4
აპრილიდღის ზოგადი ასტროლოგიური პროგნოზი
ნიკოლოზ მაღრაძემ, 14 წლის ნიჭიერმა და წარმატებულმა მომღერალმა, რომელმაც მაყურებელს თავი პროექტიდან "რანინა“ გააცნო, ახალი სიმღერა „თბილისია ბედნიერება“ ჩაწერა, რომლის სატელევიზიო პრემიერა უკვე შედგა.
სიმღერის ტექსტი და მუსიკა კომპოზიტორ მაიკო კაჭკაჭიშვილს ეკუთვნის, არანჟირება - ამირან დიასამიძეს, ხმის რეჟისორი - ალეკო ბერძენიშვილია. ყველასთვის საყვარელ თბილისს, დიდი სიყვარულით უმღერის ნიკოლოზი.
14 წლის მუსიკოსის ცხოვრებაში უკვე ბევრი წარმატებაა:
2017 წელს საბავშვო ევროვიზიის ცერემონია მეგობრებთან ერთად გახსნა და მსოფლიოს ხმა თბილისიდან მიაწვდინა;
2022 წელს საერთაშორისო კონკურსზე „ვანდერლენდი“ პირველი ადგილი მოიპოვა;
2022 წელსვე, კონკურსში „ოქროს მუზა“ გრანპრი დაიმსახურა. ახალ ნამუშევარზე „თბილისია ბედნიერება“ - აი, რას ჰყვება: „ამ სიმღერამ ჩემზე დიდი ეფექტი მოახდინა, გამიხარდა, რომ ისეთ სიმღერას ვასრულებ, რომელიც ქოვერი არ არის. ჩემი სიმღერა რომ მაქვს, თითქოს ეს კიდევ დამატებითი სტიმულია, დამაჯერებელი და თავისუფალი ვიყო სცენაზე”.
ნიკოლოზი მეცხრეკლასელია, წინ დიდი გეგმები აქვს, მაგრამ მთავარი საქმე მისთვის მაინც მუსიკაა. პატარა მომღერალი ამ ყველაფერთან ერთად, დადის საკვირაო სკოლა „რე:სქულ“- ში, სადაც სწავლობს: ვებ პროგრამირებას, კიბერ უსაფრთხოებას, გრაფიკულ დიზაინს და რობოტიკას. ასევე ძალიან უყვარს გიტარაზე დაკვრა. უყვარს შრომა, ინტერესიანი ადამიანია და სწორედ ეს არის მისი წარმატების საფუძველიც.
R
ძალიან კარგი და ნიჭიერი ბიჭი ხარ ნიკოლოზ ❤️
პლაგიატი კაჭკაჭა კარგს რას დაწერდა.....