"ნაპოლიმ" უდინეში სკუდეტო გაიფორმა - "კვარა" სერია A-ს ჩემპიონია
იტალიური "ნაპოლი" სერია ა-ს 33-ე ტურში სტუმრად "უდინეზეს" დაუპირისპირდა. ეს მატჩი ნეაპოლელთათვის საჩემპიონო აღმოჩნდა. "ნაპოლის" ამისთვის ფრეც ჰყოფნიდა.
პირველი ტაიმი ლუჩანო სპალეტის გუნდისთვის წარუმატებელი გამოდგა. მატჩის მე-13 წუთზე სანდი ლოვრიჩმა მასპინძლები დააწინაურა. პირველ ტაიმში ეს ერთადერთი გოლი იყო.
მეორე ტაიმში, მატჩის 52-ე წუთზე კუთხურიდან ჩაწოდებული ბურთი კვარაცხელიას მიუვიდა, "კვარამ" დაარტყა, თუმცა ბურთი კარის ბადეში არ აღმოჩნდა, დამატებაზე კი ვიქტორ ოსიმენმა ზუსტად ითამაშა და ანგარიში გაათანაბრა.
ნაპოლიმ სკუდეტო ბოლო 33 წელიწადში პირველად მოიგო.