31
მარტიდღის ზოგადი ასტროლოგიური პროგნოზი
ჰოლივუდის ვარსკვლავები მეთიუ მაკკონაჰი და ვუდი ჰარელსონი, შესაძლოა, ღვიძლი ძმები აღმოჩნდნენ. ამის შესახებ მეთიუმ პოდკასტში, Let's Talk Off Camera ისაუბრა.
მაკკონაჰის თქმით, ორივე მსახიობმა იცის, რომ მეთიუს დედა ჰარელსონის მამასთან ახლო ურთიერთობაში იყო. მსახიობების ეჭვს ვიზუალური მსგავსებაც ამყარებს და სწორედ ამიტომ, სიმართლის დასადგენად საუკეთესო მეგობრებმა შესაძლოა, დნმ-ის ტესტი ჩაიტარონ, თუმცა გადაწყვეტილება ჯერ არ მიუღიათ.
"ჩემი შვილები მას ბიძია ვუდის ეძახიან, მისი შვილები კი ბიძია მეთიუს მეძახიან. ჩვენს ოჯახებს ჩემი და ვუდის საერთო ფოტოების ნახვისას, ხშირად ვეშლებით ერთმანეთში,"- ამბობს მეთიუ.
მეთიუმ პოდკასტში ისტორიაც მოყვა იმის შესახებ, თუ როგორ შეიტყვეს, რომ დედამისს ჰარელსონის მამასთან კავშირი ჰქონდა.
"რამდენიმე წლის წინ მე და ვუდი საბერძნეთში ვისვენებდით და იმაზე ვსაუბრობდით, როგორ ახლოს იყვნენ ერთმანეთთან ჩვენი ოჯახები. დედაჩემმა კი უცებ თქვა: "ვუდი, მე მამაშენს ვიცნობდი". ყველა მიხვდა რას ნიშნავდა "ცნობა", - იხსენებს მსახიობი.
მაკონაჰის თქმით, ამ კომენტარმა ორივე მსახიობს მისცა მოტივაცია, თავიანთი ოჯახის ისტორია გამოეკვლიათ.
ჰარელსონის მამა, ჩარლზი, დაქირავებული მკვლელი იყო. ის პირველად 1960 წელს, შეიარაღებული ძარცვისთვის გაასამართლეს. 1973 წელს კი მკვლელობისთვის დააპატიმრეს. ჩარლზი იმასაც ამბობდა, რომ ჯონ კენედი მან მოკლა. საბოლოოდ, ჰარელსონი 2007 წელს ციხეში გარდაიცვალა.
მეთიუ მაკკონაჰი ამბობს, რომ უჭირს გადაწყვეტილების მიღება, გაიკეთოს თუ არა დნმ-ის ანალიზი. "ეს ნიშნავს, რომ კაცი, რომელიც 53 წელია მამა მგონია, შესაძლოა, ჩემი ნამდვილი მამა არ აღმოჩნდეს", - დასძენს მსახიობი.
წყარო:variety
მოამზადა: ანა სიბოშვილმა
