მნიშვნელოვანი ინფორმაცია
4
აპრილიდღის ზოგადი ასტროლოგიური პროგნოზი
პარასკევი, მთვარის მეშვიდე დღე დაიწყება 09:24-ზე, მთვარე კირჩხიბში გადავა 02:51-ზე
ისეთი საქმეები წამოიწყეთ, რომლებსაც დღესვე დაასრულებთ და სხვა დროისთვის არ გადადებთ. მნიშვნელოვანი გადაწყვეტილებების მიღება სხვა დროისთვის გადადეთ. ფინანსური ოპერაციების დაგეგმვასა და უძრავი ქონების ყიდვა-გაყიდვას არ გირჩევთ. კარგი დღეა მსხვილი საყიდლებისთვის; შემოქმედებითი საქმიანობისთვის, სწავლისა და გამოცდების ჩასაბარებლად. უფროსთან და თანამდებობის პირებთან ნებისმიერ საქმეს მარტივად მოაგვარებთ. კარგი დღეა ფიზიკური ვარჯიშებისა და საოჯახო საქმეების შესასრულებლად. ზომიერება გმართებთ საკვებსა და სასმელში. კარგია ორგანიზმის გაწმენდა მარილებისა და წიდებისაგან. ნუ მიირთმევთ მძიმე საკვებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
თბილისის საჯარო ბაგა-ბაღების ფოიეში მონიტორები დამონტაჟდება, სადაც მშობლები სამზარეულოში საკვების მომზადების პროცესს ლაივ-რეჟიმში დააკვირდებიან
10:45 / 10-10-2023
თბილისის საჯარო ბაგა-ბაღების მართვის სააგენტოს ხელმძღვანელის გოგი ჩიქოვანის განცხადებით, ქალაქის მასშტაბით, ყველა საჯარო ბაღის ფოიეში, წლის ბოლომდე, სამზარეულოს ბლოკის მონიტორები დამონტაჟდება, სადაც მშობლებს საკვების მომზადების დაკვირვების შესაძლებლობა ლაივ-რეჟიმში ექნებათ. ამის შესახებ მან "ინტერპრესნიუსისთვის“ მიცემულ ინტერვიუში განაცხადა.
"ყველა საბავშვო ბაღში უზრუნველყოფილი გვაქვს უსაფრთხოების მაღალი სტანდარტი, რაც გულისხმობს იმ სისტემების გამართულ ფუნქციონირებას, რაც დაკავშირებულია ვიდეოსამეთვალყურეო სისტემებთან არამარტო ჯგუფებში. ახალ ბაღებში გვაქვს და არსებულ ბაღებშიც მიმდინარეობს პროცესი, რათა სამზარეულოს ბლოკებშიც გვქონდეს ვიდეოსამეთვალყურეო სისტემები. ამ სისტემების საშუალებით მშობელს შეუძლია დააკვირდეს საკვების მომზადების პროცესს. ეს მონიტორები ახლა 30-მდე ბაღის ფოიეში გვაქვს და ეს პროცესი გრძელდება, წლის ბოლომდე ყველა ბაღში იქნება სამზარეულოს ბლოკის მონიტორი. ვიდეოკამერები გაქვს ყველგან, ძირითად სივრცეებში: გარე პერიმეტრი, შიდა პერიმეტრი, ჯგუფებში, დარბაზებში, ყველგანაა. მასზე დაკვირვების შესაძლებლობა აქვს როგორც პერსონალს, ასევე მშობლებს მომართვის შემთხვევაში. ხაზს ვუსვამ, სამზარეულოს ბლოკებში გვაქვს კამერაც და მონიტორიც, რომლის საშუალებითაც ფოიეში მშობელს პროცესზე დაკვირვების შესაძლებლობა აქვს. ასევე, აუცილებლად მინდა აღვნიშნო, რომ ინკლუზიური მიმართულება ჩვენი ერთ-ერთი პრიორიტეტია. ყველა საბავშვო ბაღში გვყავს მულტიდისციპლინური გუნდი, რომელშიც შედის ფსიქოლოგი, ლოგოპედი, სპეცპედაგოგი, მეთოდისტი და გარდა ამისა, თბილისის საჯარო ბაგა-ბაღებში, ჩვენ ყველა სპეციალური საგანმანათლებლო საჭიროების მქონე ბავშვს, საჭიროების შესაბამისად, ვუნიშნავთ პერსონალურ ასისტენტს. დღევანდელი მოცემულობით, დაახლოებით 1700-ზე მეტი სპეციალური საგანმანათლებლო საჭიროების მქონე ბავშვი და 400-მდე პერსონალური ასისტენტი გვყავს. ჩვენ ამ ბავშვების უსაფრთხოების გარდა, მათ ფუნქციურ გაუმჯობესებაზეც ვზრუნავთ“, - განაცხადა გოგი ჩიქოვანმა.
გარდა ამისა, როგორც გოგი ჩიქოვანმა აღნიშნა, იგეგმება ბაღის თანამშრომელთა მხარდამჭერი მექანიზმების შემუშავება.
მისივე ინფორმაციით, შესაბამის გეგმას, სააგენტო უახლოეს პერიოდში წარმოადგენს.
ინტერვიუს სრული ვერსია იხილეთ ბმულზე.
მკითხველის კომენტარები /
11 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
გადასარევია, უყურონ, იქნებ როგორმე ისწავლონ საკვების მომზადება. ბავშვების უმრავლესობა კურიერის მოტანილ ხინკალზე, პიცაზე, შაურმასა და მაკდონალდსის ბურგერზე საუბრობს. ძალადობა გვეკრძალება, მაგრამ რატომღაც წვნიანი უნდა დავაძალოთ( ასეთი მოთხოვნაა მშობლებისგან) თუ ტირის-იტიროს სხვანაირად ვერ მიეჩვევა. თქვენ წარმოიდგინეთ, ასეთ კითხვასაც სვამენ, პამპერსის გადაჩვევა ვისი კომპეტენციაა, თვითონ ძილს ხომ ვერ გაიტეხს, სახლში პამპერს აცმევს!
რა უაზრო ფულის ფლანგვაა!!! საკვების ხარისხი გააუმჯობესეთ მაგ თანხით.