15 წლის მოციგურავე კონსტანტინე სუპატაშვილმა ახალგაზრდულ ოლიმპიურ ფესტივალზე ვერცხლის მედალი მოიპოვა

ევროპის ზამთრის XVI ახალგაზრდული ოლიმპიური ფესტივალზე საქართველოს ოლიმპიური ნაკრების წევრმა, კონსტანტინე სუპატაშვილმა ფიგურულ ციგურაობაში ვერცხლის მედალი მოიპოვა.

კონსტანტინე სუპატაშვილმა თავისუფალ პროგრამაში მსაჯებისგან საუკეთესო შეფასება – 123.88 ქულა მიიღო და 16 ფინალისტს შორის პირველ ადგილზე გავიდა. ქართველმა მოციგურავემ ერთი დღით ადრე მოკლე პროგრამაში 65.12 ქულა დაიმსახურა და ფინალში გამოსვლის უფლება მეხუთე ადგილით მოიპოვა.

სუპატაშვილის 1,98 ქულით ისრაელის წარმომადგენელმა ნიკიტა შეიკომ გაასწრო. მესამე ადგილი კი, შვეიცარიელმა ნაოკი როსიმ დაიკავა..

ზამთრის ოლიმპიური თამაშების ისტორიაში საქართველოსთვის ეს ვერცხლის მეორე მედალია. 1997 წელს ჩატარებულ ოლიმპიურ ფესტივალზე ვერცხლის მედალი ვახტანგ მურვანიძეს ერგო, 2017 წელს კი ბრინჯაოს მედალი ნიკა ეგაძემ მოიპოვა.

იხილეთ ასევე:

• "თავს ფავორიტად ვგრძნობ... და ეს ხელს არ მიშლის" - საქართველოს სახელით მოასპარეზე ანასტასია გუბანოვა ევროპის ჩემპიონობასთან ძალიან ახლოსაა