მნიშვნელოვანი ინფორმაცია
10
აპრილიდღის ზოგადი ასტროლოგიური პროგნოზი
ხუთშაბათი, მთვარის მეცამეტე დღე დაიწყება 18:38-ზე, მთვარე ქალწულშია
ნუ წამოიწყებთ ახალ საქმეებს. უმჯობესია, დრო დაშვებული შეცდომების გამოსასწორებლად გამოიყენოთ. მოაგვარეთ ფინანსური საკითხები. უძრავ ქონებასთან დაკავშირებული პრობლემები განხილვა სხვა დღისთვის გადაიტანეთ. კარგი დღეა სწავლისთვის, ცოდნის მისაღებად. კარგია საქმეების შესრულება თანამოაზრებთან ერთად, კოლექტივში. მოერიდეთ საოჯახო საქმეების საჯაროდ განხილვას, ურთიერთობის გარჩევას. მოერიდეთ მგზავრობას, მოგზაურობის დაწყებას; საქმის, საქმიანობის შეცვლას. ნუ იშიმშილებთ, მაგრამ ნურც კუჭს გადატვირთავთ. მოერიდეთ რთულად გადასამუშავებელი საკვების მიღებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"1 წლის ვიყავი, როცა ჩემი მშობლები დაშორდნენ... 15 წლიდან დავიწყე მუშაობა, "ფლაერებს" ვარიგებდი, მიმტანადაც მიმუშავია" - ცნობილი მომღერლების უცნობი ცხოვრება
20:13 / 10-01-2023
ბაბი კირკიტაძე და თათა გიორგობიანი დღეს საქართველოში ერთ-ერთი ყველაზე ცნობილი გოგონები არიან. თათა ბავშვობიდან მღერის, მაგრამ მიაჩნდა, რომ ეს მისი ჰობი იყო. სამომავლოდ პროფესია ბიზნესის მიმართულებით აირჩია, რასაც დრო და ენერგიაც დაუთმო, თუმცა ჰობმა თავი ისევ შეახსენა და ახლა უკვე ის მისი ერთ-ერთი და ამ ეტაპზე, მთავარი პროფესიაც არის... რაც შეეხება ბაბის, ისიც ბავშვობიდან მღერის და დღეს უკვე ცნობილი ბენდის წევრია.
ბაბი კირკიტაძე ერთი თვის წინ სკანდალში გაეხვა. ეს მას შემდეგ მოხდა, რაც გაირკვა, რომ კასპის მერიამ ბაბი კირკიტაძეს 12 000 ლარი ჩაურიცხა. მერიის ფინანსური სამსახურის დოკუმენტებში აღნიშნულია, რომ მომღერალმა აღნიშნული თანხა ტელეკომპანია "იმედის" "ღამის შოუს ბენდის" მომსახურების გამო მიიღო... 23 ოქტომბერს ბენდმა კასპში "კასპობასთან" დაკავშირებით იმღერა, რისთვისაც მერიისგან 12 ათასი ლარი მიიღო.
როგორია თათას და ბაბის ცხოვრება სცენის მიღმა და რა სირთულეები შეხვდათ ცხოვრებაში, ამის შესახებ მომღერლები თავად ჰყვებიან:
ბაბი კირკიტაძე:
- საკმაოდ ბევრი სირთულით იყო ჩემი ცხოვრება დატვირთული. "ფლაერებიც" დამირიგებია ქუჩაში. ამაში არაფერი სათაკილო არ არის. პირიქით, მე სულ მქონდა მოტივაცია, რომ საკუთარი ძალებით შემექმნა რაღაცები. 16-17 წლის ვიყავი, როცა სახლი უკვე აღარ გვქონდა. ქირით ვცხოვრობდით. შესაბამისად, ჩემი დახმარება სჭირდებოდა ოჯახს. რა საქმეც მხვდებოდა, არაფერზე უარს არ ვამბობდი. დედაჩემს ჰქონდა პატარა მაღაზია და თავიდან ამ მაღაზიისთვის დავიწყე "ფლაერების" დარიგება, მიმტანობაც მიცდია, რესტორნის მენეჯერიც ვყოფილვარ. ზოგადად მზრუნველობაში ვიყავი გაზრდილი და უცებ ასეთ რეალობაში რომ აღმოვჩნდი, ჩემი მშობლები ამას განიცდიდნენ. 18 წლის ვიყავი რესტორანში სიმღერა რომ დავიწყე.
შემდეგ უამრავი სამსახური გამოვიცვალე. ერთ დღესაც ვნახე განცხადება, რომ შოუსთვის ეძებდნენ გოგონას, რომელსაც სიმღერა უნდა სცოდნოდა. მე დედასთან ერთად წავედი კასტინგზე. ამის შემდეგ დაიწყო კიდევ უფრო საინტერესო ცხოვრება. უკვე აღვნიშნე, რომ სახლი არ გვქონდა და ადრეული ასაკიდან მომიწია ფიქრი იმაზე, რომ ყოველი თვიდან ქირა იყო გადასახდელი. ასე გრძელდებოდა 9 წელი და როგორც იქნა სახლი ვიყიდე. მადლიერი ვარ ყველა ადამიანის ვინც ცხოვრების სხვადასხვა ეტაპზე შეხვედრია. მადლობა მეგობრებს - რომ არა ისინი ვერ შევძლებდი ამ ბინის ყიდვას.
თათა გიორგობიანი:
ჩემი და ბაბის ისტორიები საკმაოდ მსგავსია. ისიც დამოუკიდებელია და მეც ასეთი ვარ. ჩემს შემთხვევაში ოდნავ მეტი სირთულე ის იყო, რომ 1 წლის ვიყავი, როცა დედა და მამა დაშორდნენ. მამას კი ჰქონდა კონტაქტი ჩემთან, მაგრამ ძლიერი ზურგის აღქმა მაკლდა. ვცდილობდი, ორმაგად ძლიერი ვყოფილიყავი, რადგან არავის ეთქვა, რომ ეს ბავშვი უმამოდ იზრდება და თავზე ხელი აიღოო ან რამე მსგავსი. ვაკეთებდი ყველაფერს, რომ ვყოფილიყავი საუკეთესო. 15 წლიდან ბავშვებს ვამზადებდი ინგლისურში, "ფლაერებს" ვარიგებდი, მიმტანადაც მიმუშავია, საბავშვო ბაღშიც ვიმუშავე აღმზრდელად.
ბევრგან ვცადე საკუთარი თავი. ამასობაში უნივერსიტეტიც დავამთავრე, შევიძინე კარგი მეგობრები. პირველი ნაბიჯები მუსიკალურ სამყაროში იყო ონისე ფუტკარაძესთან "ბექებში" რომ ვიდექი. მომეწონა და გავაკეთეთ ბენდი "იელოუ". ჩვენი ნამღერი მოისმინა გელამ (გნოლიძემ) და შემდეგ მოგვიყვანა "ღამის შოუში". მადლიერი ვარ ჩემი მსმენელის. მადლობა მათაც ვისაც არ სჯეროდათ ჩემი და მეუბნებოდნენ, რომ ჩემგან არაფერი გამოვიდოდა. ამან უფრო გამაძლიერა.
მომღერლებმა საკუთარი ცხოვრების შესახებ გადაცემაში "სიკეთე მარტივია" ისაუბრეს.
ნახეთ ასევე:
- "თავიდან ეკრანზე გამოჩენას ვერ ვბედავდი... თითქოს საკუთარ თავში ეჭვი მეპარებოდა" - როგორია თათა გიორგობიანის ცხოვრება სცენის მიღმა: მომღერალი კარიერასა და პირადზე
- "სახლი უზარმაზარი კრედიტით ვიყიდე, წლები ქირით ვცხოვრობდი... გულშემატკივარმა იცის, რომ ჩემს შესახებ სიცრუე გამოქვეყნდა" - რას ამბობს ბაბი კირკიტაძე მასზე აგორებულ სკანდალზე?
მკითხველის კომენტარები /
25 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რა იმღერეს ასეთი 12ატადი რომ აუღეს,რამდენი გაჭირვებულია,იმისთვის ნიეცათ ეგ ფული,ხალხი ნაგავში იქექება და ბაბუს ყროყინში ვინ გადაუხადა ამდენი ფული😡😡ეგეც არ მყავდეს პოპდივა
რომელი ხართ მომღერალი ხომ ვერ გვეტყვით? ..ისე ყვებით ასეთი და ისეთი გზა გავიარეთო თითქოს ოსკარის დაჯილდოებაზე იყოთ მიწვეული....ერთი გასართობი გადაცემის მომღერლები ხართ....მთელს ხელფასს ესთეტიკურ ცენტრებში ხარჯავთ რომ როგორმე შორენას დაემსგავსოთ.....რა უხერხულიააააა.....