მნიშვნელოვანი ინფორმაცია
9
აპრილიდღის ზოგადი ასტროლოგიური პროგნოზი
ხუთშაბათი, მთვარის მეცამეტე დღე დაიწყება 18:38-ზე, მთვარე ქალწულშია
ნუ წამოიწყებთ ახალ საქმეებს. უმჯობესია, დრო დაშვებული შეცდომების გამოსასწორებლად გამოიყენოთ. მოაგვარეთ ფინანსური საკითხები. უძრავ ქონებასთან დაკავშირებული პრობლემები განხილვა სხვა დღისთვის გადაიტანეთ. კარგი დღეა სწავლისთვის, ცოდნის მისაღებად. კარგია საქმეების შესრულება თანამოაზრებთან ერთად, კოლექტივში. მოერიდეთ საოჯახო საქმეების საჯაროდ განხილვას, ურთიერთობის გარჩევას. მოერიდეთ მგზავრობას, მოგზაურობის დაწყებას; საქმის, საქმიანობის შეცვლას. ნუ იშიმშილებთ, მაგრამ ნურც კუჭს გადატვირთავთ. მოერიდეთ რთულად გადასამუშავებელი საკვების მიღებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ფლორიდაში 13 წლის გოგონას ზვიგენი დაესხა თავს
13:09 / 15-05-2023
აშშ-ში, ფლორიდის შტატში, 13 წლის გოგონას ზვიგენი დაესხა თავს. დაახლოებით მეტრნახევარი სიგრძის თევზმა ელა რიდს რამდენჯერმე უკბინა, მაგრამ მოზარდის თვითგადარჩენის ინსტინქტმა გაიმარჯვა. გოგონამ ზვიგენის მოგერიება მოახერხა.
როგორც WPTV იტყობინება, ელა ჩრდილოეთ ჰაჩინსონის კუნძულზე, ოკეანეში ცურავდა, როცა მას ზვიგენი მიეპარა.
"პირველად მუცელში უნდოდა კბენა, მაგრამ ხელით მოგერიებისას მან მხარსა და თითზე მიკბინა. შემდეგ უკანიდან მეცა და ფეხზე მიკბინა. ადრენალინის მოზღვავების გამო თავიდან ტკივილი არც მიგრძნია, შოკში ვიყავი", - ჰყვება 13 წლის ელა. ამის შემდეგ გოგონამ ნაპირისკენ სწრაფად გაცურვა მოახერხა. მეგობრებმა მანქანით ის შინ წაიყვანეს.
ელას დედას, დევინს თავიდან ეგონა, რომ ბავშვები ეხუმრებოდნენ, მაგრამ როცა სიტუაციის სინამდვილეში დარწმუნდა, შვილი საავადმყოფოში გადაიყვანა, სადაც მას ნაკერები დაადეს. დევინი გაოცებულია იმით, თუ როგორ მშვიდად გაუმკლავდა მომხდარს მისი გოგონა.
"ყველგან სისხლი იყო, ომში ნამყოფს ჰგავდა. ყველა შოკირებულები ვიყავით და არ გვჯეროდა, რომ ასეთი რამ მოხდა. ელა საავადმყოფოშიც კი მშვიდად და აუღელვებლად იჯდა, ვიდრე პროცედურებს უტარებდნენ", - ჰყვება დევინი.
ელას ოჯახი ჩრდ ჰაჩინსონის კუნძულზე 20 წელზე მეტია ცხოვრობს და ზვიგენები მათთვის უცხო არსებებს არ წარმოადგენენ:
"ზვიგენებისთვის თვალი ხშირად მოგვიკრავს, მაგრამ არასდროს გვიღელვია, რომ შეიძლებოდა ეკბინათ. ჩემი შვილები ხშირად ცურაობენ და სერფინგისთვისაც დადიან სანაპიროზე. კარგად იციან რა ადგილებს უნდა მოერიდონ. ჯერ კიდევ ვერ ვიაზრებ, რომ ეს მართლა მოხდა“, - ამბობს მედიასთან ელას დედა.
საბედნიეროდ, 13 წლის გოგონას სერიოზული დაზიანებები არ აქვს და მის ჯანმრთელობას საფრთხე არ ემუქრება.
წყარო: wptv
მოამზადა: ანა სიბოშვილმა
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
აქ მაწანწალა ქოფაკებს ცუგა-ცუგგას მაინც ეტყვი და დაიკუზები ქვის ასაღებად! შეაშინებ! იქ ზვიგენზე რა გასჭრის?!! თავფეხიანად ჩიჩიახარ!