მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რას აცხადებს პრეზიდენტის ადმინისტრაცია მათთან კულტურის სამინისტროს გენინსპექციის შესვლაზე: "ნებისმიერი ფაქტი, რაც პრეზიდენტის ინსტიტუტზე თავდასხმას უკავშირდება, პოლიტიკურია"
16:10 / 13-02-2023
ხელოვნების სასახლესთან მემორანდუმი პრეზიდენტის ვადის ამოწურვამდე გვაქვს - რაც შეეხება ნამუშევრების დაზიანებას, ვერ დგინდება, ეს დაზიანებები სად იქნა მიყენებული, ჩვენთან თუ ჩვენს სასახლეში უკვე დაზიანებული მოვიდა, - ამის შესახებ განათლების, კულტურისა და მეცნიერების საკითხებში საქართველოს პრეზიდენტის მრჩეველმა კონსტანტინე ნაცვლიშვილმა განაცხადა, რითაც გამოეხმაურა დღეს, ხელოვნების სასახლის კუთვნილი 5 ნამუშევრის უკან დაბრუნების მიზნით პრეზიდენტის სასახლეში კულტურის სამინისტროს გენერალური ინსპექციის თანამშრომლების შესვლას.
რაც შეეხება გავრცელებულ ინფორმაციას, რომ ორბელიანების სასახლეში დროებით განთავსებული ნამუშევრების ნაწილი დაზიანებულია და ამასთან, პრეზიდენტის ადმინისტრაციამ ექსპონატების განთავსების ვადებიც დაარღვია, კონსტანტინე ნაცვლიშვილი ბრალდებას უწოდებს და ამბობს, რომ ეს პრეზიდენტის ადმინისტრაციისთვის ახალი არაა.
"სვიმონ დადიანის ნამუშევრები პრეზიდენტის შუამდგომლობით, პრეზიდენტის ერთ - ერთმა უახლოესმა ოჯახმა საქართველოს საჩუქრად გადმოსცა. ეს არის დაახლოებით 30 ნამუშევარი, რომელიც ხელოვნების სასახლეში ინახება. ამ ნამუშევრების ნაწილი ექსპონირებული იყო ორბელიანების სასახლეში. ჩვენი მიზანი გახლავთ, რომ ერთობის საფუძველი შეიქმნას ქართულ ემიგრაციულ კულტურასა და დღევანდელ საქართველოს შორის. ამიტომ ყოველ მსგავს ფაქტს, რაც ძველ ემიგრაციას უკავშირდება, ასევე თანამედროვე უცხოეთში მყოფ ქართველ ხელოვანებს, გულისხმიერებით ვეკიდებით და ვცდილობთ, საქართველოში ამ ნამუშევრების გამოფენა ან დროებითი ექსპონირება მოხდეს.
რაც შეეხება ამ ნამუშევრების დაზიანებას - ამ ნამუშევრებმა საქართველომდე ძალიან დიდი გზა გამოიარა. თავის დროზე დასაწყობებული იყო ამერიკაში, შემდეგ პარიზში, საიდანაც ჩამოვიდა საქართველოში. საქართველოში ორ სხვადასხვა სივრცეში იყო ექსპონირებული. ათეულობით ნამუშევრიდან მხოლოდ 5 შეირჩა ხელოვნების სასახლის მიერ ჩვენთან გამოსაფენად. ვერ დგინდება, დაზიანებები (რაც არ ვფიქრობთ, რომ განსაკუთრებულ მნიშვნელობას წარმოადგენს) სად იქნა მიყენებული - ჩვენთან თუ ჩვენს სასახლეში უკვე დაზიანებული მოვიდა. საერთოდ, მსგავსი ბრალდებებს, რასაც თვალს ვადევნებდით და სამინისტროს მხრიდან დღეს გაჟღერდა, მიჩვეულები ვართ. ამიტომ ჩვენთვის ეს ახალი არაა. ერთგული ვრჩებით იმ პოლიტიკის, რომ აუცილებლად უნდა შეივსოს საქართველოს მუზეუმები ხელოვნების ახალი ნიმუშებით, მით უფრო საქართველოს ემიგრაციიდან“,- განაცხადა კონსტანტინე ნაცვლიშვილმა.
