მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
პარასკევი, მთვარის ოცდამეცხრე დღე დაიწყება 06:58-ზე, მთვარე თევზებშია
საკმაოდ რთული დღეა. არ დაიწყოთ ახალი საქმეები. მოერიდეთ ფინანსურ ოპერაციებს, ყოველგვარ ვაჭრობასა და სასამართლო საქმეს. სხვა დღისთვის გადადეთ უფროსთან შეხვედრა და საქმეებზე საუბარს. არ გირჩევთ მგზავრობას, საქმეების გარჩევას. მეტად დაისვენეთ. კარგია მსუბუქი ვარჯიში. დღეს ქორწინება დაუშვებელია. განქორწინების მიზეზი ერთ-ერთი მეუღლის ღალატი ან ტყუილი გახდება. სასურველია დაიცვათ მარხვა. ძილის წინ მიიღეთ შხაპი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
როდიდან დაიწყება ბრუნო მარსის კონცერტზე დასასწრები ბილეთების გაყიდვა - ყველა დეტალი გრანდიოზულ შოუზე, რომელიც პრემიერის გადაწყვეტილებით დაიგეგმა
14:31 / 08-06-2023
1-ელ ოქტომბერს, საქართველო დინამო არენაზე, მუსიკალური სამყაროს ერთ-ერთ უდიდეს ვარსკვლავს ბრუნო მარსს უმასპინძლებს. ინფორმაცია დღეს გავრცელდა. ამერიკელი მომღერალი ჩვენს ქვეყანას, პროექტ "Starring Georgia-ს“ ფარგლებში ეწვევა. (წაიკითხეთ დეტალები: "დინამო არენაზე" ბრუნო მარსი იმღერებს)
"ბლექსი არენას" პროექტების მენეჯერი ციცი იაშვილი Ambebi.ge-ს მიმდინარე პროექტის წარმატებაზე და იმ ბენეფიტებზე ესაუბრა, რასაც ქვეყანას მსგავსი ტიპის ვარსკვლავების ჩამოსვლა მოუტანს
- ციცი, პროექტის მიმდინარეობისას რამდენად დიდი იყო მხარდაჭერა მთავრობის მხრიდან?
- მოგეხსენებათ, "Starring Georgia" პრემიერის, ირაკლი ღარიბაშვილის ინიცირებული პროექტია და შესაბამისად, ძალიან დიდი მხარდაჭერა გვქონდა. სწორედ ამ კამპანიის ფარგლებში ტარდება ბრუნო მარსის კონცერტიც. განსაკუთრებულად სასიხარულო დღეა, რადგან დღეს, წლევანდელი სეზონის ყველაზე კაშკაშა ვარსკვლავი დავაანონსეთ და უპრეცედენტო კონცერტი იქნება ჩვენი ქვეყნისთვის. ეს კამპანია ორწლიანია და მომავალი სეზონის კონცერტები ჯერ კიდევ წინ გვაქვს.
ახლა რაც შეეხება დღევანდელ ანონსს, ბრუნო მარსის კონცერტი დინამო არენაზე ჩატარდება, რაც უფრო მეტ მელომანს მისცემს შესაძლებლობას მიიღოს სიამოვნება. გვახსოვს, რა მოხდა "იმეჯინ დრაგონის" შემთხვევაში, შვიდ საათში გაიყიდა ბილეთები. ასევე ნახეთ, ალბათ, დღევანდელ ანონსს რამხელა ამბავი მოჰყვა, უამრავი ადამიანი ელოდება საკუთარ ქვეყანაში მსგავსი არტისტების სტუმრობას. რაც შეეხება დამატებით სიკეთეებს, რასაც პროექტი „სთარინგ ჯორჯია“ ქვეყანას მოუტანს, ამაზე შეგვიძლია კონკრეტული ციფრებით, სეზონის დასასრულს ვისაუბროთ.
- ბრუნო მარსის ჩამოსვლა, სხვა ცნობილ არტისტებთან კომუნიკაციას უფრო გააადვილებს...
