"ფორმულას" ინფორმაციით, ფეხბურთელი რატი ალექსიძე "ქოლცენტრების" საქმეზე ევროპაში დააკავეს
"ფორმულას" ინფორმაციით, ფეხბურთელი რატი ალექსიძე "ქოლცენტრების" საქმეზე ევროპაში დააკავეს. ამის შესახებ "შაბათის ფორმულას" ანონსშია ნათქვამი.
როგორც ცნობილია, BBC-მ ე.წ. "ქოლ-ცენტრების“ შესახებ მილიარდ დოლარიან თაღლითურ სქემასთან დაკავშირებით ჟურნალისტური გამოძიება ჩაატარა და სკანდალურ მასალებს მიაკვლია.
საგამოძიებო სტატია, სათაურით: "მილიარდ დოლარიანი თაღლითები, რომლებიც მოიპარავენ ცხოვრების განმავლობაში შექმნილ დანაზოგს", მოგვითხრობს იმაზე, თუ როგორ ითვისებენ თაღლითური გზებით საპენსიო ასაკის ადამიანების დანაზოგს. საერთაშორისო თაღლითური სქემის საქმეში საქართველოს თავდაცვის ყოფილი მინისტრი დავით კეზერაშვილი და კიდევ 5 პირი ფიგურირებს. ესენი არიან: დავით თოდუა, რატი ჭელიძე, გურამ გოგეშვილი, იოსებ მგელაძე და მაიკლ ბენიმინი, რომლებიც Milton Group-ის მხარდამჭერი ტექნიკური კომპანიების ხელმძღვანელებად არიან მოხსენიებულნი. აღნიშნული გვარები Panama Paper-ის დოკუმენტებშიც იძებნება.
- ე.წ. ქოლცენტრების საერთაშორისო მილიარდიან თაღლითურ სქემაზე BBC-მ ფილმიც გამოაქვეყნა, რომელშიც საქართველოს თავდაცვის ყოფილი მინისტრი დავით კეზერაშვილი არაერთი ქოლცენტრის დამფუძნებლად სახელდება.
BBC-ის ინფორმაციით, საქართველოში მოქმედი ქოლცენტრების უმრავლესობა ე.წ. პიქსელის შენობაში მდებარეობდა და ბევრი მათგანი საქართველოს ყოფილი თავდაცვის მინისტრის, დავით კეზერაშვილის მიერ იყო დაფუძნებული ან დარეგისტრირებული.
ფილმში მას “მისტერ ოფშორად” მოიხსენიებენ.
ნახეთ ასევე: