"ვინც არ უნდა მლანძღოს და ფარისეველი მეძახოს, ტურიკასადმი და გიორგი კეკელიძესადმი ჩემ დამოკიდებულებას ვერავინ შეცვლის" - რას წერს ქეთი დუმბაძე
"ქართული ოცნების" დეპუტატი ქეთი დუმბაძე მწერალ დატო ტურაშვილისა და ეროვნული ბიბლიოთეკის ხელმძღვანელ გიორგი კეკელიძის ირგვლივ განვითარებულ მოვლენებს ეხმაურება.
"ვინც არ უნდა მლანძღოს და ფარისეველი მეძახოს, ტურიკასადმი და გიორგი კეკელიძესადმი ჩემ დამოკიდებულებას ვერავინ შეცვლის, ამ სიყვარულს ვერავინ და ვერაფერი მოერევა. რაც მთავარია, ეს ორივემ იცის და ეჭვიც არასდროს შეეპარებათ ვისაც მათზე მეტი გაუკეთებია და მათზე მეტი სიყვარული გაუცია, იმათ ჩამქოლონ." - წერს ქეთი დუმბაძე "ფეისბუქში".
ცნობისთვის, რამდენიმე დღის წინ გიორგი კეკელიძემ განაცხადა, რომ გურული დღიურების ფონდმა დააფუძნა საქართველოს ეროვნული გმირის, მარო მაყაშვილის სახელობის ახალი სტიპენდია, რომელსაც პირველი მიიღებს 16 წლის სალომე კენჭიაშვილი, 7-8 მარტის აქციების ერთ-ერთი სიმბოლო, როგორც მას ეძახიან "წყლის ჭავლზე მოცეკვავე გოგონა". ამ ინფორმაციას, სოციალურ ქსელში არაერთგვაროვანი გამოხმაურება მოჰყვა, გიორგი კეკელიძე გარკვეულმა ნაწილმა გააკრიტიკა.
რაც შეეხება დათო ტურაშვილს, მას შემდეგ რაც მან 7-8 მარტის მოვლენების გამო ხელისუფლება მწვავედ გააკრიტიკა, ზოგიერთ მედიასაშუალებაში გავრცელდა ტურაშვილის მადისკრედიტებელი ცნობები, თითქოს მწერალი ახალგაზრდობაში "მხედრიონის" წევრი იყო და არაერთი უკანონობა ჰქონდა ჩადენილი.
ასევე იხილეთ: