"ექვსი კვირა ისე გასულა, თავი არ დამიბანია" - ვარსკვლავები, რომლებიც იშვიათად იბანენ და უარს ამბობენ სუნამოზე

ჰიგიენის წესების დაცვა უმნიშვნელოვანესია. თუმცა ზოგიერთი ადამიანი, სამწუხაროდ, ამ საკითხს დიდად არ აქცევს ყურადღებას და მათ შორის არიან ვარსკვლავებიც.

ბევრი მათგანი საჯაროდ ლაპარაკობს პირადი ჰიგიენის წესებზე და ეს მათი იმიჯივით მომხიბვლელი სულაც არაა.

ვნახოთ პოპულარული ადამიანები, რომლებიც ჰიგიენის უჩვეულო წესებზე ღიად საუბრობენ.

• რობერტ პატინსონი

"ბინდის" ვარსკვლავს თავის დაბანა საჭიროდ არ მიაჩნია. მისი თქმით, ყოფილა შემთხვევა 6 კვირა ისე გასულა, რომ ერთხელაც არ დაუბანია თავი.

"არ მაღელვებს სუფთაა თუ არა ჩემი თმა", - ამბობს პატინსონი. მას სჯერა, რომ "თმა თავად ზრუნავს სისუფთავეზე" და რომ მას მხოლოდ 1 ფუნქცია აქვს - რობერტის თავზე დარჩეს და არ გასცვივდეს.

• მეგან ფოქსი

მეგანმა გაამხილა, რომ ის არც თუ ისე მოწესრიგებული და სუფთა ადამიანია. მსახიობი, მისივე თქმით, გამოცვლის შემდეგ არასდროს ალაგებს ტანსაცმელს და მათ იატაკზე მიმოფანტულს ტოვებს. მეგანის მეორე "ცოდვა" კი ისაა, რომ უნიტაზის ჩარეცხვაც არ უყვარს იმის მიუხედავად, რომ მეგობრები ხშირად აძლევენ ამის გამო შენიშვნას.

• ზაკ ეფრონი

High School Musical-ის ვარსკვლავი შხაპის გარეშე რამდენიმე დღეს ატარებს იმის მიუხედავად, რომ ფიტნესის მოყვარულია. მან აღიარა, რომ დაბანის ნაცვლად, სველი ხელსახოცების გამოყენებას ამჯობინებს.

• ბრედ პიტი

ბრედ პიტიც, ზაკ ეფრონის მსგავსად სველი ხელსაწმენდების მოყვარულია. მსახიობმა განაცხადა, რომ ყოველთვის ძალიან დაკავებულია და ხშირად საკმარისი დროც არ აქვს, რომ შხაპი მიიღოს. ამის გამო რამდენიმე დღეს დაუბანელია. პიტმა ასევე უარი თქვა საპონსა და დეოდორანტზე.

• მეთიუ მაკკონაჰი

მეთიუ მაკკონაჰი არასდროს ისხამს დეოდორანტს, ან ოდეკოლონს. ამისთვის მსახიობს განსაკუთრებული მიზეზი აქვს: "ქალები, რომლებიც ჩემს ცხოვრებაში დიდ როლს თამაშობენ, მათ შორის დედაჩემიც, მეუბნებიან, რომ ჩემი ბუნებრივი სურნელი მოსწონთ და რომ ის მამაკაცურია"-, აცხადებს ვარსკვლავი.

• ქამერონ დიასი

მსახიობი ამბობს, რომ ცხოვრების იმ ეტაპზეა, როცა გარეგნობაზე ზრუნვაში ენერგიას საერთოდ აღარ ხარჯავს და ცდილობს, საკუთარი თავი ისეთი მიიღოს, როგორიც ბუნებრივადაა. მსახიობის თქმით, სახეს არასდროს იბანს. "არ მინდა მაღელვებდეს, როგორ გამოვიყურები. თითქმის არაფერს ვაკეთებ გარეგნობაზე ზრუნვისთვის. მილიონობით თავის მოვლის საშუალება მაქვს, რომელსაც ყველაზე კარგ ვარიანტში, თვეში ორჯერ ვიყენებ", - ამბობს ჰოლივუდის ვარსკვლავი.

• ლეონარდო დიკაპრიო

ლეონარდოს თქმით, გარემოს დაცვაზე ზრუნვის მიზეზით, კვირაში მხოლოდ ორჯერ იღებს შხაპს. დიკაპრიოც, პიტისა და მაკკონაჰის მსგავსად, უარს ამბობს დეოდორანტის გამოყენებაზე, რადგან ის ბუნებრივი პროდუქტი არაა.

• ჯესიკა სიმპსონი

მსახიობი და მომღერალი აღიარებს, რომ ის არ უჯერებს სტომატოლოგის რჩევას და კბილებს დღეში ორჯერ არ იხეხავს. მიზეზად იმას ასახელებს, რომ არ მოსწონს, როცა "კბილები უპრიალებს", ამიტომ კვირის განმავლობაში მხოლოდ 3-ჯერ იხეხავს კბილებს. სიმპსონი ამბობს, რომ ხეხვის კომპენსაციას პირის სავლებებით ახდენს.

წყარო: brightside

მოამზადა: ანა სიბოშვილმა