ლიტერატურული ტურნე გრძელდება - ბესტსელერის ავტორები ნათია ჯაგოდნიშვილი და თათული ღვინიანიძე მკითხველს თელავში შეხვდებიან
თანამედროვე ქართველი მწერლები, ბესტსელერის ავტორები ნათია ჯაგოდნიშვილი და თათული ღვინიანიძე თელავში მკითხველთან შეხვედრას გამართავენ.
კონკურსის „გახდი ბესტსელერის ავტორი“ გამარჯვებულები, თანამედროვე ლიტერატურით დაინტერესებულ მკითხველს, თელავის ბიბლიოთეკაში 20 ივნისს შეხვდებიან. შეხვედრაზე დასწრება თავისუფალია ნებისმიერი მსურველისთვის. ავტორებთან დაგეგმილ შეხვედრებზე დასწრების მსურველების დიდი რაოდენობიდან გამომდინარე, ავტორები თელავის ბიბლიოთეკაში 13:00 საათიდან 19:00 საათამდე იქნება და მთელი ამ დროის განმავლობაში შეძლებთ მათთან შეხვედრას, გასაუბრებას, ავტოგრაფის მიღებასა თუ ფოტოების გადაღებას.
შეხვედრა გამომცემლობა „პალიტრა L-ის“ მიერ ორგანიზებული ლიტერატურული ტურნეს ფარგლებში იმართება. ტურნეს ფარგლებში მთელი ზაფხულის განმავლობაში დაგეგმილია არაერთი შეხვედრა თანამედროვე ქართველ ავტორებთან საქართველოს სხვადასხვა ქალაქში. შეხვედრების პარალელურად, მოეწყობა გამოფენა-გაყიდვას, იმოქმედებს სპეციალური აქციები და ფასდაკლებები.
R