მნიშვნელოვანი ინფორმაცია
2
აპრილიდღის ზოგადი ასტროლოგიური პროგნოზი
ხუთშაბათი, მთვარის მეექვსე დღე დაიწყება 08:28-ზე, მთვარე ტყუპშია
მოაგვარეთ წვრილ-წვრილი საქმეები. სერიოზულები სხვა დროისთვის გადადეთ. კარგი დღეა კოლექტიური მუშაობისთვის, ბიზნესისთვის. მოაგვარეთ ფინანსური საკითხები. თუ არ გეჩქარებათ, უძრავ ქონებასთან დაკავშირებული საკითხები სხვა დღისთვის გადადეთ. ნეიტრალური დღეა ვაჭრობისა და სასამართლო საქმეებისთვის. კარგი დღეა სწავლისა და გამოცდების ჩასაბარებლად; ურთიერთობის გარჩევისათვის. ნეიტრალურია სამსახურის, საქმიანობის, საცხოვრებლის შეცვლა. კარგი დღეა ქორწინების, ნიშნობისა და სექსუალურისთვის. დაღლილობას სუფთა ჰაერზე გასეირნება, მსუბუქი ვარჯიში მოგიხსნით. მსუბუქად იკვებეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"იმ ფერისცვალებას ცოტნეს ვენახი უკვე კარგა ხნის გაკაფული და ცეცხლში დამწვარი იყო. იქვე, სავარძელზე მჯდომი ცოტნე გულსაკლავად ასლუკუნდა..." რას წერს ანა ჯაბაური
09:41 / 20-08-2023
საქართველოს პირველი პრეზიდენტის, ზვიად გამსახურდიას ვაჟის, ცონტე გამსახურდიას მეუღლე ანა ჯაბაური სოციალურ ქსელში პოსტს აქვეყნებს. ჯაბაური ფერისცვალების დღესასწაულთან დაკავშირებით იხსენებს თუ როგორი გატაცებული იყო ცონტე გამსახურდია ვაზის კულტურითა და ვენახის გაშენებით, იმმ ინცინდენტამდე, რომლის შედეგადაც ის მძიმედ დაავადმყოფდა.
"ფერისცვალება ბერებისგან ყურძნის კურთხევის დღეაო, გამიგონია. ჩემი დამხმარე, რომლის ოჯახსაც მევენახეობის დიდი გამოცდილება და კულტურა აქვს, მიხსნის, რომ ფერისცვალების დღიდან ყურძენი იწყებს დამწიფებას, ხოლო მარცვალი - ფერის ცვლილებას, მწვანედან ქარვისფერში გადადის და ვენახი გასაოცრად მშვენდებაო...
2019 წლის შემოდგომაზე დიდი ფუსფუსი და ხალისი გვქონდა კოლხურ კოშკში. ცოტნემ ვაზის გაშენება გადაწყვიტა ეზოს ყველაზე ფართო ნაწილში. თავდაპირველად, ჩვენმა ახლობელმა, ბიძინა გიორგობიანი-მა, სასათბურე მეურნეობიდან 14 "კამაზი" განოყიერებული მიწა გამოგვიგზავნა, რომელიც კოშკის ეზოს მიწას ზემოდან დააყარეს, გადაასწორეს და ვაზის გასაშენებელ ნიადაგად მოამზადეს. საკმაოდ დიდი დრო ცოტნემ მთელი ამ ტერიტორიის სანტიმეტრ-სანტიმეტრ შემოვლასა და საკუთარი ხელით შუშის ნამტვრევებისა თუ ქვებისგან გასუფთავებას მოანდომა.
