მნიშვნელოვანი ინფორმაცია
4
აპრილიდღის ზოგადი ასტროლოგიური პროგნოზი
პარასკევი, მთვარის მეშვიდე დღე დაიწყება 09:24-ზე, მთვარე კირჩხიბში გადავა 02:51-ზე
ისეთი საქმეები წამოიწყეთ, რომლებსაც დღესვე დაასრულებთ და სხვა დროისთვის არ გადადებთ. მნიშვნელოვანი გადაწყვეტილებების მიღება სხვა დროისთვის გადადეთ. ფინანსური ოპერაციების დაგეგმვასა და უძრავი ქონების ყიდვა-გაყიდვას არ გირჩევთ. კარგი დღეა მსხვილი საყიდლებისთვის; შემოქმედებითი საქმიანობისთვის, სწავლისა და გამოცდების ჩასაბარებლად. უფროსთან და თანამდებობის პირებთან ნებისმიერ საქმეს მარტივად მოაგვარებთ. კარგი დღეა ფიზიკური ვარჯიშებისა და საოჯახო საქმეების შესასრულებლად. ზომიერება გმართებთ საკვებსა და სასმელში. კარგია ორგანიზმის გაწმენდა მარილებისა და წიდებისაგან. ნუ მიირთმევთ მძიმე საკვებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"აშშ-მ უნდა გაითვალისწინოს, რომ რყევის გამომწვევი განცხადებები ელჩმა არ უნდა აკეთოს" - ვოლსკი
16:34 / 25-08-2023
ნორმალურია, თუკი საწინააღმდეგო მოსაზრება გაგვაჩნია თუნდაც, ამერიკის ელჩისგან, რომელსაც მიაჩნია, რომ მაგალითად, ელექტრონული არჩევნები შეიძლება გაყალბდეს, ან მოუწოდებს საზოგადოებას, რომ რევოლუციურ პროცესში ჩაერთონ - აშშ-მ უნდა გაითვალისწინოს, რომ რყევის გამომწვევი განცხადებები ელჩმა არ უნდა აკეთოს, - ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა, რითაც კელი დეგნანის განცხადებას გამოეხმაურა.
მისივე თქმით, აზრთა სხვაობა არ უნდა მიიჩნეოდეს დასავლური კურსიდან გადახვევად.
ვოლსკი აცხადებს, რომ სახელმწიფომ თავის სტრატეგია ჩამოაყალიბა და ოპტიმალური ვარიანტი შეარჩია იმისათვის, რათა „ფიზიკურად გადარჩეს“.
მისი თქმით, ამერიკაში აზრთა სხვადასხვაობა "ანომალიურ მოვლენად" არ მიიჩნევა.
„არ უნდა გაგვიკვირდეს ასეთი პოლიტიკური დებატები, თუნდაც, საპირისპირო აზრების ჭიდილი. აშშ-ის ქვეყანაა, სადაც მე 10 წელი გავატარე ოფიციალურ პოსტზე მუშაობის პერიოდში და ასეთი დაპირისპირებები შიგნითაც არსებობს, ამერიკისა და სხვა ქვეყნის წარმომადგენლებს შორის საკმაოდ მწვავე გადაძახილებია, მინახავს ეს მათ შორის მაღალი ტრიბუნებიდან გაერო-ში იქნება ეს თუ ვაშინგტონში, ასეთი პოლემიკა ნორმალური დემოკრატიული პროცესის ნაწილია და ეს არ უნდა მივიჩნიოთ ამერიკისთვის წარმოუდგენელ ანომალიად, ეს არ ნიშნავს დასავლური მიმართულებიდან გადახვევას, რამდენადაც სახელმწიფომ თავის სტრატეგია ჩამოაყალიბა და ოპტიმალური ვარიანტი შეარჩია იმისათვის, რათა გადარჩეს ფიზიკურად და თავის ხალხი სამშვიდობოს გაიყვანოს. თუკი რაიმე საწინააღმდეგო მოსაზრება გაგვაჩნია თუნდაც, ამერიკის ელჩის მოსაზრებისგან, რომელსაც მიაჩნია, რომ მაგალითად, ელექტრონული არჩევნები შეიძლება გაყალბდეს, ან მოუწოდებს საზოგადოებას, რომ გამოვიდნენ და რევოლუციურ პროცესში ჩაერთონ, ამას თუ რამით უპასუხებ, ეს ნორმალურია ამერიკელებისთვის, ყოველ შემთხვევაში და ვიღაცისთვის შეიძლება ნორმალური არ იყოს. მთავარია, მართალი იყო და შენს ქვეყანას ემსახურებოდე, რომ ამ პერიოდში მისი სამშვიდობოს გაყვანა უზრუნველყო. არ ვიცი, რა იგულისხმა კელი დეგნანმა, ეს პირველი განცხადება არ არის, თუნდაც კელი დეგნანისგან, ეს არ უნდა მივიჩნიოთ ანომალიურად, როცა აზრთა სხვადასხვაობა არსებობს, ეს ამერიკელისთვის გასაკვირი არ არის. ასეთი დემოკრატიით ვითარდებოდა და მომავალშიც ამაზე იქნება აგებული აშშ-ის დემოკრატია.
