კევინ სპეისი უზბეკეთის საავადმყოფოში გადაიყვანეს - "მოულოდნელად თავი ცუდად იგრძნო... მარცხენა ხელი დაუბუჟდა, ეჭვობდნენ, რომ მსახიობს გულის შეტევა ჰქონდა"
ამერიკელი მსახიობი კევინ სპეისი სასწრაფოდ უზბეკეთის საავადმყოფოში გადაიყვანეს. ჰოლივუდის ვარსკვლავს დისცირკულატორული ენცეფალოპათიის და ოსტეოქონდროზის დიაგნოზი დაუსვეს, თუმცა ექიმები თავდაპირველად ფიქრობდნენ, რომ მას შესაძლოა გულის შეტევა ჰქონოდა.
სპეისი უზბეკეთში კინოფესტივალზე დასასწრებად ჩავიდა. როგორც ჩანს, სექსუალური სკანდალისა და სასამართლო დავის შემდეგ მსახიობმა გადაწყვიტა მცირე ფესტივალებით დაკმაყოფილდეს და არა ჰოლივუდში პრესტიჟული ცერემონიებითა და გახმაურებული პრემიერებით.
"მსახიობი ტაშკენტში გაფრინდა ადგილობრივ კინოფესტივალში მონაწილეობის მისაღებად, შემდეგ კი სამარყანდში გაჩერდა. 2 ოქტომბერს, ერთ-ერთ მუზეუმში სტუმრობისას, სპეისმა მოულოდნელად თავი ცუდად იგრძნო: მარცხენა ხელი დაუბუჟდა. თავდაპირველად ექიმებმა ეჭვობდნენ, რომ მსახიობს გულის შეტევა ჰქონდა, მაგრამ საბედნიეროდ დიაგნოზი ნაკლებად საშიში აღმოჩნდა. ექიმებმა მსახიობს სხვადასხვა კვლევები ჩაუტარეს. შედეგმა აჩვენა, რომ ჰოლივუდის მსახიობს კორტიზოლისა და ქოლესტერინის დონე მომატებული ჰქონდა.
სპეისი საავადმყოფოში არ დარჩა და სახლში დაბრუნდა.
შეგახსენებთ, რომ ცოტა ხნის წინ კევინ სპეისი სექსუალური დანაშაულის ყველა ბრალდება გამართლდა. ოთხი კაცი ამტკიცებდა, რომ მსახიობმა ისინი გააუპატიურა და დაარწმუნა, რომ მასთან სექსი ჰქონოდათ. ამ ფონზე სპეისის კარიერა დასასრულისკენ წავიდა, მას აღარ იწვევდნენ ფილმებში და 2017 წლიდან 2021 წლამდე მსახიობი უმუშევარი იყო.
თავად სპეისიმ, სასამართლო პროცესის შემდეგ, განაცხადა, რომ ყველა ეს სასამართლო პროცესი მისთვის ადვილი არ იყო, უფრო მეტიც, "დამამცირებელი" იყო.
"მჯერა, რომ ბევრ თქვენგანს შეუძლია გაიგოს, რომ მე ბევრი რამეზე უნდა დავფიქრდე მას შემდეგ, რაც მოხდა. მადლობელი ვარ ნაფიცი მსაჯულების, რომლებმაც დრო დაუთმეს და გულდასმით განიხილეს ყველა მტკიცებულება და ფაქტი განაჩენის გამოტანამდე."