მნიშვნელოვანი ინფორმაცია
23
აპრილიდღის ზოგადი ასტროლოგიური პროგნოზი
ოთხშაბათი, მთვარის ოცდამეხუთე დღე დაიწყება 04:59-ზე, მთვარე 09:03-ზე გადავა თევზების ზოდიაქოში
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. ამ დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. არ გირჩევთ ოპერაციის ჩატარებას ღვიძლზე, ფეხებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ქალი, რომელმაც მსოფლიოს სუპერვარსკვლავი "აჩუქა" - "თუ დღეს რამეს წარმოვადგენ, ეს დედაჩემის დამსახურებაა... მის ცხოვრებაში ჩემზე მთავარი არავინ არსებობდა"
15:43 / 27-04-2023
ლებრონ ჯეიმსის დედა, გლორია მარი ჯეიმსი სულ რაღაც 16 წლის იყო, როდესაც პირველი და ერთადერთი შვილი შეეძინა.
ბიჭუნას მამა ლამის მითიური ფიგურაა, რადგან დაზუსტებით ცნობილი არაფერია...
ერთ-ერთი ვერსიის თანახმად, ლებრონის ბიოლოგიური მამა როლანდ ბივინსია, ადგილობრივი ვარსკვლავი, იმ საკალათბურთო გუნდის მთავარი ტალანტი, რომელმაც 1980/81 წლის სეზონზე შტატის ჩემპიონობა მოიპოვა. ბევრი ყვება, რომ გლორია და ბივინსი ერთსა და იმავე წრეებში ტრიალებდნენ, ასევე ლებრონი ფიზიკური პარამეტრებით ბივინსს საკმაოდ წააგავს. გავრცელებული ცნობებით, ლებრონის სავარაუდო მამა მაშინ გარდაიცვალა, როდესაც კალათბურთელი ჯერ კიდევ პატარა იყო. ის ცეცხლსასროლი იარაღით მოკლეს, როდესაც ჯეიმსი 8 წლის იყო.
2022 წელს ESPN-მა გამოაქვეყნა მასალა, რომელშიც ავტორი ვარაუდობდა, რომ ლებრონის მამა ენტონი მაკკელანდი იყო გლორიას მეგობარი, რომელმაც ორსული გოგონა მიატოვა.
თავდაპირველად გლორიას დედა - ფრედა ჯეიმსი ეხმარებოდა. ერთ-ერთ შობას, როდესაც გლორია 19 წლის იყო, ხოლო მისი ვაჟი - 3-ის, სახლში ტრაგედია დატრიალდა. ფრედა ერთ დილას გარდაიცვალა. გლორიას ყველა გეგმა, რომელიც სწავლისა და მუშაობის შეთავსებას გულისხმობდა, დედის გარდაცვალებასთან ერთად გაქრა. მან სკოლა ვერ დაამთავრა, შესაბამისად, კოლეჯშიც ვერ ჩააბარა. მარტოხელა დედა ორ სხვადასხვა სამსახურში მუშაობდა და ხშირად, მესამესაც ეძებდა, ოღონდაც დამატებითი შემოსავალი ჰქონოდა.
რამდენიმე წელი ოჰაიოს შტატში, დიდ ვიქტორიანულ სახლში ცხოვრობდნენ. ქონება მათ წინაპრებს ეკუთვნოდათ. დედის გარდაცვალების შემდეგ, დიდი სახლის შენახვა გართულდა, კომუნალურების გადახდა კიდევ უფრო რთული გამოწვევა იყო. სახლი ნელ-ნელა იშლებოდა. ქალაქის ადმინისტრაციამ მარტოხელა დედა გამოასახლა, წინაპრების შემორჩენილი საცხოვრებელი მიწასთან გაასწორეს და უფრო მომგებიანი ობიექტის აშენება გადაწყვიტეს.
შემდეგ 3 წელში ლებრონმა და დედამისმა 12 სხვადასხვა საცხოვრებელი გამოიცვალეს.
მეოთხე კლასში ლებრონმა სკოლაში ასი აკადემიური დღე გააცდინა. სკოლის სატრანსპორტო მარშრუტები სახლიდან შორს იყო, დედას კი ბენზინის ან საზოგადოებრივი ტრანსპორტის ფული არ ჰქონდა.
"ვხედავდი, რომ უამრავი გარემოება დედაზე დამოკიდებული არ იყო, მას არ შეეძლო მათზე გავლენის მოხდენა, თუმცა ვხვდებოდი და ვხედავდი, რომ მის ცხოვრებაში ჩემზე მთავარი არავინ არსებობდა. ვერც კი წარმოიდგენთ, რამდენად უსაფრთხოდ შეიძლება იგრძნოთ თავი, როდესაც იცით, რომ გვერდით ასეთი ადამიანი გყავთ, ვისთანაც ნებისმიერ რთულ მომენტს გადაიტანთ... თუ დღეს რამეს წარმოვადგენ, ეს დედაჩემის დამსახურებაა“, - ამბობს ჯეიმსი.
