2
აპრილიდღის ზოგადი ასტროლოგიური პროგნოზი
ნეაპოლში წუხელ მთელი ღამის განმავლობაში ზეიმობდნენ საყვარელი გუნდის ნანატრ ჩემპიონობას. "ნაპოლი" ისტორიაში მესამედ და ბოლო 33 წლის განმავლობაში პირველად სკუდეტოს მფლობელია.
იტალიური ქალაქი ცისფერ კვამლში გაეხვა, იყო ფეიერვერკები, საზეიმო სიმღერები, ცეკვა - ყველაფერი ის, რაც თან ახლავს ჩემპიონობას. სამწუხაროდ, საზეიმო აღნიშვნას უმტკივნეულოდ არ ჩაუვლია. როგორც იტალიური მედია წერს, ზეიმის დროს 200-ზე მეტი ადამიანი დაშავდა და მათ სხვადასხვა დაზიანებებით სამედიცინო დაწესებულებებს მიმართეს.
ბევრი მათგანი ამ დრომდე ჰოსპიტალიზებული რჩება. ზოგიერთს წაქცევის შედეგად მოტეხილობები აღენიშნებოდა, ზოგს კვამლის გამო პანიკური შეტევა დაემართა, უმეტესობამ ფეიერვერკის გამო მიიღო დაზიანება. დაშავებულებს შორის პოლიციელებიც არიან.
გარდა ამისა, ნეაპოლში ნაპოლის ჩემპიონობის აღნიშვნის ღამეს, 26 წლის მამაკაცი, ვინჩენცო კოსტანცო ცეცხლსასროლი იარაღიდან გასროლით მიღებული ჭრილობის შედეგად გარდაიცვალა. შემთხვევა პიაცა ვოლტურნოს რაიონში მოხდა. დაჭრილი საავადმყოფოში გადაიყვანეს, თუმცა მისი გადარჩენა ვერ მოხერხდა. ნეაპოლის პრეფექტის თქმით, ეს იყო განზრახ მკვლელობა და არ უკავშირდებოდა "ნაპოლის“ გამარჯვების ზეიმს.
ფეხბურთის ასე გაკერპება სრული იდიოტიზმია და მეტი არაფერი
უარესებიც ხდება ხოლმე როცა ხალხის ამხელა მასა იკრიბება. გაუმარჯოს კვარას და ნაპოლის. სტატიაც დაწერეთ ბარემ რას ნიშნავს ეს სკუდეტო, რო ეს ამოქარგული იტალიური დროშის ტანსაცმელზე დასამაგრებელი ფარი მოიგონა ცნობილმა ნაციონალისტმა დეკადენტმა მწერალმა გაბრიელე დ'ანუნციომ (ფილმი "უდანაშაულო" ბევრს ეხსომება), როცა იტალიამ პირველი მსოფლიო ომის მერე დაიბრუნა ქალაქი რიეკა. რაც მერე ისევ წაართვეს (((((((((