!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
24
აპრილიდღის ზოგადი ასტროლოგიური პროგნოზი
მამაკაცს, რომელმაც თავი გინეკოლოგ ქალად გაასაღა და ათობით ქალბატონს "ფეისბუქზე" სასქესო ორგანოს ფოტოები გააგზავნინა, პატიმრობა მიუსაჯეს.
37 წლის მალაიზიელი მამაკაცი, უი ჩუენ ვეი, სასამართლომ დამნაშავედ ცნო თაღლითობაში და მას 3 წლითა და 4 თვით თავისუფლების აღკვეთა მიუსაჯეს.
უი ჩუენ ვეი ქალებს "ფეისბუქის" ყალბი პროფილიდან უკავშირდებოდა და გამოკითხვაში მონაწილეობის მიღებას სთხოვდა, რომელიც მათ სასქესო ორგანოებზე და სექსუალურ ცხოვრებაზე შეიცავდა კითხვებს. მან 4 წლის განმავლობაში 38 ქალი გააცურა და მათგან 1000-მდე ინტიმური ფოტო და ვიდეო მიიღო.
ის ქალებს არწმუნებდა, რომ ფოტო და ვიდეოჩანაწერები მას ნებისმიერ პრობლემის დიაგნოსტირებაში ეხმარებოდა.
მამაკაცისადმი ბრალდებები შარშან ივლისში დაიწყო, როცა ერთ-ერთი მსხვერპლი ქალბატონი დაეჭვდა ვეის ვინაობაში და როცა შეამოწმა, რომ ასეთი ექიმი არ არსებობდა, პოლიციაში შეიტანა განაცხადი. სამართალდამცავები ეჭვმიტანილის სახლში მივიდნენ და ელექტრონული მოწყობილობები ჩამოართვეს. პოლიციის გამოძიება ჯერ კიდევ არ იყო დასრულებული, როცა მამაკაცი ქალების მოტყუებაში გამოტყდა და დანაშაული აღიარა.
იმის გათვალისწინებით, რომ ვეი წლების განმავლობაში აგრძელებდა დანაშაულის ჩადენას და მისი მსხვერპლი ქალების რიცხვიც დიდი იყო, პროკურორის მოადგილე, მამაკაცისთვის, მინიმუმ 3 წლითა და 8 თვით თავისუფლების აღკვეთას ითხოვდა. "ბრალდებულმა წინასწარ შემუშავებული გეგმა განახორციელა თავისი სექსუალური მოთხოვნილებების დასაკმაყოფილებლად. ასევე, მან დანაშაულის ჩასადენად ბოროტად გამოიყენა სოციალური მედია და ხალხის ექიმებისადმი ნდობა“, - თქვა მან.
წყარო: cnn
მოამზადა: ანა სიბოშვილმა
ერთი სურათი მაინც დაედოთ სინგაპურის სასამართლოს მაგივრად...
რამდენი ავადმყოფია. ეს როგორ უნდა მოიფიქრო ადამიანმა. ან ამდენი შტერი ქალი სად იყო რომ მის მახეში გაება. მართლა ქალი გინეკოლოგი რომ ყოფილიყო, ასეთი სურათები როგორ უნდა გააგზავნო ჭკუათმყოფელმა