მისივე განმარტებით, ნებისმიერი ფაქტი, რომელიც პრეზიდენტს უკავშირდება და პრეზიდენტის ინსტიტუტზე თავდასხმას ან ამის მცდელობას წარმოადგენს, პოლიტიკურია.
"ხელოვნების სასახლესთან მემორანდუმი გვაქვს და ვფიქრობ, ვადები დაცული იყო და დარღვევა არ ყოფილა. ხანგრძლივი მემორანდუმი გვაქვს. ჩვენი მემორანდუმი იყო პრეზიდენტის ვადის ამოწურვამდე. ეს სასახლე გახლავთ ერთ-ერთი ყველაზე დაცული სახელმწიფო შენობა საქართველოში, ამიტომ, ვერ ვხედავ რაიმე საფრთხეს იმაში, თუ რა ვადით იქნებოდა ეს ნამუშევრები ორბელიანების სასახლეში. ნებისმიერი ფაქტი, რომელიც პრეზიდენტს უკავშირდება და წარმოადგენს პრეზიდენტის ინსტიტუტზე თავდასხმას ან ამის მცდელობას, პოლიტიკურია“, - განაცხადა კონსტანტინე ნაცვლიშვილმა.
შეგახსენებთ, რომ კულტურის სამინისტროს გენერალური ინსპექცია, ხელოვნების სასახლის თანამშრომლებთან ერთად, პრეზიდენტის ადმინისტრაციაში დროებით განთავსებული 5 ნამუშევრის უკან დაბრუნების მიზნით დღეს პრეზიდენტის სასახლეში იყო შესული. ინფორმაციას "რუსთავი 2“ ავრცელებს.
ცნობისთვის, გუშინ პრეზიდენტმა ხელისუფლების მისამართით უმწვავესი განცხადება გააკეთა "ფეისბუქში" გამოქვეყნებული პოსტის მეშვეობით, რომელიც მხატვარ სანდრო სულაბერიძის მხარდასაჭერ აქციას ეხებოდა.
"20 პოლიციის მანქანა ცისფერი გალერიის უკანა ეზოში... მხატვარი ესოდენ საფრთხეს უქმნიდეს სახელმწიფოს???? ცოტა არ იყოს სხვა ეპოქას გვახსენებს და თანამედროვე საქართველოს კი ნამდვილად არცხვენს!"- დაწერა სალომე ზურაბიშვილმა.
შეგახსენებთ, ეროვნულ გალერეაში 4 თებერვალს გახსნილი გამოფენის "ავტოპორტრეტი სარკესთან“ მონაწილე სანდრო სულაბერიძემ საკუთარი ნამუშევარი ჩამოხსნა და მის ადგილას საღებავით კედელზე დაწერა ფრაზა: "ხელოვნება ცოცხალი და დამოუკიდებელია!“.
აღნიშნულ საქმეზე შინაგან საქმეთა სამინისტროში გამოძიება სისხლის სამართლის კოდექსის 177-ე მუხლის, მეორე ნაწილის, ა ქვეპუნქტით დაიწყო, რაც გულისხმობს ქურდობას, რომელმაც მნიშვნელოვანი ზიანი გამოიწვია.
ასევე იხილეთ:
- პრეზიდენტის ადმინისტრაციაში კულტურის სამინისტროს გენერალური ინსპექციის წარმომადგენლები მივიდნენ
- "ვგმობთ აშკარად გაცხადებულ ანტაგონიზმსა და რეპრესიებს..." - მხატვრის მიერ გამოფენაზე დატოვებული წარწერა, სისხლის სამართლის საქმე და საზოგადოების პროტესტი
მკითხველის კომენტარები /
19 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ნუ ბლუკუნებთ, ნახატების თქვენთან შემოტანისას შედგენილ დოკუმენტში დაზიანება აღნიშნული არაა ე.ი. არ იყო!
რა სასაცილოები ხართ, ბიძინა გაებუტა სალომეს და წულუკიანი მიუგზავნა დასაჯელად....