ამის შემდეგ, საუკეთესო მეურნეობებიც შემოიარა ერთწლიანი, გამოყვანილი ვაზის ნერგების შესაძენად. ნაწილი იტალიიდანაც კი ჩამოატანინა. ჩვენმა მეგობარმა, ტარიელ გაბაძემ, ტორფი მოგვიტანა, რომელიც ნიადაგში ჰაერისა და ტენიანობის დიდხანს შენარჩუნებისა და ვაზის გამძლეობის გაზრდის მიზნით, წინასწარ რუდუნებით გამზადებულ ნიადაგს შეურიეს და შეუდგნენ დიდი ორმოების თხრას. ეზოს ღორღიანი ნაწილის გასათხრელად პერფორატორიც კი მოიტანა ცოტნემ, რათა ორმოები დიდი გამოსულიყო, რაც ნიადაგში ტენიანობისა და ჟანგბადის შენარჩუნების გზით, ვაზის გამძლეობის ორმაგი დაცვა იქნებოდა ზემოთ ხსენებულ ტორფთან ერთად. ორმოში სათითაოდ არჩეული, გამოყვანილი და დაფესვიანებული რქაწითელის, აგრეთვე, მანავის მწვანესა და გორული მწვანეს საჯიშე, ერთწლიანი ნერგები ჩარგო, 180 ძირი. ზემოდან კი ფხვიერი მიწა ე.წ. კოკოლებად დააყარა.
საქმეს იმ ავადსასხსენებელ 19 დეკემბრამდე ცოტა ხნით ადრე მორჩნენ. დღეში რამდენჯერმე უვლიდა გარს ახლადშობილ ვაზს და შვილივით ეფერებოდა...თუმცა, ეს პროცესი წელიწადნახევრით ადრე დაიწყო, მაშინ, როდესაც მეღვინეობის დაჩქარებული ფაკულტეტი აგრარულ უნივერსიტეტში წარმატებით დაამთავრა და მეღვინეობა მეორე პროფესიად აირჩია (წარმოიდგინეთ, ქიმიის პროფესორთანაც კი დაიწყო კერძოდ მზადება ვაზის შესახებ ღრმა ცოდნის უკეთ საზიარებლად).
ხოლო ვენახის გაშენებაში (ინციდენტის შემდეგ კი მის მეთვალყურეობაშიც), ტარიელთან და სხვა მეგობრებთან ერთად, აქტიურად გვეხმარებოდა ცოტნეს პედაგოგი და მეგობარი, ცნობილი მეღვინე და პროფესორი დავით ჩაჩუა. დღეს ცოტნეს მეგობრებმა ფერისცვალება მოგვილოცეს და ცოტნეს ნათქვამი გაიხსენეს: ფერისცვალებას ნახეთ ჩემი ვენახი როგორი იქნებაო... სამწუხაროდ, იმ ფერისცვალებას ცოტნეს ვენახი უკვე კარგა ხნის გაკაფული და ცეცხლში დამწვარი იყო. ვნანობ, არ გავფრთხილდით საუბრისას, იქვე, სავარძელზე მჯდომი ცოტნე გულსაკლავად ასლუკუნდა... ცოტნეს მეგობარმა, ტარიელ გაბაძემ მოგვწერა: მე როდესაც მივედი მანდ ვაზების სანახავად კარები დამხვდა დაკეტილი და სახელოსნოში მივედი იმ ბიჭთან ვინც დაგვეხმარა ვაზების ჩარგვაში, სახელი არ მახსოვს, მან მითხრა, რომ მანანა და თავისი ხალხი იყო მოსული ბენზო ცელით მოთიბესო ყველაფერი და დაწვესო"... (გზავნილის ორიგინალი იხილეთ კომენტარებში).
გადამწვარი ვაზის შესახებ, ძალიან, ძალიან დიდხანს აღშფოთებულნი გვწერდნენ ცოტნეს დაზაფრული მეზობლებიც... ფერისცვალებას გილოცავთ მე და ცოტნე. ჯერ ისევ წეროვნიდან." - წერს ანა ჯაბაური "ფეისბუქში".
მკითხველის კომენტარები /
14 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მიანმარში მიწისძვრის შედეგად დაღუპულთა რაოდენობა 2 886-ს აღწევს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
და რატო ჩაარტყეს რა დააშავა ტყვილა არავინ არავის ურტყავს, მაგრად გაამწარა ალბათ
საბედისწერო არჩვაძის ქალი, რამ მოაყვანინა იმ ცხონებულს. ამ ქალის დამსახურებაა მეტწილად, ზვიადის რომ ხალხი არ დაუდგა გვერდით გადამწყვეტ მომენტში... ახლა მაინც წაიყვანონ ფსიქიატრიულში, ვენახი რამ გაანადგურე ინა იმ აშარ ქალს😥