მსახიობი უკიდურესად რთული ხასიათით, რომელმაც მაყურებელს "კლონიდან" თავი შეაყვარა - ლეგენდარული პერსონაჟის, "ზორაიდეს" ცხოვრება კადრს მიღმა
ბრაზილიელი სცენარისტი, რეჟისორი, პროდიუსერი და მსახიობი ჟანდირა მარტინი, ცნობილია ლეგნდარული სერიალიდან, "კლონი", ზორაედეს როლით.
ჟანდირა ახლა 77 წლისაა. ის 1944 წელს ბრაზილიის ქალაქ სანტოსში დაიბადა. ახალგაზრდობაში დაინტერესებული იყო თეატრში თამაშით, რამაც სამუდამოდ განსაზღვრა მისი მომავალი. სან პაულოში საცხოვრებლად გადასვლის შემდეგ, თეატრალურ უნივერსიტეტში, დრამის ფაკულტეტზე ჩაირიცხა.
თავდაპირველად ცნობილი გახდა როგორც მწერალი, ნიჭიერი სცენარისტი და დრამატურგი. დროთა განმავლობაში რეჟისურას დაეუფლა. ის არ ოცნებობდა დიდებაზე.
ჟანდირას, როგორც კინო მსახიობის დებიუტი 1977 წელს შედგა, როდესაც ითამაშა ფილმში "Será Que Ela Agüenta?". ამის შემდეგ, ოც წელზე მეტი ხნის განმავლობაში, პერიოდულად ჩნდებოდა ეკრანზე. ძირითადად მეორეხარისხოვან როლებს თამაშობდა. ის სამსახიობო კარიერას დიდ მნიშვნელობას არ ანიჭებდა და როგორც მსახიობი, არც თუ ისე ცნობილი იყო, სანამ სერიალ "კლონში“ არ ითამაშა.
ჯანდირა ერთ-ერთია იმ ბრაზილიელ მსახიობებს შორის, რომლებიც არ არიან დამოკიდებულნი კინოკომპანია Globo-ზე. აღსანიშნავია, რომ სწორედ Globo-მ გადაიღო საკულტო სერიალი "კლონი“.
მარტინი ყოველთვის თავად ირჩევდა როლებსა და სპექტაკლებს. სცენარისტმა გლორია პერესმა, მარტინის როლების დიდმა გულშემატკივარმა, დიდი ძალისხმევის შედეგად დაარწმუნა ის, რომ "კლონში“ ეთამაშა.
ჟანდირა მარტინი სერიალის ყველა გულშემატკივარს განსაკუთრებულად უყვარს. ბრძენი ზორაიდე ყოველთვის მზადაა, მხარი დაუჭიროს მთავარ გმირს, ჰადეს სიტყვითა თუ საქმით. "კლონის“ გამოსვლის შემდეგ, ჟანდირა მარტინი პოპულარული გახდა ბრაზილიაში და სხვა ქვეყნებში, სადაც ტელენოველა აჩვენეს.
"კლონის" შემდეგ ჟანდირა შეეჩვია, რომ გულშემატკივრები ქუჩაში აჩერებენ და ეუბნებიან: "შენ ისეთი გულწრფელი ხარ, მომთმენი! როგორ მინდა, ზორაიდეს დავემსგავსო!“ "დამიჯერე მეც!" - პასუხობს მათ მსახიობი.
თეატრისა და კინოს სამყაროში მუშაობის 38 წლის განმავლობაში ჟანდირა მარტინს პოპულარობა "კლონმა" მოუტანა, მაგრამ მწერალთა წრეში ის მანამდეც, ყოველთვის იყო ერთ-ერთი ყველაზე პატივსაცემი ფიგურა: დაწერა ათობით წარმატებული პიესა, რომელთაგან ბევრი წლების განმავლობაში იდგმებოდა თეატრში.
ცხოვრებაში ქალი სრულიად განსხვავდება თავისი ცნობილი პერსონაჟისგან. ის ძალიან მკაცრი, მიზანდასახული, დამოუკიდებელია. როგორც მედია წერს, ჟანდირას აქვს უკიდურესად რთული ხასიათი და მწარე ენა.
"კლონის“ შემდეგ მარტინმა იმუშავა მინი-სერიალში "შვიდი ქალის სახლი“, ფილმში "ოლგა“, ახალ ტელენოველაში "ამერიკა“.
- პირადი ცხოვრება
ერთ-ერთ გადაღებაზე ქალმა მსახიობი, სცენარისტი, დრამატურგი და რეჟისორი მარკოს კარუზო გაიცნო, რომელთანაც 20 წელი გაატარა და ორი შვილი შეეძინა. კაცი მასზე 7 წლით უმცროსი იყო, მაგრამ ამას გავლენა არ მოუხდებია ბედნიერ ქორწინებაზე.
დღეს მსახიობი სან პაულოში, იჟიენოპოლისის ძვირადღირებულ უბანში ცხოვრობს. თუმცა, ბოლო წლებში, გადაღების გამო, რიოში ატარებს დროს. რიოში ცხოვრებას კი "გლობო" უფინანსებს.
ჟანდირას არ უყვარს საჯაროდ პირად ცხოვრებაზე საუბარი და იშვიათად იძლევა ინტერვიუებს.
- წაიკითხეთ ასევე:
- ჩამორთმეული დედობა, ფიზიკური დაპირისპირება ყოფილ ქმართან, ნარკოტიკები და ყველასგან უარყოფა - ბრაზილიური ტელენოველების ვარსკვლავის, ვერა ფიშერის დრამატული ცხოვრება
- როგორ გამოიყურება სერიალ "კლონის" მსახიობების საერთო შვილი - ჰადეს და ლუკასის რეალური სიყვარულის ამბავი და სკანდალური განქორწინება: "ამჯერად ფანები მათმა ახალმა ფოტომ გაახარა"