როდესაც ლებრონი 9 წლის იყო, გლორიამ მისი ცხოვრების ყველაზე მთავარი გადაწყვეტილება მიიღო. მას ესმოდა, რომ შვილს სრულფასოვან ოჯახს ვერ აძლევს. თავად ორ ძმასთან გაიზარდა, დედა და ბებია მასზე გამუდმებით ზრუნავდნენ. უამრავი მეგობარი და მეზობელი ჰყავდა. ესმოდა, რომ ზუსტად ასეთივე ოჯახური ფასეულობები უნდა ჰქონოდა მის შვილს. ამიტომ გადაწყვიტა, ბიჭი დროებით ნაცნობ ოჯახში გაეშვა საცხოვრებლად.
"ეს ჩემი ცხოვრების ყველაზე რთული გადაწყვეტილება იყო, მაგრამ, რთულთან ერთად, ერთ-ერთი საუკეთესოც. იმ დროს და იმ ასაკში ლებრონს სტაბილურობა სჭირდებოდა. პირველ რიგში მის კეთილდღეობაზე უნდა მეფიქრა“, - ასე აფასებს ამ გადაწყვეტილებას გლორია.
"ურთულესი პერიოდი იყო. დედა დამელაპარაკა და ამიხსნა, რომ მე უოკერებთან ვიცხოვრებდი, ვიდრე ის ცხოვრებას არ დაალაგებდა. საშინლად ეზიზღებოდა ეს იდეა, მაგრამ სხვა ვარიანტი არც გვქონდა, ასე მისთვისაც და ჩემთვისაც უკეთესი იყო. თავიდან ძალიან რთული იყო. ცხოვრებაში მამა არასდროს მინახავს, ის აზრი, რომ თუნდაც დროებით, მაგრამ მაინც რაღაც პერიოდით დედასაც ვკარგავდი - მაშინებდა. ის დამპირდა, რომ როგორც კი მოახერხებდა, მაშინვე მომინახულებდა. შემპირდა, რომ ისევ ერთად ვიქნებოდით, როგორც კი სტაბილურად იქნებოდა“, - წერს ჯეიმსი.
ლებრონი საცხოვრებლად ფრენკ და პემ უოკერებთან გადავიდა.
ფრენკი ადგილობრივ წრეში "დიდი ფრენკის“ სახელით იყო ცნობილი. ის პატარა საფეხბურთო გუნდს, "ჩრდილოეთის რეინჯერებს“ წვრთნიდა. პატარა, მორცხვ ბიჭში პოტენციალს ხედავდა.
უოკერები ბავშვზე საკუთარი შვილივით ზრუნავდნენ. ლებრონი ყოველ კვირას დედას სტუმრობდა. მას ეს გრაფიკი მოსწონდა, მოსწონდა ასევე დისციპლინა, დაცულობა, სტაბილურობა და უსაფრთხოება. იმ წელს სკოლაში არცერთი დღე არ გაუცდენია, ასევე დაიწყო კალათბურთის თამაში. რა თქმა უნდა, ფრენკ უკერის დამსახურებით.
თითქმის ერთი წლის შემდეგ, ლებრონი ისევ დედასთან გადავიდა. გლორიამ ოროთახიანი ბინა სახელმწიფო პროგრამის დახმარებით იქირავა.
მთელი წლის განმავლობაში დედა, აბსოლუტურად, ყველაფერს იკლებდა, რომ შვილისთვის იმდენი ფული მოეგროვებინა, რომ საშუალო სკოლა შეუფერხებლად დაემთავრებინა.
მოგვიანებით ჯეიმსი სენტ-ვინსენტის სკოლის საკალათბურთო გუნდში აღმოჩნდა. თამაშიც წაუვიდა და ყოველ წელს (პირველის გარდა) ოჰაიოს შტატის "მისტერ კალათბურთის“ წოდებას იღებდა.
"ლებრონი მარწმუნებს, რომ მალე არაფერზე აღარ ვიდარდებ, - ყვებოდა გლორია 2000 წელს - ის მეუბნება, რომ მექნება მანქანა, სახლი და ზოგადად ყველაფერი, რისი ყიდვაც ფულით არის შესაძლებელი. მე მას ვთხოვ, რომ არ იჩქაროს, ვეუბნები, არ მჭირდება ეს ყველაფერი. ერთადერთი, რაზეც ვოცნებობ, პირადი მზარეულია, ძალიან მიყვარს ჭამა...“
როდესაც ლებრონი 3 წლის იყო, მას სათამაშო კალათბურთის კომპლექტი აჩუქეს. დედა ხედავდა, როგორ ისვრის ამ ბურთს და წარმოდგენა არ ჰქონდა, რას უმზადებდა მომავალი.
