისი ქმარი სხვა ტყვეებთან ერთად.
- ჯუდიტ რაანანი და მისი თინეიჯერი ქალიშვილი, ნატალი რაანანი
ისინი ისრაელში ნათესავის დაბადების დღის აღსანიშნავად ჩავიდნენ. დედა-შვილი ერთად მოგზაურობით ბედნიერი იყო და ოჯახის დანარჩენ წევრებს სოციალური ქსელის მეშვეობით ხშირად ეკონტაქტებოდა, თუმცა "ჰამასის" შეტევის შემდეგ, მათგან აღარაფერი სმენიათ.
ოჯახი ფიქრობს, რომ ტერორისტების ტყვეებს შორის არიან. ნატალის დეიდა, სიგალ ზამირი ამბობს: "ვლოცულობ, რომ ცოცხლები დაბრუნდნენ. ისინი უდანაშაულოები და მოსიყვარულე ადამიანები არიან, არაფერი დაუშავებიათ."
- 25 წლის ნოა არგამანი
ჩინეთში დაბადებული ებრაელია და ისიც მუსიკალური ფესტივალიდან გაიტაცეს. მისი ტყვედ აყვანის ინფორმაციას გოგონას მამა, იააკოვ არგამანი ავრცელებს. 25 წლის ნოა "ჰამასის" გავრცელებულ ვიდეოშიც ჩანს, რომელშიც ის ტერორისტებს ევედრება: "არ მომკლათ".
- 85 წლის იაფა ადარი
იაფა ადარის ძალიან უყვარდა კითხვა, წერა, კომუნიკაცია. როგორც მისი შვილიშვილი იხსენებს, ის Facebook-სა და Whatsapp-ზე ოჯახის წევრებს ხშირად უგზავნიდა გიფებს. იაფა ღაზას სექტორთან ახლოს ცხოვრობდა. მისი ოჯახის თქმით, ქალს ბოლო პერიოდში სიარული უჭირდა და წნევა აწუხებდა. "კითხვა ძალიან უყვარს. ამიტომ ერთხელაც ვუთხარით, რომ მისთვის Kindle-ს შევიძენდით, მაგრამ იცით რა გვიპასუხა? წიგნი მირჩევნია, ფურცლების სუნი მიყვარსო",- იხსენებს შვილიშვილი.
"ჰამასის" თავდასხმის შემდეგ, იაფას ვეღარავინ პოულობდა და არც მისგან გაუგიათ რამე. მას შემდეგ, რაც "ჰამასმა" ტყვეების ვიდეო გაავრცელა, ახლობლებმა მასში იაფაც შენიშნეს. ვიდეოში ჩანს, რომ მოხუცი ქალი გოლფის მანქანით მიჰყავთ ღაზაში.
- 36 წლის ქალი, ჯორდან რომან-გატი, თავის ქმარსა და მცირეწლოვან შვილთან ერთად გაიტაცეს
როცა ტერორისტებმა მანქანა დროებით გააჩერეს, ჯორდანი, მისი ქმარი და 3 წლის გოგონა გაიქცნენ, თუმცა სირბილისას მათ ერთმანეთი დაკარგეს. წყვილის ნათესავები ეჭვობენ, რომ "ჰამასმა" ისინი კვლავ დაიჭირა.
შირი, რომელიც ბაღის მასწავლებლად მუშაობდა, ორ მცირეწლოვან შვილთან ერთად გაიტაცეს. შირი ნათესავებმა "ჰამასის" გავრცელებულ ფოტოებში ნახეს, რომლებშიც მას 3 წლის არიელი და 9 თვის კფირი ჩახუტებული უჭირავს, მათ გარშემო კი შეიარაღებული ტერორისტები ჩანან. დაკარგულია შირის დედ-მამაც და მათი ნათესავების ვარაუდით, ისინიც ტყვეებს შორის უნდა იყვნენ.
- 84 წლის დიცა ჰეიმანი
მისი მეზობელი ამბობს, რომ დაინახა, როგორ გაიტაცეს ის ტერორისტებმა. წარსულში სოციალური მუშაკი იყო. მეორე მსოფლიო ომის დროს მონაწილეობა აქვს მიღებული ნაცისტებისგან ბავშვების გადარჩენაში.
წყარო: apnews
- ნახეთ ასევე:
- რა ჩანს ღაზის მიწისქვეშა წყვდიადში? - გვირაბების 3-4 სართულიანი ქსელები, ბუნკერები, იარაღის საცავები, ბაზები რაკეტების წარმოებისთვის... - "ცახალის" რთული ამოცანა
- "ტყვიაგაუმტარი" კაცი, ცხრა სიცოცხლით - ვინ არის "ჰამასის" იდუმალი და მოუხელთებელი ლიდერი, რომელზეც წლებია უშედეგოდ ნადირობენ - "დროის დიდ ნაწილს მიწისქვეშა გვირაბებში ატარებს"
მოამზადა: ანა სიბოშვილმა
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვატიკანი რომის პაპს, ფრანცისკეს ემშვიდობება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სიკვდილიცაა და სიკვდილი!! წამებით??? ესენი ხომ ბარბაროსები არიან???
ღმერთო,შენ დაიბარე ყველა იქ მყოფი და ცოცხალი დაუბრუნე თავის ოჯახს! რა სისასტიკეა:((( რა მხეცობაა:((((