თუკი მის მოსაზრებას, რომ ქვეყანაში უნდა განვითარდეს პროცესი, როცა საზოგადოება დაუპირისპირდება მთავრობას, ან ქვეყანაში ელექტრონული არჩევნები არის გაყალბების წინაპირობა, ამის საპირისპირო აზრი შეიძლება ვინმეს გააჩნდეს, მათ შორის ირაკლი ზარქუას, რა ფორმით გამოხატავს ამას ეს ერთი საკითხია, მაგრამ შეხედულებათა დაპირისპირებაზე დასკვნები უნდა გამოიტანოს საზოგადოებამ და ეს გამოჩნდება არჩევნებზე, ვინ როგორ ფიქრობს და ვინ რა ძირის გამოთხრას აპირებს თუ არ აპირებს",- განაცხადა ვოლსკიმ.
მისივე თქმით, აშშ-მ უნდა გაითვალისწინოს, რომ ელჩმა საქართველოს „რყევის გამომწვევი განცხადებები არ უნდა აკეთოს“.
„ორმხრივ ურთიერთობებს არ უხდება მთელი რიგი განცხადებები, რომელიც აშშ- ის საელჩოდან და ელჩისგან მოდიოდა. ორმხრივი ურთიერთობები მრავალ ათეულ წელს ითვლის და საკმაოდ დინამიკურად ვითარდებოდა. ბოლო სამხედრო სწავლებებმაც გვიჩვენა, რომ ამერიკა-საქართველოს მეგობრობა პრინციპულ საკითხებთან დაკავშირებით არის ურყევი. მე არ ვიჩემებ არავის გმირობას, მაგრამ საქართველომ არაერთი შვილის სიცოცხლე და ჯანმრთელობა დაკარგა იმისათვის, რომ ამერიკელებთან ერთად მხარდამხარ დაპირდაპირებოდა საერთაშორისო ტერორიზმს და ორგანიზებულ დანაშაულს, ეს მუდმივად უნდა გვახსოვდეს. ყველამ უნდა გაითვალისწინოს, მათ შორის აშშ-მაც, რომ საიმედო დასაყრდენია საქართველო მისთვის და ამ საიმედო დასაყრდენის რყევის გამომწვევი განცხადებები არ უნდა აკეთოს ელჩმა, რაც არაერთხელ გავიგონეთ ელჩი კელი დეგნანისგან. თუმცა, ეს არ არის წარმოუდგენელი ანომალიური მოვლენა ამერიკული დემოკრატიისთვის, თუნდაც, ასეთი სიტყვიერი პოლემიკა, ხანდახან მწვავეც არ წარმოადგენს იმის გამოხატულებას, თუ საით მიდის საქართველოს საგარეო კურსი ამ ხელისუფლების პირობებში”, - განაცხადა ვოლსკიმ.
ინფორმაციისთვის, კელი დეგნანს პრესკონფერენციაზე "ქართული ოცნების" წევრის, ირაკლი ზარქუას მიერ მისი მისამართით გაკეთებული განცხადებების თაობაზე ჰკითხეს, რაზეც ელჩის პასუხია, რომ პირადად არაფერს იღებს და მიიჩნევს, რომ არსებობენ ადამიანები, ვინც ზედმეტ ემოციას იჩენენ. მისივე თქმით, მიზნობრივი კამპანია მიმდინარეობს, რაც მიმართულია საქართველოს ევროკავშირისკენ მიმავალი გზისთვის ძირის გამოთხრაზე. „სამწუხაროდ, ვთვლი, რომ მიზნობრივი კამპანია მიმდინარეობს, რაც მიმართულია საქართველოს ევროკავშირისკენ მიმავალი გზისთვის ძირის გამოთხრაზე. ქართველები შეჩვეულები არიან ამ პრორუსულ, დეზინფორმაციულ კამპანიას, მომსწრენი ყოფილან ადრეც“, - აღნიშნა ელჩმა.
მკითხველის კომენტარები /
11 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ამერიკის და ევროპის ელჩებმა კი - არ უნდა გაითვალისწინონ ქვეყნის პოლიტიკური რყევები, ქართველმა ერმა უნდა გაითვალისწინონ და გაიაზრონ რომ, ქვეყანას მართავს, ოკუპანტიზ მოგზავნილი ქვეყნის გამყიდველი მის ბანდასთან ერთად. ყოველივე ეს ქართველ ერში დროული კონტროლირება არ მოხდა, ოკუპანტის გადმონაშთი მის ბანდასთან ერთად, პოლიტიკას და ქვეყანას არ ჩამოშორდა, ქვეყანას და მის ერს, მომავალი მძიმე და პრობლემური ექნება.
აშშ-მ კი არა, თქვენ უნდა გაითვალისწინოთ, რომ ამერიკის პოლიტიკა ამ ეტაპზე ჩვენთვის არა ხელსაყრელია და სახიფათოა, რუსეთთან დალაგება მოგვცემს ბევრად მეტ სარგებელს, პირველი რაც გვინა გამთლიანება, შემდეგ უკვე ეკონომიკა და ა.შ