ყოველ წელს იმართება კონკურსი, რომელიც მიზნად ისახავს გარკვეულ კატეგორიებში წლის საუკეთესო მანქანის დასახელებას. ეს პროცესი გულისხმობს სხვადასხვა კრიტერიუმების გათვალისწინებით, უამრავი ტესტირების შედეგად ავტომობილის ექსპერტების მიერ შეფასებას. შეფასებები ხდება ქულებით, ავტომობილები აგროვებენ რეიტინგს და რეიტინგში საუკეთესო ხდება გამარჯვებული ამა თუ იმ კატეგორიაში. მაგალითისთვის, არსებობს კატეგორია წლის საუკეთესო სედანი, საუკეთესო კაბრიოლეტი, ჰეჩბექი ან უბრალოდ 2023 წლის საუკეთესო მანქანა.
ამ ბლოგში მიმოვიხილოთ რამდენიმე კატეგორიაში გამარჯვებული ზოგიერთი ავტომობილი:
წლის საუკეთესო მანქანა
ყოველწლიურ კონკურსში, World Car of the Year (WCOTY) 2023 წელს, წინა წლის მსგავსად გაიმარჯვა HYUNDAI-ს წარმომადგენელმა. 2022 წელს ამ ნომინაციაში საუკეთესო მანქანის ტიტული HYUNDAI IONIQ 5-ს ერგო, წელს კი იგივე მოდელის განახლებულ ვერსიას HYUNDAI IONIQ 6-ს. გარდა საუკეთესო მანქანის წოდებისა ამ მოდელმა წელს დაიმსახურა 2 სხვა ნომინაციაში პირველობა, ესენია, „საუკეთესო დიზაინი“ და „საუკეთესო ელექტრომობილი“.
ზოგადად, მანქანის კონკურსისთვის შეფასება და რეიტინგის მოპოვება ხდება სხვადასხვა კრიტერიუმების მიხედვით, მაგალითად, რამდენად უსაფრთხოა ავტომობილი, რამდენად მორგებულია მომხმარებელზე, მძღოლზე და მგზავრებზე, ტექნოლოგიურად როგორაა არჭურვილი, როგორი ვიზუალი აქვს და სხვა. სწორედ ამ კრიტერიუმებში მაღალმა შეფასებებმა მოუტანა HYUNDAI IONIQ 6-ს სხვადასხვა ტიტული.
საინტერესოა ამ მოდელის კონკრეტული მახასიათებლები, რამაც განაპირობა მისი მაღალრეიტინგულობა და საბოლოოდ არაერთ კატეგორიაში გამარჯვება:
ეკომეგობრულობა - გარდა იმისა, რომ ელექტრო ავტომობილია და არ აბინძურებს გარემოს, მისი ეკომეგობრულობა მის ვიზუალსა და ინტერიერშიც გამოიხატება. ყველა ის მასალა, რითაც შექმნილია მანქანის სალონი, არის გადამუშავებადი მასალა.
მომხმარებელზე მორგებული ინტერიერი - სავარძლის ფორმები იდეალურად ერგება მძღოლისა და მგზავრების სხეულს, ამასთან ერთად, შესაძლებელია მათი გადაშლა და ეს ფუნქცია განსაკუთრებით კომფორტულია ხანგრძლივი მოგზაურობებისას. მძღოლსა და მგზავრებს შეუძლიათ გადაშალონ სავარძლები და მოისვენონ გარკვეული პერიოდით.
სალონში არსებული მანქანის სხვადასხვა ფუნქციონალი, იქნება ეს მონიტორები, ციფერბლატები თუ ღილაკები არის მძღოლზე მორგებული და ინტუიტიური მისი მდებარეობითა თუ ვიზუალით. ეს იმის საშუალებას იძლევა, რომ მძღოლმა ბევრი დრო არ დაკარგოს, მარტივად იპოვოს და გამოიყენოს სასურველი ინფორმაცია / ფუნქციონალი.
უსაფრთხოება და ტექნოლოგიური მრავალფეროვნება - ავტომობილი აღჭურვილია მრავალი ტექნლოგიური მოწყობილობით. მას აქვს ბლუთუზი, რომელთან დაკავშირებაც ორ დივაისს ერთდროულად შეუძლია. სიახლეა კამერებიც, რომლებიც გარე სარკეების ადგილს იკავებს და სარკის ნაცვლად, მანქანის სალონშივეა ეკრანები, რომლებიც გარე სარკის როლს ასრულებს კამერებთან ერთად. მანქანას ასევე აქვს ავტომატური რეჟიმი გზატკეცილზე მოძრაობისას, რაც მძღოლს ეხლარება სიჩქარის და დისტანციის კონტროლში ზოლის ცვლილებისას.
ბატარეა და მისი გამძლეობა - ამ მოდელის ბატარეას დატენვის გარეშე შეუძლია რომ მანქანა 581 კილომეტრის მანძილზე გადააადგილოს. ცნობისთვის, ტესლას ბატარეას 576 კილომეტრის დაფარვა შეუძლია.
მნიშვნელოვანია ის, რომ ბატარეის დატენვის პროცესი იყოს სწრაფი და ჰიუნდაის შემთხვევაში ასეცაა, HYUNDAI IONIQ 6-ის ულტრა სწრაფ დამტენს შეუძლია რომ 15 წუთში 350 კილომეტრის გადასაადგილებლად საკმარისი ენერგიით დატენოს მანქანის ბატარეა.
HYUNDAI IONIQ 6-ის კონკურენტი
2023 წლის საუკეთესო მანქანის ტიტულობაში ჰიუნდაის კონკურენციას უწევდა 2023 Kia Niro, რომელმაც საბოლოოდ დაიმსახურა ტიტული „წლის საუკეთესო დიდი მანქანის“ (ჯიპის) სახელით. ეს მანქანა გამორჩეულია საწვავის ეკონომიით, ყოველ 100 კილომეტრზე სულ რაღაც 4-5 ლიტრ საწვავს საჭიროებს და კომფორტულია დიდ გზაზე მოგზაურობებისთვის მისი ინტერიერის ტევადობიდან გამომდინარე.
Hyundai Ioniq 6-ს საბაზრო ღირებულება დღეს 42, 715 $-ია, Kia Niro-ს ფასი კი დაახლოებით 33, 000 $-მდეა.
სტატია შემოგთავაზათ მოგომ. იხილეთ სრული სტატია: 2023 წლის საუკეთესო ავტომობილი
ასევე ნახეთ სხვა საინტერესო სტატიები მოგოსგან: მართვის მოწმობა | დამატებითი შემოსავალი | ავტო ლომბარდი | ავტომობილის ტექდათვალიერება
ასევე იხილეთ მოგოს პროდუქტები: ავტო ლიზინგი | უკულიზინგი | სკუტერ ლიზინგი | სპეც ტექნიკა
NS