- რა თქმა უნდა, ის მეგავარსკვლავია, მუსიკალურ სამყაროში მიღწეული მუსიკალური ჯილდოებით. მსგავსი ტიპის ღონისძიების მასპინძლობა ჩვენს ქვეყანაში ნიშნავს იმას, რომ ხვალ სხვა დიდ არტისტებთან კომუნიკაცია უფრო გამარტივდება. პორტფოლიოში ქვეყანას არაერთი მნიშვნელოვანი ღონისძიება ექნება, უფრო საინტერესო გახდება ახალგაზრდა ტურისტებისთვის ქვეყანა.
- ციცი, განსაკუთრებული მოთხოვნები რა იყო ვარსკვლავის მხრიდან?
- ჯერჯერობით ვერაფერს გაგიმხელთ, დღეს ერთადერთი რაზეც შემიძლია საუბარი, ის არის, რომ წარმოუდგენელი რაღაც მოხდა, უდიდესი სიხარულია, რომ 1 ოქტომბერს საქართველო უმასპინძლებს ბრუნო მარსს. ამ მოვლენის ფასს, წლების შემდეგ კიდევ უფრო გავიგებთ, თუ რისი საწყისი ნაბიჯები იყო ეს პროექტი დღეს.
- ინტერვიუს დასაწყისში აღნიშნეთ, რომ პრემიერის ინიცირებული პროექტია. რამდენი ვარსკვლავის ჩამოყვანა იგეგმება?
- ეს არის ორწლიანი კამპანია. ბრუნო მარსის კონცერტი 2023 წლის საკონცერტო სეზონის ბოლო ღონისძიებაა. აქამდე დაანონსებული გვქონდა ექვსი ღონისძიება და მეშვიდე დაემატა ბრუნო მარსის კონცერტი, რომელიც მასშტაბით იმაზე მეტია, ვიდრე აქამდე დაანონსებული ღონისძიებები. ამაზე მეტყველებს ლოკაციაც, როგორც აღვნიშნეთ კონცერტი დინამო სტადიონზე ტარდება, რაც ნიშნავს, რომ 65 ათას ადამიანს უნდა ვუმასპინძლოთ. რაც შეეხება მომავალ სეზონს, არ შეგვიძლია ჯერ კონკრეტული სახელების თქმა, ბევრ არტისტთან და ბენდთან მიმდინარეობს მოლაპარაკება. ამიტომ ამ ეტაპზე არ გვაქვს ინფორმაცია რამდენ არტისტს ვუმასპინძლებთ.
- ბილეთების გაყიდვის დღეს, ალბათ განსაკუთრებულ აქტიურობას ელოდებით?
- რა თქმა უნდა, იგივე მოლოდინი გვაქვს, რაც მოხდა „იმეჯინ დრაგონის“ შემთხვევაში, როდესაც 7 საათში ყველა ბილეთი გაიყიდა. ეს ჩვენთვის კიდევ უფრო დიდი მოტივაცია აღმოჩნდა ბრუნო მარსთან მიმართებაში. ეს ნიშნავს იმას, რომ ჩვენს ქვეყანაში უყვართ მუსიკა, გართობა.
- როდის დაიწყება გაყიდვა და ტექნიკური მხარე რამდენად იქნება გამართული?
- ბრუნო მარსის კონცერტების ბილეთების გაყიდვა დაიწყება 20 ივნისს თიქეთჯის პლატფორმაზე. უნდა აღვნიშნო, რომ რასაც ამ საიტმა გაუძლო „იმეჯინ დრაგონის“ ბილეთების გაყიდვის დროს, ეს იყო წარმოუდგენელი ამბავი. ბოლო ფოტო რაც გვაქვს შენახული, 93 ათასი ადამიანი იყო ბილეთის ყიდვის მოლოდინის რეჟიმში, რაც დამეთანხმებით, ძალიან დიდი ციფრია. მოლოდინი გვაქვს, რომ 20 ივნისს იგივე განმეორდება, რაც შეეხება პრობლემურ ხარვეზებს, თიქეთჯი ბოლომდე მომზადებული იქნება.
ნახეთ ვიდეო:
00:00 / 00:00
მკითხველის კომენტარები /
6 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ვის არ ჰქონდა დრო, რომ კონცერტზე ძალიან მალე ბრუნო მარსი ტოკიოში შეასრულებს
მახოვს პირველი სიმღერა რომ ჩწერა და MTV სულ ატრიალებდა. გემოვნების რა გითხრათ და დაახლოებით კარგ რესტორანში შესულს, შაურმა რომ დაგიდონ თეფშზე უფრო მაგას გავს...