"ვერ ვიტყვი, თითქოს თავიდანვე ვიცოდი, რომ ის სუპერვარსკვლავი გახდებოდა, მაგრამ ჩანდა, რომ შეპყრობილი იყო მაქსიმალური შედეგის მიღწევის სურვილით. კალათს სულ უფრო მაღლა და მაღლა ჰკიდებდა".
ლებრონს და გლორიას დღემდე უახლოესი ურთიერთობა აქვთ. კალათბურთელი ხშირად ითვალისწინებს დედის რჩევებს.
"არ შემიძლია მისი რომელიმე რჩევა გამოვყო. ყოველთვის ვცდილობდი, რომ მისი სიტყვები შემეწოვა. მან სწორისა და არასწორის გარჩევა მასწავლა. დედამ იმ ცხოვრებისთვის მომამზადა, რომელიც ახლა მაქვს“, - ამბობს ჯეიმსი webmd.com-თან ინტერვიუში.
- რჩევები მშობლებისთვის ლებრონ და გლორია ჯეიმსებისგან:
ოჯახი იმაზე მეტს ნიშნავს, ვიდრე მხოლოდ სისხლის კავშირი.
"როდესაც უოკერებს ლებრონის აღზრდა ვთხოვე, ისინი ჩემს შვილს ისე მოეპყრნენ, როგორც საკუთარს. ჯეიმსმა მათგან ისწავლა, რომ ოჯახი - ეს ის ხალხია, რომელსაც შეგიძლია ენდო, რომლებიც მძიმე დროს შენთან იქნებიან. ისინი არ ატარებენ ჯეიმსის გვარს, მაგრამ ყოველთვის ჩვენი ოჯახის წევრები იქნებიან“, - ამბობს გლორია.
დატოვე შენი პრობლემები კარს მიღმა.
"როდესაც ვიზრდებოდი, ყველა გარემოება დედის წინააღმდეგ იყო, თუმცა ამის შესახებ არასდროს მეუბნებოდა“, - იხსენებს ლებრონი.
"ყველაზე მთავარი - ზოგჯერ ყველაზე რთული გაკვეთილი - მოთმინების გამომუშავებაა. არ აქვს მნიშვნელობა, ავად ხართ თუ დაიღალეთ. თქვენმა ბავშვმა ეს არ იცის, არ იცის, როდის ხართ გაღიზიანებული. ასეც უნდა იყოს. თქვენი პრობლემები თქვენ უნდა გეხებოდეთ და არა თქვენს შვილს“, - აგრძელებს გლორია ლებრონის ნათქვამს.
მიმართეთ საუკეთესო მასწავლებლებს.
"როდესაც საქმე ჩემი შვილების აღზრდას ესება, მე ვხელმძღვანელობ იმ რჩევებით, რასაც დედისგან ვსწავლობდი. ჰმ, შესაძლოა, ერთ დღეს ამაზე წიგნიც დავწერო“, - ამბობს ლებრონი.
- ლებრონ ჯეიმსი - პროფესიონალური ამერიკელი კალათბურთელი, ნაციონალურ საკალათბურთო ასოციაციის (NBA) სუპერვარსკვლავი, ლოს-ანჟელესის "ლეიკერსის" მოთამაშე. ყველა დროის საუკეთესო კალათბურთელის ტიტულისთვის ხშირად ადარებენ მაიკლ ჯორდანს.
- მისი მიღწევები მოიცავს სამჯერ NBA - ის ჩემპიონობას, NBA-ს ყველაზე ღირებული მოთამაშის ოთხ ჯილდოს, NBA ფინალების MVP-ის სამ ჯილდოსა და ორ ოლიმპიურ ოქროს. ჯეიმსი 15-ჯერ გამოჩნდა NBA-ის ყველა ვარსკვლავის მატჩში; მათგან სამჯერ NBA-ის ყველა ვარსკვლავის მატჩის MVP-დ დასახელდა. არის ყველა დროის NBA playoffs-ის ქულათა ლიდერი და ა.შ.
ავტორი: ანრი კურტანიძე
მკითხველის კომენტარები /
13 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვატიკანი რომის პაპს, ფრანცისკეს ემშვიდობება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
16 წლის ასაკში რო დედა ხდები და არ იცი ვინ არის ბავშვის მამა (16 წლის ასაკში!!!)
ლებრონი დიდი კალათბურთელია, მაგრამ ლიბერასტია. სპეკულირებს კანის ფერით, რაც აშკარა რასიზმია.