1
აპრილიდღის ზოგადი ასტროლოგიური პროგნოზი
დევიდ და ვიქტორია ბეკჰემების ვაჟის, ბრუკლინ ბექჰემის მეუღლე, ნიკოლა პულცი საუბრობს მედიაში გავრცელებულ ინფორმაციაზე იმის შესახებ, რომ მას დედამთილთან უთანხმოება აქვს.
27 წლის მოდელი და მსახიობი The Times-ის საგაზეთო ინტერვიუში უარყოფს, რომ ვიქტორიასთან რაიმე გაუგებრობა ჰქონდა. თუმცა იქვე დასძენს, რომ "სრულყოფილი ოჯახი არ არსებობს."
დასავლური ყვითელი პრესის თანახმად, ბექჰემების ახალ რძალსა და ვიქტორიას შორის უთანხმოება იმით დაიწყო, რომ ნიკოლამ ვიკის დიზაინით შეკერილი საქორწილო კაბის ჩაცმაზე უარი თქვა. პულცის თქმით, ყველაფერი სულ სხვაგვარად იყო.
"ეს არაა მტრობა! ყველგან ამ სიტყვას ვხედავ, მტობა, მტრობა მტრობა. მგონი, ყველაფერი იმით დაიწყო, რომ ქორწილში ვიქტორიას კაბა არ ჩავიცვი, მაგრამ სიმართლე ისაა, რომ მე ძალიან, ძალიან მინდოდა მისი ჩაცმა.
თან ვფიქრობდი, რა მშვენიერი იყო, რომ ბრუკლინის დედა მიკერავდა. ძალიან მიხაროდა, მაგრამ საბოლოოდ, მაინც ვერ მოხერხდა. როცა ამბობენ, რომ მე თავიდანვე არ ვაპირებდი მისი კაბის ჩაცმას, ძალიან ვწუხვარ. ეს უბრალოდ არ შეესაბამება სიმართლეს", -ამბობს ნიკოლა.
მისივე თქმით, დედამთილმა ქორწილამდე რამდენიმე თვით ადრე შეატყობინა, რომ მისთვის კაბის შეკერვას ვერ მოახერხებდა და ამიტომ მოუწია სხვა კაბაზე არჩევანის გაკეთება.
ნიკოლამ The Times-თან ინტერვიუში დევიდ ბექჰემს "ლეგენდა" უწოდა, ბრუკლინის 11 წლის დას, ჰარპერს კი "ყველაზე მაგარი პატარა დაიკო“. მან ისიც გაამხილა, რომ ბრუკლინს უკვე სურს შვილი, თუმცა პულცი ჯერჯერობით ამჯობინებს, რომ მოიცადონ და ჯერ კარიერას მიხედონ.
წყარო: thetimes
მოამზადა: ანა სიბოშვილმა
"კარიერას მიხედონ" კაი იყო 🙂
ვიქტორიას დააბრალა :))